यहोसु 13:7 - लिम्‍बु

⁷ आल्‍ल कन् लाजेन् फाङ्‌सि थाःक्‍हाॽ नु मनस्‍सेरे़ कुभ्रे़ःङ् थाःक्‍हाॽ लक्‍खोमारे़ लागि फःक्‍खे़ पिरे़से़ॽओ॥”

यहोसु 13:7 Referans Kwoze

खानिःत् 33:54

खिनिॽ आप्‍फेक् आप्‍फेक् थाःक् कुइसिक् खे़न् लाजेॽओ तॽयाःन्‍सोन् के़से़म्‍मे़ॽआङ् खिनिॽ लक्‍हाॽ फःक्‍खे़म्‍मे़ॽ॥ यरिक् हिम्‍सयङ् के़वाॽबा थाःक्‍हाॽ यम्‍बा युक् पिरे़म्‍सिम्‍मे़ॽ, हे़क्‍क्‍याङ् सुःल्‍लिक् हिम्‍सयङ् के़वाॽबा थाःक्‍हाॽ चुक्‍पा युक् पिरे़म्‍सिम्‍मे़ॽ॥ हाःत्‍ले़ कुदॽयाःन्‍सोःन्‍निन् आत्ति थाःॽ खे़न् खुने़ॽइन्‍ने पोङ्‌ल॥ खिनिॽ पाधे़बाहाॽरे़ खुन्‍छिॽ थाःक् कुइसिक् खिनिॽ खोमा लक्‍हाॽ हासे़म्‍मे़ॽ॥

यहोसु 13:6

“हे़क्‍क्‍याङ् ले़बनानलाम् मिस्रपोत-मैम थारिक्‍पा कोःक्‍मा फाङ्‌जङ् लाजेॽ के़युङ्‌बा के़रे़क्, इग्र सिदोनिहाॽ॥ आङ्‌गाॽ कन्‍हाॽ के़रे़क् इस्राइलिहाॽरे़ खुन्‍छिॽ तगिलाम् लःत्तुङ्‌देसुङ्‌सिङ्‌ॽ॥ आङ्‌गाॽ खे़ने़ॽ मे़त्‍ने़बा कुइसिक् कन् लाजेन् लक्‍खोमारे़ लागि इस्राइलिहाॽ फःक्‍खे़ पिरे़से़ॽ॥

यहोसु 13:8

यहवे दाङ्‌बे़ल्‍ले़ कुसे़वारोबा मोसाःल्‍ले़ खे़ङ्‌हाॽ पिरुसिबा कुइसिक् रुबेनिहाॽ नु गादिहाॽ हे़क्‍क्‍याङ् मनस्‍सेबा कुभ्रे़ःङ् थाःक्‍हाॽरे़ नाङ्‌गे़न् पिसाङ् यर्दन नाधाःम्‍बि खे़ङ्‌हाॽरे़ खुन्‍छिॽ खोमा लक्‍किन् मे़घोसुरो॥

निङ्‌वाॽफु साम्‍लोसुम् 78:55

खे़न् लाजेॽओ खुने़ॽ कुमनाहाॽ तगि मे़बोरे़ल्‍ले़ खे़प्‍मोबा मे़न्‍छाम् सुवाङ्‌हाॽ नाःत्तुदेसिरो, खे़ङ्‌हाॽरे़ खुनिॽ लाजेॽ सिङ्‌बुङ्‌हाॽ इस्राइलि सुवाङ्‌हाॽ हाःत्तुसिरो, हे़क्‍क्‍याङ् खे़प्‍मोबा मनाहाॽरे़ खुनिॽ हिम्‍धाःङ्‌हाॽओ इस्राइलि सुवाङ्‌हाॽ युक्‍खुसिरो॥

निङ्‌वाॽफु साम्‍लोसुम् 105:44

खे़ङ्‌हाॽ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ खुनिॽ लाजेॽ सिङ्‌बुङ्‌हाॽ पिरुसिरो, खे़ङ्‌हाॽरे़ खुनिॽ प्‍याङ्‌सिगे़न् इक्‍ताप्‍हाॽ हुक्‍सुप्‍तुसिरो॥

इजकिएल 45:1

“‘खिनिॽ लक्‍खोमारे़ लागि लाजेन् के़भःक्‍खुम्‍मिल्‍ले़ २५,००० हुक्‍सिक् केःम्‍बा कुलाम्‍ति नु २०,००० हुक्‍सिक् कुभे़रे़ के़ने़बा कुलक् थिक् सेसे थुम् पोङ्‌मारे़ लागि यहवे दाङ्‌बाओ खिनिॽ के़दोःन्‍दुम्‍ल पोङ्‌ॽ, खे़न् के़रे़क् ते़ङ्‌गप्‍पिन् सेसेबा पोङ्‌ॽ॥

खानिःत् 34:13

मोसाःल्‍ले़ इस्राइलिहाॽ अक्‍खे मे़त्तुसिआङ् इङ्‌जाङ् पिरुसि, “यहवे दाङ्‌बे़ल्‍ले़ कुइङ्‌जाङ् कुइसिक् तॽयाःन्‍सोन् मे़गे़सुआङ् फाङ्‌सिआङ् कुभ्रे़ःङ् थाःक्‍हाॽरे़ युक् चोःक्‍मा के़बोङ्‌बा लाजेन् हाबा कन्‍लो,

यहोसु 14:2

यहवे दाङ्‌बे़ल्‍ले़ मोसान् लाम्‍बा खे़न् फाङ्‌सिआङ् कुभ्रे़ःङ् थाःक्‍हाॽरे़ खुन्‍छिॽ लागि इङ्‌जाङ् पिरुबा कुइसिक् तॽयाःन्‍सोन् के़सुआङ् खे़ङ्‌हाॽरे़ खुन्‍छिॽ लक्‍हाॽ फःक्‍खु॥