यहोसु 12:2 - लिम्‍बु

² हेस्‍बोन के़युङ्‌बा एमोरिहाॽरे़ खुन्‍छिॽ हाङ् सिहोनरे़ अर्नोन वहःङ्‌ङिल्‍ले़ कुयाओ के़ने़बा अरोएरलाम्, ने़ने़बादे़न्‍निल्‍ले़ कुलुम्‍मोलाम् गिलादे़न् कुभ्रे़ःङ् नु अम्‍मोनिहाॽरे़ खुन्‍छिॽ इःन्‍दोओबा यब्‍बोक वहःङ् थारिक्,

यहोसु 12:2 Referans Kwoze

तोलिङ्‌सोमु 32:22

खे़न् से़न्‍दिक् याकुबे़न् पोगे़, हे़क्‍क्‍याङ् ने़त्‍छि मे़ल्‍लिङ्‌गे़न् कुमेःत्‍हाॽ, ने़त्‍छि कुसे़वारोमाहाॽ नु थिबोङ्‌ङाङ् थिक् कुस्‍सा ये़म्‍बित्‍छाहाॽ याङ्‌सिङ्‌ङाङ् यब्‍बोक यङ्‌घङ्‌ङिन् काःक्‍तु॥

निङ्‌वाॽफु साम्‍लोसुम् 135:11

खुने़ॽ एमोरिहाॽरे़ खुनिॽ हाङ् सिहोने़न् नु बासानबा हाङ् ओगे़न् से़रुसिरो, खे़ब्‍याङ् कनानबा के़रे़क् हाङ्‌हाॽआङ् से़रुसिरो॥

नहेम्‍याह 9:22

“खे़ने़ॽ खे़ङ्‌हाॽ एयाङ्‌बा मे़न्‍छाम् सुवाङ्‌हाॽरे़ खुनिॽ, हाङ्‌जुम्‍हाॽ नु खे़ङ्‌हाॽरे़ खुनिॽ इःन्‍दोहाॽरे़ कुबेसाङ्‌बा लाजेॽहाॽआङ्, खे़ङ्‌हाॽरे़ खुनिॽ युक्‍को के़बिरुसिरो॥ सिहोन हाङ्‌ङिल्‍ले़ कुलाजेॽ हेस्‍बोने़न् हे़क्‍क्‍याङ् ओग हाङ्‌ङिल्‍ले़ कुलाजेॽ बासाने़न् खे़ङ्‌हाॽरे़ मे़नाःन्‍दुरो॥

खासे़न्‍लोःम्‍बा 11:22

खे़ङ्‌हाॽरे़ अर्नोन वहःङ्‌लाम् यब्‍बोक वहःङ् थारिक् नु मुरे़क् खारे़क् थेआङ् के़होःप्‍पादे़न्‍लाम् यर्दन वहःङ् थारिक्‍के एमोरिहाॽरे़ खुन्‍छिॽ के़रे़क् ते़ङ्‌गप्‍हाॽ मे़देॽरु मे़बिरुसि॥

खासे़न्‍लोःम्‍बा 11:13

अम्‍मोनबा हाङ्‌ङिल्‍ले़ यिप्‍ताःल्‍ले़ कुमनाहाॽ अक्‍खे मे़त्तुसि, “आल्‍ल इस्राइलिहाॽ मिस्र लाजेॽलाम् मे़धोःक्‍सिङ् मे़धाङे़ल्‍ले़ खे़ङ्‌हाॽरे़ अर्नोन वहःङ्‌लाम् यब्‍बोक नु यर्दन वहःङ् थारिक्‍पा आनिगे लाजेन् मे़देॽरु॥ कन् लाजेन् मे़ङ्‌घेए मे़न्‍धक्‍के आनुःक्‍ते़ आबिरे़ॽ॥”

१ साप्‍मुःन्‍धुम् 5:8

हे़क्‍क्‍याङ् अजाजरे़ कुस्‍सा बेला, सेमारे़ कुम्‍मे़न्‍छाॽ नु योएलरे़ कुजक्‍मे़न्‍छाॽ वये़॥ खे़ङ्‌हाॽ अरोएरओ मे़युङे़, हे़क्‍क्‍याङ् खुन्‍छिॽ ते़ङ्‌गप्‍पिन् नेबो नु बाल-मोन थारिक् के़रे़॥

यर्मिया 48:19

अरोएरबा मनासे, लाम्‍मिल्‍ले़ कुबेसाङ् ये़बे़म्‍मे़ॽओ हे़क्‍क्‍याङ् खिनिॽ ओमे़त्ते़म्‍मे़ॽओ॥ मोआबलाम् के़घे़त्‍छिङ्‌बाहाॽ कम्‍भलॽरिक् फे़ःक्‍ते़म्‍सिमे़ॽओ, ‘खे़प्‍मो हे़न् पोःक्‍से़आङ् ने़गहौ?’

साम्‌योथिम् इङ् 1:4

हेस्‍बोनओ हाङ्‌युक् के़जोःक्‍पा एमोरिहाॽरे़ खुन्‍छिॽ हाङ् सिहोने़न् नु एद्रइ हे़क्‍क्‍याङ् अस्‍तारोतओ हाङ्‌युक् के़जोःक्‍पा बासानबा हाङ् ओगे़न् मोसाःल्‍ले़ नाःन्‍दुसिआङ् कन् अक्‍खे पोःक्‍खे़आङ् वये़॥