यहोसु 11:22 - लिम्‍बु

²² इस्राइलिहाॽरे़ खुन्‍छिॽ लाजेॽओ लत्‍छाआङ् अनाकिहाॽ मे़न्‌याःक्‍ते़न्, गाजा, गाद नु अस्‍दोदओरक् कुभा मे़याःक्‍ते़॥

यहोसु 11:22 Referans Kwoze

१ सामुए़ल 17:4

हे़क्‍क्‍याङ् गातबा गोल्‍यत मिङ् के़वाःप्‍पा के़धुम्‍बा थक्‍सुबाधिक् पलिस्‍ति तुराहिम्‍लाम् लःन्‍दे़ फे़रे़॥ खे़न् हुक्‍सिक् तुक्‍सिआङ् कुभ्रे़ःङ् यारिक् केःम्‍बा चोगे़॥

यहोसु 15:46

एक्रोनलाम् नाम्‍धा ले़प्‍माङ् अस्‍दोद निःत्ताङ्‌बा के़रे़क् ये़क्‌यक्‍हाॽ, खे़प्‍मोबा पाङ्‌भेॽहाॽनु सोसोरिक्,

यसैया 20:1

कन् पाःन्‍हाॽ पोःक्‍खे़बा तङ्‌बेओ अस्‍सुरबा सरगान हाङ्‌ङिल्‍ले़ मे़त्तुबा कुइसिक् खुने़ॽ के़रे़क्‍नुःल्‍ले़ यम्‍बा कुधक्‍मोबान् असदोदओ पे, हे़क्‍क्‍याङ् थङ् चोगुआङ् लाजेन् हुक्‍काप् मे़त्‍छिङ्॥

२ साप्‍मुःन्‍धुम् 26:6

उज्‍जियाहन् पलिस्‍तिहाॽनु थङ् चोःक्‍से़ ते़न्‍धङ् चोःक्‍मादे़न्‍नो पेआङ् गात, यब्‍ने नु अस्‍दोदबा लुङ्‌धाक्‍हाॽ लुःन्‍दुदेसु॥ खुने़ॽ अस्‍दोद निःत्ताङ् नु पलिस्‍तिहाॽरे़ खुन्‍छिॽ लुम्‍मो ये़क्‌यक्‍हाॽ चोगु॥

१ साप्‍मुःन्‍धुम् 18:1

कुभा ये़म् एगाङ् दाउदरे़ पलिस्‍तिहाॽ थङ्‌ङो फत्तुसिआङ् नाःन्‍दुसि, हे़क्‍क्‍याङ् खे़ङ्‌हाॽलाम् गात नु खे़न् कब्रिङ्‌बा पाङ्‌भेॽहाॽ हुक्‍काप् चोगु॥

१ साप्‍मुःन्‍धुम् 8:13

हे़क्‍क्‍याङ् बरिआ नु सेमा॥ कन् ने़प्‍फुहाॽ हिम्‍सयङ् हिम्‍सयङ्‌बाहाॽओ तुम् लाम्‍लोबा पोःक्‍खे़सि॥ खुन्‍छिॽ गातबा मनाहाॽ नाःत्ते़छुदेसे़छुसिआङ् अय्‍यालोनओ युङे़सि॥

१ हाङ् 2:39

कर तङ्‌बे सुम्‍सि एगाङ् सिमिरे़ कुयोःग्‍बा ने़प्‍फु गातबा हाङ् माकारे़ कुस्‍सा आकिसओ खे़त्‍ने़सि पेसि॥ आल्‍ल खे़न् ने़प्‍फु कुयोःग्‍बाहाॽ गातओ वाॽसि फाॽआङ् सिमिरे़ खे़प्‍सु,

१ सामुए़ल 5:1

पलिस्‍तिहाॽरे़ निङ्‌वाॽफुमाङ्‌ङिल्‍ले़ कुसन्‍दोःक्‍किन् हुक्‍काप् मे़मे़त्‍छिङ्‌ङाङ् ए़बेन्-एजरलाम्‍बा खे़ङ्‌हाॽरे़ अस्‍दोद पाङ्‌जुम्‍मो मे़देॽरु॥

खासे़न्‍लोःम्‍बा 3:3

खे़न् मे़न्‍छाम् सुवाङ्‌हाॽग हाबा कन्‍हाॽएरो—पलिस्‍तिबा ङासि युक्‍साबाहाॽ, के़रे़क् कनानिहाॽ, सिदोनि नु ले़बनानबा कोःक्‍माहाॽओ बाल-हेर्मोन कोःक्‍मालाम् ले़बो-हमात थारिक् के़युङ्‌बा हिब्‍बिहाॽ॥

साम्‌योथिम् इङ् 9:2

खे़प्‍मोबा मनाहाॽग अनाकिसिरो, खे़ङ्‌हाॽरे़ खुनिॽ याःम्‍बेओ खिनिॽ के़घे़प्‍सुम्‍माङ् के़वयिॽ॥ खे़ङ्‌हाॽ के़धुम्‍बा नु केःम्‍ब केःम्‍बा मे़जोक्॥ खिनिॽ अक्‍तङ्‌बा पान् के़घे़प्‍सुम्‍माङ् वाॽ, “अनाकिहाॽरे़ खुन्‍छिॽ पेसाङ् हात् ये़प्‍मा सुक्‍पे?”

यहोसु 15:14

सुम्‍सि अनाकिहाॽ, सेसै, अहिमन नु तल्‍मै अनाकबा हिम्‍सयङ्‌हाॽ कालेबरे़ खे़प्‍मोलाम् लःत्तुदेसुसि॥

खासे़न्‍लोःम्‍बा 1:18

यहुदाःल्‍ले़ गाजा, अस्‍कलोन नु एक्रोन ये़क्‌यक्‍हाॽ हे़क्‍क्‍याङ् कब्रिङ् पिसाङ्‌बा नु पाङ्‌जुम्‍हाॽआङ् मे़त्‍छिङ्॥

साम्‌योथिम् इङ् 2:23

हे़क्‍क्‍याङ् गाजा थारिक् के़युङ्‌बा अब्‍बिहाॽ कप्‍तोरलाम् के़दाबा कप्‍तोरिहाॽरे़ मे़मे़क्‍खुसि, खे़ङ्‌हाॽरे़ खुन्‍छिॽ ते़न्‍नो कन्‍हाॽ मे़युङ्‌सिङ्॥)

यहोसु 10:41

यहोसुःल्‍ले़ कादेस-बर्नेलाम् गाजा थारिक् नु गोसेनलाम् गिबोन थारिक्‍पा के़रे़क् ते़ङ्‌गप्‍हाॽ नाःन्‍दुसि॥

यहोसु 15:47

अस्‍दोद, खे़प्‍मोबा ये़क्‌यक्‍हाॽ नु पाङ्‌भेॽहाॽ सोसोरिक्, गाजा, खे़प्‍मोबा ये़क्‌यक्‍हाॽ नु पाङ्‌भेॽहाॽ सोसोरिक्, मिस्रबा वहःङ् नु लुम्‍बाङ् वरःङ् थारिक् के़रे़आङ् ने़स्‍से़॥