यहोसु 14:12 - लिम्बु12 कल्ले़चोगुल्ले़ आल्ल कन् कोःक्मा फाङ्जङ्बा लाजेन् आङ्गाॽ पिराङ्ङे़ॽ, खे़ल्ले़ कुयाःम्बेओ यहवे दाङ्बे़ल्ले़ खे़ल्ले़ याःन्दिक् पाःत्तुआङ् वये़॥ खे़प्मो अनाकिहाॽ मे़युङ्, खे़ङ्हाॽरे़ खुन्छिॽ यम्बयम्बा हाङ्यक् के़ने़बा ये़क्यक्हाॽ मे़जोगुआङ् ने़ के़लॽबा पाःन्निन् खे़न् ये़म्मो खे़ने़ॽ के़घे़प्सुआङ्ङे वये़॥ यहवे दाङ्बे़ल्ले़ फाॽआबालाम् खुने़ॽ कुबाःन्जाक् कुइसिक् आङ्गाॽ खे़ङ्हाॽ नाःत्तुङ्देसुङ्सिङ्ॽ॥” Gade chapit la |
के़मनाहाॽरे़ लाजेन् फे़जाःल्ले़ मे़नाःन्दुबा मेःन्लो हे़क्क्याङ् आबाङे मे़धुम्दे़आङ् मे़नाःन्दुबाआङ् मेःन्लो कर के़मुक्साम् नु के़धुम्मिल्ले़ मे़नाःन्दुबारो॥ हे़क्क्याङ् खे़ने़ॽ खुन्छिॽनु के़वाॽ के़लॽबा ने़हिनिङ्वाॽरे़ निःन्धो मे़गत्तुबाल्ले़ चोगुल्ले़ थङ् मे़नाःन्दुबारो, थेआङ्भे़ल्ले़ खे़ङ्हाॽ खे़ने़ॽ लुङ्माॽ के़दुक्तुसिरो॥
खे़ब्याङ् आसाःल्ले़ यहवे दाङ्बा खुने़ॽ कुनिङ्वाॽफुमाङ्ङिन् पेलि फाक्तुआङ् मे़त्तु, “यहवे दाङ्बाए, के़धुम्बे़न्नु थक्मारे़ लागि मे़न्धुम्मनाबा आक्तङ्बा मनाहाॽसाङ् के़भाॽबाग आदाङ्बा हे़क्तङ्बा वेॽ हाःत्ताङ् होप्॥ यहवे दाङ्बा आनिगे निङ्वाॽफुमाङ्ङे, आनिगे आभाॽरे़, थेआङ्भे़ल्ले़ आनिगे आदाङ्बारे़ के़लाम् ओमे़त्तुम्बे़आङ् वयिगे़ॽ॥ आनिगे आदाङ्बारे़ए के़मिङ्ङो कन् यरिक् थक्सुबाहाॽनु थक्से़ फे़रिगे़आङ् वयिगे़॥ यहवे दाङ्बाए, आदाङ्बा आनिगे निङ्वाॽफुमाङ्ने़रो, कल्ले़चोगुल्ले़ आत्तिन् मनाःन्नाङ् आदाङ्बारे़ के़दक्ले़ङ्वाओ मे़ये़प्ने़न्लरो॥”
आनिगे आत्ति पेः क्मा सुक्तिगे़बे? आनिगे नुसाॽहाॽरे़ आनिगे निङ्साङ् मे़बुक्खुआङ् वाॽ॥ खे़ङ्हाॽरे़ मे़बाःत्तुॽ, ‘खे़न् मनाहाॽ आनिॽनुःल्ले़ यम्बा नु केःम्बा मे़जोक्॥ खे़ङ्हाॽरे़ खुनिॽ ये़क्यक्हाॽ यम्बा चोक् हे़क्क्याङ् ताङ्साङ् के़दक्पा लुङ्धाक् मे़से़त्तुआङ् ये़प्॥ आनिगे खे़प्मो अनाकिहाॽआङ् निसुम्सिम्बे़॥’”
पोङ्मा सुक् खे़न् खाम्बाङ्ङो थङ् के़जोःक्पा थक्मोबे़ल्ले़ के़रे़क् कुबाःन्हाॽ यहवे दाङ्बा आदाङ्बारे़ के़निङ्वाॽफुमाङ्ङिल्ले़ खे़प्सुर, कुहिङ्वे़त् निङ्वाॽफुमाङ्ङिन् कुनामे़न्छाॽ मे़प्मारे़ लागि खे़न् खुने़ॽ कुन्दाङ्बा अस्सुरबा हाङ्ङिल्ले़ पाङ्घु फे़न्छुआङ् वये़, हे़क्क्याङ् यहवे दाङ्बा आदाङ्बारे़ के़निङ्वाॽफुमाङ्ङिल्ले़ खे़न् पाःन्निन् खे़प्सुआङ् खुने़ॽ खे़न् फे़ःक्तुर॥ कल्ले़चोगुल्ले़ के़हिङ्बाहाॽरे़ लागि आल्लसाङ् पेलिगे़न् तुवा तोःन्दे़ॽ॥”
कर आइन् कन् पाःन्निन् से़क्खाए कुसिङ् निःत्ते़म् युक्खे़म्मे़ॽ, खाप्पुथ्यःङ् आमे़ङ्मे़ङ्बा मिधुङ् मिराःक् कुइसिक् खिनिॽ तगाङ् तगाङ् के़बेःक्पा यहवे दाङ्बान् खिनिॽ निङ्वाॽफुमाङ्ङिन्नेरो॥ खुने़ॽ खे़ङ्हाॽ युम्रे़क् मे़क्खुसिॽ खे़ब्याङ् खिनिॽ युक्को तारुसिॽ॥ यहवे दाङ्बे़ल्ले़ खिनिॽनु माङ्हुप् चोगुबा हे़क्केए खिनिॽ खे़ङ्हाॽ के़नाःत्तुम् के़देसुम्सिम्माङ् हाराए के़मे़क्खुम्सिम्ॽ॥