यहोसु 11:8 - लिम्बु8 हे़क्क्याङ् यहवे दाङ्बे़ल्ले़ इस्राइलिहाॽरे़ खुन्छिॽ हुक्को खे़ङ्हाॽ थासुसि, हे़क्क्याङ् खे़ङ्हाॽ मे़नाःन्दुसि, हे़क्क्याङ् खे़ङ्हाॽ यम्बा सिदोन थारिक् नु मिस्रपोत-मैम थारिक्, खे़ब्याङ् नाङ्गे़न् पिसाङ् मिस्पाबा ने़ने़बादे़न् थारिक् मे़नाःत्तुसि, हे़क्क्याङ् खे़ङ्हाॽरे़ लत्छाआङ् कुहिङ्वे़त् मे़ल्ले़त्छिङ्ङे खे़ङ्हाॽ मे़से़रुसि॥ Gade chapit la |
यहोसु 11:8
13 Referans Kwoze
हे़क्क्याङ् यहवे दाङ्बे़ल्ले़ खे़ङ्हाॽरे़ खुन्छिॽ पाधे़बाहाॽनु माङ्हे़क् चोगुबा कुइसिक्, खे़ङ्हाॽ के़रे़क् पिसाङ्लाम् नाःम्सिङ्मा पिरुसि॥ खे़ङ्हाॽरे़ खुन्छिॽ के़रे़क् निङ्मिहाॽओबा लत्छाआङ् खुन्छिॽ तगि ये़प्मा मे़न्छुक्ते़न्॥ यहवे दाङ्बे़ल्ले़ खे़ङ्हाॽरे़ खुन्छिॽ निङ्मिहाॽ खे़ङ्हाॽए हुक्सुप्तुसि॥
सिदोन नु वरःङ्ङिल्ले़ कुयाओ के़ने़बा हाङ्यक्को के़युङ्बासे, खे़निॽ सिरिङ् मये़म्मे़ॽओ, थेआङ्भे़ल्ले़ वरःङ्ङिल्ले़ अक्खे पाःत्तुआङ् वाॽरो, “आङ्गाॽग अङे़ःक्वा सावाःम्मा तुङ्ङे़ल्ले़आङ् मे़म्दे़म्मे कत्तारो, अङे़ःक्वा साआङ् मे़ङ्गत्ते वाॽआरो॥ हे़क्क्याङ् आङ्गाॽ अङे़ःक्वा ये़म्बित्छा नु मे़न्छुमा साहाॽआङ् मे़न्हिङ् मे़ङ्गुम्से वाॽआरो, खे़ब्याङ् यम्बा यम्माआङ् मे़न्जोःक्सिङ्ङे वाॽआरो॥”
हे़क्क्याङ् यहवे दाङ्बा खिनिॽ निङ्वाॽफुमाङ्ङिल्ले़ खे़ङ्हाॽ खिनिॽ युक्को तारुसि के़बिरिॽ, खे़ब्याङ् खिनिॽ खे़ङ्हाॽ के़नाःन्दुम्सिम्बा मे़बोङ्ॽ, हे़क्केःल्ले़ खिनिॽ खे़ङ्हाॽ खक्पे़त् मे़क्खे़म्सिम्मे़ॽ॥ खिनिॽ खे़ङ्हाॽनु थे़मा पाःन्नोआङ् मे़दङ्ङासिम्मिन्ने़ॽ॥ खे़ङ्हाॽ लुङ्माॽ मे़दुक्ते़म्सिम्मिन्ने़ॽ॥
कर आइन् कन् पाःन्निन् से़क्खाए कुसिङ् निःत्ते़म् युक्खे़म्मे़ॽ, खाप्पुथ्यःङ् आमे़ङ्मे़ङ्बा मिधुङ् मिराःक् कुइसिक् खिनिॽ तगाङ् तगाङ् के़बेःक्पा यहवे दाङ्बान् खिनिॽ निङ्वाॽफुमाङ्ङिन्नेरो॥ खुने़ॽ खे़ङ्हाॽ युम्रे़क् मे़क्खुसिॽ खे़ब्याङ् खिनिॽ युक्को तारुसिॽ॥ यहवे दाङ्बे़ल्ले़ खिनिॽनु माङ्हुप् चोगुबा हे़क्केए खिनिॽ खे़ङ्हाॽ के़नाःत्तुम् के़देसुम्सिम्माङ् हाराए के़मे़क्खुम्सिम्ॽ॥
Piblisite