यहोसु 13:28 - लिम्‍बु

²⁸ गादिहाॽरे़ खुन्‍छिॽ लक्‍खोमा लक्‍किन् खे़ङ्‌हाॽरे़ खुन्‍छिॽ हिम्‍सयङ् कुइसिक्, ये़क्‌यक्‍हाॽ नु पाङ्‌भेॽहाॽ हाबा कन्‍हाॽरो॥

यहोसु 13:28 Referans Kwoze

यहोसु 13:27

हे़क्‍क्‍याङ् ने़ने़बादे़न्‍नोबा बेथ-हाराम, बेथ-निम्रा, सुक्‍कोत, सापोन नु हेस्‍बोनबा हाङ् सिहोनरे़ कुहाङ्‌जुम् के़नम्‍बाआङ् के़ने़बा (यर्दन नाङ्‌गे़न् पिसाङ्‌बा किन्‍नेरेत वरःङ्‌ङिल्‍ले़ नासमा कुयाओ थारिक् याङ्‌घु)॥

यहोसु 13:29

याम्‍मो मोसाःल्‍ले़ मनस्‍सेरे़ कुभ्रे़ःङ् कुधाःक्‍हाॽ, इग्र मनस्‍सेरे़ कुभ्रे़ःङ् कुमुॽइदाङ्‌साहाॽ खे़ङ्‌हाॽरे़ खुन्‍छिॽ हिम्‍सयङ् कुइसिक् खे़ङ्‌हाॽ कम्‍भलॽरिक् फःक्‍खु पिरुसिरो—

१ साप्‍मुःन्‍धुम् 5:16

गादिहाॽ गिलाद, बासान नु खे़प्‍मोबा पाङ्‌भेॽहाॽओ, हे़क्‍क्‍याङ् सारोनबा के़रे़क् थक्‍सा चाराम्‍मादे़न्‍हाॽ के़बोबाआङ् के़ने़बा ते़न्‍हाॽओ थारिक्‍के मे़युङे़॥