यहोसु 11:23 - लिम्बु23 कम्भलॽरिक् यहवे दाङ्बे़ल्ले़ मोसान् मे़त्तुबा कुइसिःक्के यहोसुःल्ले़ के़रे़क् लाजेॽहाॽ नाःन्दुसिआङ् हुक्काप् चोगु, हे़क्क्याङ् खे़ङ्हाॽरे़ खुन्छिॽ थाःक्थाःक् कुइसिक् कुलक् कुलक् चोगुआङ् मे़युक्तुर फाॽआङ् इस्राइलिहाॽ फःक्खु पिरुसि॥ हे़क्क्याङ् लाजेन् थङ् चोःक्मालाम् नाःम्सिङ्लो॥ Gade chapit la |
यहोसु 11:23
20 Referans Kwoze
आल्ल यहवे दाङ्बा खिनिॽ निङ्वाॽफुमाङ्ङिल्ले़ पाःत्तुबा कुइसिक् खिनिॽ फुॽनुसाॽहाॽ नाःम्सिङ्मा के़बिरुम्सिम्माङ् वाॽ॥ कल्ले़चोगुल्ले़ आल्ल खिनिॽ नुःक्खे़म्मे़ॽआङ् यहवे दाङ्बे़ल्ले़ कुसे़वारोबा मोसाःल्ले़ यर्दन नाधाःम्बि खिनिॽ युक्मारे़ लागि के़बिरिबा खिनिॽ आप्फेक् लाजेॽओ पेगे़म्मे़ॽ॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ युक्को पिमा के़इःत्तिबा लाजेॽओ निङ्मिहाॽरे़ थङ्ङो के़म्भत्तिबालाम् नाःम्सिङ्मा के़घोसुम्माङ् इक्सादिङ् खाम्बेःक्मोलाम् अमाले़किहाॽरे़ खुन्छिॽ मिङ् मिक्सेःन्ने मासे़म् पिरे़म्सिम्मे़ॽ॥ कन् पाःन्निन् खिनिॽ आप्फाल्ले़आङ् निङ्वाॽ मे़भेःत्छे़म्मिन्ने़ॽओ!”
खे़ङ्हाॽरे़ खुनिॽ थिन्दाङ् सायोबोराहाॽ खे़प्मो मे़लासे़आङ् कनान लाजेन् मे़नाःन्दुरो, खे़ने़ॽ के़मनाहाॽरे़ खे़प्मोबा मनाहाॽ थङ् मे़नाःन्दुसिर के़याःन्दुसिरो॥ खे़ने़ॽ के़मना इस्राइलिहाॽरे़ खुन्छिॽ आबाङे निङ्वाॽ कुइसिक् चोःक्मारे़ लागि, कनानबा हाङ्ङिन् नु कुमनाहाॽ, के़मनाहाॽ हुक्के़सुप्तुसिरो॥
यर्दन नाम्धा पिसाङ् कत्नाहाङ्दाङ् लेबनान ने़ने़बादे़न्नोबा बाल-गादलाम् सेइर थाङ्माङ्ङो के़ने़बा हालाक कोःक्मा थारिक्पा लाजेॽहाॽ यहोसुन् नु इस्राइलिहाॽरे़ मे़नाःन्दुसि, हे़क्क्याङ् खे़न् हाङ्हाॽरे़ खुन्छिॽ लाजेॽहाॽ यहोसुःल्ले़ इस्राइलबा थाःक्हाॽ लक्खोमारे़ लागि कुलक् कुलक् फःक्खु पिरुसिआङ् ने़स्से़बाहाॽ हाबा कन्हाॽरो—
Piblisite