यहोसु 12:6 - लिम्‍बु

⁶ यहवे दाङ्‌बे़ल्‍ले़ कुसे़वारोबा मोसान् नु इस्राइलिहाॽरे़ खे़ङ्‌हाॽ मे़नाःन्‍दुसि॥ यहवे दाङ्‌बे़ल्‍ले़ कुसे़वारोबा मोसाःल्‍ले़ रुबेनिहाॽ, गादिहाॽ नु मनस्‍सेबा कुभ्रे़ःङ् थाःक्‍हाॽ युक्‍ले़ लागि खे़न् पिरुसिरो॥

यहोसु 12:6 Referans Kwoze

खानिःत् 32:33

खे़ब्‍याङ् गाद नु रुबेनरे़ खुन्‍छिॽ मुॽइदाङ्‌सा हे़क्‍क्‍याङ् योसेफरे़ कुस्‍सा मनस्‍सेरे़ कुभ्रे़ःक् कुधाःक्‍हाॽ एमोरिहाॽरे़ खुन्‍छिॽ हाङ् सिहोनरे़ कुहाङ्‌जुम्‍मिन् नु बासानबा हाङ् ओगरे़ कुहाङ्‌जुम्‍मिन्, खुन्‍छिॽ इःन्‍दोओ के़ने़बा के़रे़क् ये़क्‌यक्‍हाॽआङ् खक्‍पे़त् मोसाःल्‍ले़ पिरुसि॥

खानिःत् 32:29

मोसाःल्‍ले़ खे़ङ्‌हाॽ अक्‍खे मे़त्तुसि, “गाद नु रुबेनरे़ खुन्‍छिॽ मुॽइदाङ्‌साहाॽ खिनिॽनु सोरिक् यहवे दाङ्‌बे़ल्‍ले़ कुदगि थङ्‌ङो फे़जुम्‍भे़या खजुम्‍घया मे़याङ्‌सिङ्‌ङाङ् यर्दन नाधाःम्‍बि मे़बेःक्, हे़क्‍क्‍याङ् लाजेन् खिनिॽ हुक्‍को थाने़भग्र, गिलाद लाजेन् खिनिॽ खे़ङ्‌हाॽरे़ खुन्‍छिॽ युक्‍को पिरे़म्‍सिम्‍मे़ॽ॥

खानिःत् 32:32

आनिगे फे़जुम्‍भे़या खजुम्‍घया हेॽआसिगे़आङ् यहवे दाङ्‌बे़ल्‍ले़ कुदगि नाधाःम्‍बि कनान लाजेॽओ पेगिगे़ॽ, कर आनिगे युक्‍कोबा खोमा लक्‍किन् यर्दन कत्‍नाहाङ्‌दाङ्‌ङे चुक्‍ल॥”

यहोसु 14:3

ने़त्‍छिआङ् कुभ्रे़ःङ् थाःक्‍हाॽग यर्दन नाधाःम्‍बि नाङ्‌गे़न् पिसाङ् मोसाःल्‍ले़ लक्‍खोमा पिरुसिआङ्‌ङे ने़स्‍से़, कर खे़ङ्‌हाॽओ ले़बिहाॽग थे़मा लक्‍काङ् पिरुसिबा होःप्‍ते़,

यहोसु 18:7

“कर ले़बिहाॽरे़ खुन्‍छिॽ लागि खिनिॽलाम् थे़माआङ् लक् मे़ङ्‌घोसुन्, थेआङ्‌भे़ल्‍ले़ यहवे दाङ्‌बे़ल्‍ले़ कुलागि निङ्‌वाॽफुसाम्‍बा ताक्‍फाःन्‍ने खे़ङ्‌हाॽरे़ खुन्‍छिॽ लागि लक्‍खोमारो॥ गाद, रुबेन नु मनस्‍सेरे़ कुभ्रे़ःङ् थाःक्‍हाॽरे़ नाङ्‌गे़न् पिसाङ् यर्दन नाधाःम्‍बि, यहवे दाङ्‌बे़ल्‍ले़ कुसे़वारोबा मोसाःल्‍ले़ पिरुसिबा खे़ङ्‌हाॽरे़ खुन्‍छिॽ आप्‍फेक् आप्‍फेक् लक्‍खोमान् मे़घोसुआङ्‌ङे वाॽ॥”

यहोसु 22:4

आल्‍ल यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ पाःत्तुबा कुइसिक् खिनिॽ फुॽनुसाॽहाॽ नाःम्‍सिङ्‌मा के़बिरुम्‍सिम्‍माङ् वाॽ॥ कल्‍ले़चोगुल्‍ले़ आल्‍ल खिनिॽ नुःक्‍खे़म्‍मे़ॽआङ् यहवे दाङ्‌बे़ल्‍ले़ कुसे़वारोबा मोसाःल्‍ले़ यर्दन नाधाःम्‍बि खिनिॽ युक्‍मारे़ लागि के़बिरिबा खिनिॽ आप्‍फेक् लाजेॽओ पेगे़म्‍मे़ॽ॥

१ हाङ् 4:19

गिलादओ—उरिरे़ कुस्‍सा गेबेरे़न् वये़ (खे़न् एमोरिहाॽरे़ खुन्‍छिॽ हाङ् सिहोननु बासानबा हाङ् ओगरे़ कुलाजेॽ ने़स्‍से़)॥ खुने़ॽ खे़न् थुम्‍मोबा लत्‍छारक् थुम् युक्‍साबा वये़रो॥