यहोसु 11:20 - लिम्बु20 यहवे दाङ्बे़ल्ले़ मोसान् इङ्जाङ् पिरुआङ् वये़बा कुइसिक् खे़ङ्हाॽ के़रे़क् इस्राइलिहाॽरे़ खुन्छिॽ तक्ले़ङ्वाओ थङ् चोःक्से़ मे़दार हे़क्क्याङ् लुङ्माॽ स्याःत् मे़ल्लॽए खे़ङ्हाॽ के़रे़क् वरे़ङ्ले़ङ् मे़मे़क्ल के़लॽबा यहवे दाङ्बे़ल्ले़ कुनिङ्वाॽ वये़॥ Gade chapit la |
यहोसु 11:20
24 Referans Kwoze
यहवे दाङ्बे़ल्ले़ मोसान् मे़त्तु, “आल्ल खे़ने़ॽ मिस्र लाजेॽओ के़नुःङ्ङाङ् के़बेःक्ल के़बत्॥ आङ्गाॽ खे़ने़ॽ निङ्वाॽ के़माबा याःम्बक्हाॽ चोःक्मारे़ लागि मुक्साम् पिने़आङ् वाॽ, खे़ङ्हाॽ के़रे़क् हाङ्ङिल्ले़ कुदगि चोःक्मारे़ लागि निङ्वाॽ इःत्ते़ॽ॥ कर आङ्गाॽ हाङ्ङिन् हादिङ् के़धक्पा चोगुङ्ॽ हे़क्क्याङ् खुने़ॽ इस्राइलिहाॽ पेःक्मा मे़भाःक्तुसिन्ॽ॥
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ हुक्को के़बिरिबा के़रे़क् मे़न्छाम् सुवाङ्हाॽ खिनिॽ मे़क्खे़म्सिम्मे़ॽ, खे़ङ्हाॽ लुङ्माॽ मे़दुक्ते़म्सिम्मे़न्ने़ॽ॥ खे़ङ्हाॽरे़ खुन्छिॽ माङ्हाॽ से़वा मे़मे़त्ते़म्सिम्मिन्ने़ॽ, थेआङ्भे़ल्ले़ आम्भा खे़न्ने खिनिॽ इओ थामा इजो पोङ्ॽ॥
खे़न् मनाःन् पारे़आङ् पत्छे़ल्ले़ अमस्याह हाङ्ङिल्ले़ खुने़ॽ मे़त्तु, “थे आनिगे खे़ने़ॽ हाङ्जुम्मोबा सुजासाबा युक्तिङ् चोःक्कासिगे़आङ् वये़बि? मे़म्बाःत्ते स्वाःत्! थेआङ् खे़ने़ॽ के़हिङ्मे़न् के़साक्पो के़धासु?” खे़न् माङ्निङ्वाॽपान् के़बाःप्पे़न् पाःप्मा नाॽमानुःल्ले़ तगि अक्खे लॽरे़, “आदाङ्बारे़ अक्खे के़जोगुआङ् आङ्गाॽ आसुजान् के़ङ्घे़प्सुम्बे़ल्ले़ चोगुल्ले़ निङ्वाॽफुमाङ्ङिल्ले़ आदाङ्बा मे़ङ्मा निःन्धो चोगुआङ् वाॽ के़लॽबा आङ्गाॽ निसुङ्ङाङ् वाॽरो॥”
मनाःल्ले़ मनाःल्ले़ए कुदक्ले़ङ्वाओ लायो लासोत् चोगुने़फग्र निङ्वाॽफुमाङ्ले़ कुहुक्किन् लायो के़जोःक्पाल्ले़ कुसम्धाङ् चुक्मा सुक्लो॥ कर मनाःल्ले़ निङ्वाॽफुमाङ्ले़ कुदक्ले़ङ्वाओ लायो चोगुने़फग्र खे़ल्ले़ कुलागि हाःत्ले़ पेलिगे़न् तुवा चोगुबाबे?” कन् के़रे़क् पाःन्हाॽ खे़प्से़छुसाङ् खुन्छिॽ पानुदिङ् पाःल्ले़ कुबाःन्हाॽ खे़म्घे़म् मे़लाप्ते़सुन्, थेआङ्भे़ल्ले़ यहवे दाङ्बाल्ले़ खे़ङ्हाॽ से़प्मासिए निङ्वाॽ चोगुआङ् वये़रो॥
याम्मो यहवे दाङ्बाल्ले़ मोसान् मे़त्तु, “खे़ने़ॽ पेगे़ॽआङ् फारोन् तुमे़ॽ॥ आङ्गाॽ फारोन् नु खुने़ॽ कुसुहाङ्युक्पाहाॽरे़ खुन्छिॽ निङ्वान् हादिङ् के़धक्पा चोगुङ् पिरुङ्सिङ्ङाङ् वाॽ॥ खे़ङ्हाॽरे़ खुन्छिॽ निङ्वान् हादिङ् के़धक्पा चोःक्पाल्ले़ चोगुल्ले़ खुन्छिॽ लुम्मो आङ्गाॽ कन् निङ्वाॽ के़माबा याःम्बक्हाॽ चोगुङ्ॽ॥
हे़क्क्याङ् आङ्गाॽ खे़ल्ले़ कुनिङ्वान् हादिङ् के़धक्पा चोगुङ् पिरुङ्ॽ खे़ब्याङ् खे़ल्ले़ खे़ङ्हाॽ नाःत्तुसिॽ, कर खे़न् नु खे़ल्ले़ कुधक्सुबाहाॽ आङ्गाॽ नाःन्दुङ्सिङ्ॽ हे़क्क्याङ् मनाहाॽरे़ आङ्गाॽ मिमिदिङ् मे़बिआ॥ खे़ब्याङ् मिस्रिहाॽरे़ यहवे दाङ्बान् आङ्गाॽए फाॽआङ् निङ्वाॽ मे़घोसुॽ॥” हे़क्क्याङ् इस्राइलिहाॽरे़ हे़क्केए मे़जोगु॥
अहज्याहःल्ले़ योरामे़न् तुमुबाल्ले़ चोगुल्ले़ निङ्वाॽफुमाङ्ङिल्ले़ अहज्याहन् आगे़र याःन्दु॥ आम्भा खे़न् तुमे़सिबा ये़म्मो अहज्याहन् योरामे़न्नु सोरिक् निम्सिरे़ कुस्सा येहुन् तुम्से़ पे॥ आहाबरे़ कुहिम्सयङ्हाॽ मे़ङ्मासिरे़ लागि यहवे दाङ्बे़ल्ले़ येहुःन्ने युक्तिङ् चोगुआङ् वये़॥
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
Piblisite