यहोसु 11:17 - लिम्‍बु

¹⁷ सेइरबा थाम्‍माङ्‌ङो के़ने़बा हालाक मे़प्‍मनाबा कोःक्‍माओलाम् तेॽरुआङ् हेर्मोन कोःक्‍मा सिगाङ् ले़बनानबा ने़ने़बादे़न्‍नो बाल-गाद थारिक् नाःन्‍दुआङ् हुक्‍काप् चोगु, हे़क्‍क्‍याङ् खे़प्‍मोबा के़रे़क् हाङ्‌हाॽ ते़म्‍सुसिआङ् से़रुसि॥

यहोसु 11:17 Referans Kwoze

साम्‌योथिम् इङ् 7:24

हे़क्‍क्‍याङ् खुने़ॽ खे़ङ्‌हाॽरे़ खुन्‍छिॽ हाङ्‌हाॽ खिनिॽ हुक्‍को थासुसि के़बिरिॽ, खम्‍भ्‍याङ् खिनिॽ ताङ्‌साङ्‌बाल्‍ले़ कुसिगाङ्‌लाम् खे़ङ्‌हाॽरे़ खुन्‍छिॽ मिङ्‌ङे के़मासुम् के़बिरुम्‍सिम्‌ॽ॥ आत्तिन् मनाहाॽआङ् खिनिॽ तगि ये़प्‍मा मे़न्‍छुक्‍ने़न्॥ खिनिॽ खे़ङ्‌हाॽ के़मे़क्‍खुम्‍सिम्‌ॽ॥

यहोसु 13:5

याम्‍मो गबालिहाॽरे़ खुन्‍छिॽ लाजेॽ, हे़क्‍क्‍याङ् नाङ्‌गे़न् ले़प्‍माङ् हेर्मोन कोःक्‍मा फाङ्‌जङ् कुसिगाङ्‌बा बाल-गादलाम् हेःक्‍सिङ्‌ङाङ् ले़बो-हमातबा ने़ने़बादे़न् थारिक् लेबनान लाजेन् के़रे़क्॥

यहोसु 11:3

नाङ्‌गे़न् नु नाम्‍धा ने़प्‍माङ् पिसाङ् के़युङ्‌बा कनानि, कोःक्‍मा लाजेॽबा एमोरि, हित्ति, परिज्‍जिहाॽ, यबुसिहाॽ नु मिस्‍पा लाजेॽबा हेर्मोन कोःक्‍मा सिगाङ् के़युङ्‌बा हिब्‍बिहाॽ इङ्‌घङ् हाक्‍तुसि॥

यहोसु 1:4

मुरे़क् खारे़क् थेआङ् के़होःप्‍पादे़न्‍नाङ् कत्‍थो लेबनान थारिक् पेःक्‍काङ् पयम् यम्‍बा युफ्रेतिस वहःङ्‌ङाङ् ना हित्तिहाॽरे़ खुन्‍छिॽ के़रे़क् लाजेन् थारिक् नाम्‍धा ले़प्‍माङ् लुम्‍बा वरःङ् थारिक्‍के खिनिॽ इःन्‍दो पोङ्‌ॽ॥

साम्‌योथिम् इङ् 33:2

खुने़ॽ पाःत्तु, “यहवे दाङ्‌बे़न् सिनै कोःक्‍मालाम् ये़रो, हे़क्‍क्‍याङ् सेइर थे़गुलाम् खे़ङ्‌हाॽरे़ खुन्‍छिॽ सम्‍धाङ् नाम् कुइसिक् के़रे़ थाङे़रो॥ खुने़ॽ पारान कोःक्‍मा फाङ्‌जङ्‌लाम् ओःत्ते़रो थिबोङ् हे़न्‍छिङ् माङ्‌लाइङ्‌बाहाॽनु लाङ्‌गे़त् पिसाङ्‌लाम्, कुगोःक्‍माओबा याक्‍केःक्‍केःक्‍पा ते़न्‍हाॽलाम् खुने़ॽ थाङे़रो॥

साम्‌योथिम् इङ् 2:1

खे़ब्‍याङ् यहवे दाङ्‌बे़ल्‍ले़ आङ्‌गाॽ मे़त्ताङ्‌बा कुइसिक् आनिगे नुःक्‍खिगे़आङ् हे़ःत्ताङ्‌बा वरःङ् ले़प्‍माङ् मुरे़क् खारे़क् थेआङ् के़होःप्‍पादे़न् पिसाङ् पेगिगे़, हे़क्‍क्‍याङ् यरिक् ये़न् थारिक् सेइरबा कोःक्‍मा फाङ्‌जङ् लाजेन् कबुम्‍बे़॥

तोलिङ्‌सोमु 32:3

कुम्‍भुॽ एसाबरे़ कुदुम्‍से़ ए़दोम लाजेॽओबा सेइर ते़ङ्‌गप्‍पो याकुबे़ल्‍ले़ खुने़ॽनुःल्‍ले़ तगि इङ्‌घङ् के़साबाहाॽ पाङ्‌घुदेसुसि॥

साम्‌योथिम् इङ् 3:9

(हेर्मोने़न् सिदोनिहाॽरे़ सिरिओन नु एमोरिहाॽरे़ सेनिर मे़मे़त्तु॥)

यहोसु 11:18

खे़न् के़रे़क् हाङ्‌हाॽनु यरिक् ये़न् थे़म्‍बा यहोसुन् ते़न्‍धङ् चोगे़॥

निङ्‌वाॽफु साम्‍लोसुम् 89:12

थाङ्‌गे़त् नु लाङ्‌गे़त् पिसाङ्‌बा लाजेॽहाॽ खे़ने़ॽए के़जोगुबारो, हे़क्‍क्‍याङ् तबोर नु हेर्मोन कोःक्‍माहाॽआङ् खे़ने़ॽ के़मिङ्‌ङो मे़सःत्‍ल साम्‍मे़लोरो॥

साम्‌योथिम् इङ् 1:7

आल्‍ल खिनिॽ साःङ्‌गाहिम्‍हाॽ यङे़म्‍मे़ॽआङ् लाम् थाआसिम्‍मे़ॽ॥ एमोरिहाॽरे़ खुन्‍छिॽ कोःक्‍मा फाङ्‌जङ्‌बा लाजेॽओ नु खे़ल्‍ले़ कुया कुयाओबा के़रे़क् मे़न्‍छाम् सुवाङ्‌हाॽओ—यर्दन ने़ने़बादे़न्‍नो, थे़गु माङ्‌वाओ, नाम्‍धा पिसाङ्‌बा ते़म्‍बेॽओ, नेगेव लाजेॽओ हे़क्‍क्‍याङ् वरःङ्‌ङिल्‍ले़ कुयाओ कनानिहाॽरे़ खुन्‍छिॽ लाजेॽओ थारिक्, लेबनान थारिक् नु पयम् यम्‍बा वहःङ् युफ्रेतिस थारिक्‍के पेगे़म्‍मे़ॽ॥