यहोसु 13:13 - लिम्‍बु

¹³ कर इस्राइलिहाॽरे़ गसुरिहाॽ नु माकातिहाॽ मे़न्‍नाःत्तुसिन्॥ आइन्‍बा ये़न् थारिक् इस्राइलिहाॽरे़ खुन्‍छिॽ लुम्‍मो गसुरिहाॽ नु मकातिहाॽ मे़युङ्‌लो॥

यहोसु 13:13 Referans Kwoze

यहोसु 13:11

गिलाद लाजेन् हे़क्‍क्‍याङ् गसुरि नु माकातिबा इःन्‍दोओ थारिक्, खे़ब्‍याङ् के़रे़क् हेर्मोन कोःक्‍माहाॽ नु सलका थारिक् बासान के़रे़क्—

खानिःत् 33:55

“‘कर खिनिॽ खे़न् लाजेॽओबा यक्‌युङ्‌बाहाॽ के़न्‍नाःत्तुम् के़न्‍देसुम्‍सिम्‍मे़न्‍ने़भग्र, खे़प्‍मो युङ्‌मा के़भाःक्‍तुम्‍सिम्‍बाहाॽग खिनिॽ मिक्‍को के़लाःप्‍पा साक्‍चिॽ नु थक्‍किन् के़धुप्‍पा तिङ् हे़क्‍तङ्‌बा मे़बोङ्‌ॽ, खम्‍भ्‍याङ् खिनिॽ आत्ति के़युङिसाङ् खे़ङ्‌हाॽरे़ तुक्‍खे के़म्‍जाःत्तिॽ॥

२ सामुए़ल 3:3

खुने़ॽ कुस्‍सा सरुम्‍बे़न् किलाब वये़, खे़ल्‍ले़ कुम्‍मा कार्मेलबा नाबालरे़ कुमेमेदुमा अबिगेल वये़, खुने़ॽ कुस्‍सा याङ्‌सरुम्‍बे़न् अब्‍सालोम वये़, खुने़ॽ कुम्‍मा गसुरबा हाङ् तल्‍मैरे़ कुस्‍सा मे़न्‍छुमा माका वये़,

साम्‌योथिम् इङ् 3:14

मनस्‍सेरे़ कुमुॽइदाङ्‌सा याइररे़ गसुरि नु माकातिहाॽरे़ खुन्‍छिॽ इःन्‍दोओ थारिक् अर्गोबबा के़रे़क् ते़ङ्‌गप्‍हाॽ मे़त्‍छिङ् हे़क्‍क्‍याङ् खे़ङ्‌हाॽ आप्‍फेक् कुमिङ्‌लाम् मिङ् वाःत्तु॥ कल्‍ले़चोगुल्‍ले़ आइन् थारिक्‍साङ् बासाने़न् हब्‍बात याइर मे़मे़त्तु॥)

यहोसु 12:5

हेर्मोन कोःक्‍मा, सलका हे़क्‍क्‍याङ् के़रे़क् बासानओ गसुरिहाॽ नु माकातिहाॽरे़ खुन्‍छिॽ इःन्‍दोओ थारिक् नु हेस्‍बोनबा हाङ् सिहोनरे़ कुइःन्‍दोओ थारिक् खे़ब्‍याङ् गिलादओ कुभ्रे़ःङ् हाङ्‌युक् चोगुआङ् ने़स्‍से़॥

यहोसु 13:12

इग्र खे़न् रपाइहाॽलाम् के़दाङ्‌बा के़याःक्‍पा अस्‍तारोत नु एद्रइओ हाङ्‌युक् के़जोःक्‍पा ओग हाङ्‌ङिल्‍ले़ के़रे़क् बासानबा कुहाङ्‌जुम्‍मो थारिक्, थेआङ्‌भे़ल्‍ले़ कन्‍हाॽ मोसाःल्‍ले़ नाःन्‍दुसिआङ् नाःत्तुदेसुसिआङ् मे़वये़॥

यहोसु 13:14

कर मोसाःल्‍ले़ ले़बि थाःक्‍हाॽ थे़माआङ् लक्‍खोमा युक् मे़बिरुसिन्, थेआङ्‌भे़ल्‍ले़ यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ कुलागि मे़दोन्‍दुबा मि लाम्‍बाबा सिदुङ्‌जभाहाॽ खुने़ॽ कुबाःन्‍जाक् कुइसिक् खे़ङ्‌हाॽरे़ खुन्‍छिॽ लक्‍खोमा युक्‍लो॥

१ सामुए़ल 27:8

दाउदे़न् नु कुमनाहाॽरे़ गस्‍सुरिहाॽ, गिज्रिहाॽ हे़क्‍क्‍याङ् अमाले़किहाॽ मे़भत्तुसिआङ् खुनिॽ चिगक्‌वाहाॽ मे़नाप्‍तुसि॥ खे़ङ्‌हाॽ उन्‍छोःन्‍नाङ्‌धोए सुर नु मिस्रलाजेॽ थारिक्‍के मे़युङ्‌सिङ्‌ङाङ् मे़युङे़॥

तोलिङ्‌सोमु 35:22

इस्राइलले़न् खे़न् लाजेॽओ वये़ल्‍ले़ रुबे़न्‍ने़न् कुम्‍बारे़ कुजक्‍मेःत् बिल्‍हाःन्‍नु इप्‍से़, हे़क्‍क्‍याङ् इस्राइलरे़ कन् पाःन्‍निन् खे़प्‍सु॥ याकुबरे़ थिक्‍ने़त् कुस्‍सा ये़म्‍बित्‍छाहाॽ मे़वये़—

२ सामुए़ल 10:6

दाउदे़न्‍नु मे़जोगुबा याःम्‍बक्‍के़न् साॽरिक् याम्‍गे़सिङ्‌बा ताप्‍फे़ःम्‍बा पोःक्‍खे़ के़लॽबा अम्‍मोनिहाॽरे़ कुसिङ् मे़निःत्तु, हे़क्‍क्‍याङ् खे़ङ्‌हाॽरे़ बेथरहोब नु सोबाबा निबोङ् हे़न्‍छिङ् थक्‍सुबाहाॽ खुन्‍छिॽ फाॽसे़ याःल्‍लिक् मे़दारुसि॥ खे़ङ्‌हाॽरे़ माकाबा हाङ्‌लाम् हे़न्‍छिङ्‌धिक् हे़क्‍क्‍याङ् तोबलाम्‍बा हे़न्‍छिङ् थिबोङ्‌ङाङ् ने़त्‍छि मनाहाॽ थङ् चोःक्‍मा के़भाॽबा याःल्‍लेक् मे़दारुसि॥