यहोसु 13:3 - लिम्बु3 मिस्र लाजेॽ नाङ्गे़न् ले़प्माङ्बा सिहोर वहःङ्लाम् कत्ना एक्रोनबा इःन्दो थारिक्—कन्हाॽ के़रे़क् कनानिहाॽरे़ खुन्छिॽ लक्को चुक्ते़आङ् ने़रो, (ङासि पलिस्ति युक्साबाहाॽरे़ खुन्छिॽ ते़ङ्गप्हाॽ गाजा, अस्दोद, अस्कलोन, गात नु एक्रोन), हे़क्क्याङ् लाङ्गे़त् ले़प्माङ्बा अब्बिहाॽरे़ खुन्छिॽ लाजेन् सोसोरिक्, Gade chapit la |
यहोसु 13:3
18 Referans Kwoze
पलिस्तिहाॽरे़ सेःन्मे़दोसुसि, “आप्तिक्लाम् ले़प्मि खोमा आक्तङ्बा सिदुङ्जभा हाङ्मादेमाबे?” खे़ङ्हाॽरे़ अक्तङ्बा नोगप् मे़बिरुसि, “ङासि साम्म्याङ् लःप्ला नु ङासि साम्म्याङ् सुबाहाॽ पलिस्ति युक्साबाहाॽरे़ खुनिॽ खानिःत् कुइसिक् हाङे़म्देसे़म्मे़ॽ॥ थेआङ्भे़ल्ले़ आम्भा खे़न् तुक्माल्ले़ खे़निॽ नु खे़निॽ युक्साबाहाॽ के़याङ्घिआङ् के़वयि॥
पलिस्तिबा लाम्लोबाहाॽ खे़न् मे़न्छुमाःल्ले़ कुदुम्से़ मे़बेआङ् खे़न् मे़मे़त्तु, “खुने़ॽ थेःल्ले़ खे़म्म्याक् साॽरिक् के़धुम्बा चोगु, हे़क्क्याङ् आक्खेलॽरिक् आनिगे खुने़ॽ खुम्माआङ् इघेःङ्मा नु मे़न्धुम्मनाबा चोःक्मा सुक्तुम्बे़बे, खे़ने़ॽ ले़मे़ॽ सुःन्दे़आङ् सेःन्दोसे़ॽओ॥ आनिगे के़रे़क्लाम् खे़ने़ॽ १,१०० युप्पा याङ्इत्छेॽ के़घोसुॽ॥”
खम्भ्याङ् सोलोमन हे़क्क्याङ् खुने़ॽनु के़वाॽबा के़रे़क् इस्राइलिहाॽरे़, ले़बो-हमातलाम् मिस्र लाजेबा ताङ्साङ्वा थारिक्पा के़रे़क् लाजेॽलाम् लत्छा यरिक् के़योबा सङ्जुम्भोहाॽरे़ हाबा खे़न् ये़म्मो तङ्नाम् मे़दोसु॥ खे़ङ्हाॽरे़ नुसि ये़न् थारिक् नु आल्लसाङ् नुसि ये़न् थे़म्बा काक्ले़ थिबोङ्ङाङ् लिसि ये़न् थारिक् यहवे दाङ्बा आनिॽ निङ्वाॽफुमाङ्ङिल्ले़ कुदगि तङ्नाम् मे़दोसुआङ् मे़यागे़॥
खे़ल्ले़चोगुल्ले़ खे़ङ्हाॽरे़ पलिस्तिहाॽरे़ खुनिॽ के़रे़क् युक्साबाहाॽ मे़उःत्तुसि॥ हे़क्क्याङ् खे़ङ्हाॽ मे़मे़त्तुसि, “कन् इस्राइलबा निङ्वाॽफुमाङ्ङिल्ले़ कुसन्दोःक्किन् आनिगे थे चोगुम्बे़बाबे?” हे़क्क्याङ् युक्साबाहाॽरे़ मे़मे़त्तुसि, “इस्राइलबा निङ्वाॽफुमाङ्ङिल्ले़ कुसन्दोःक्किन् गातबा पाङ्जुम्मो मे़समे़धर॥” हे़क्केलॽरिक् खे़ङ्हाॽरे़ इस्राइलबा निङ्वाॽफुमाङ्ङिल्ले़ कुसन्दोःक्किन् मे़जत्तु मे़देॽरु॥
खे़ल्ले़चोगुल्ले़ खे़प्मोलाम् खे़ङ्हाॽरे़ निङ्वाॽफुमाङ्ङिल्ले़ कुसन्दोःक्किन् एक्रोन पाङ्जुम्मो मे़समे़ध॥ कर निङ्वाॽफुमाङ्ङिल्ले़ कुसन्दोःक्किन् खे़ॽयो मे़गे़त्तुबा मे़निसुनेमे़ःन्ने एक्रोनबा मनाहाॽ मे़अःक्ते़र मे़बाःत्तु, “खे़ङ्हाॽरे़ग इस्राइलबा निङ्वाॽफुमाङ्ङिल्ले़ कुसन्दोःक्किन् आनिॽ नु आनिॽ हिम्सयङ्हाॽ से़त्छे़ कप्मो मे़भे़त्तुआङ् वाॽरो॥”
Piblisite