के़धुम्बा नु साॽरिक् हाङ्हाङ् के़लॽबा पोःक्खे़ॽ॥ आङ्गाॽ आसे़वारोबा मोसाःल्ले़ खे़ने़ॽ इङ्जाङ् के़बिरे़बा कुइसिक् के़रे़क् साम्योथिम् इङ्जाङ्हाॽ इःत्ते़ ने़त्तुॽ॥ खे़न् लाम्बा खे़ने़ॽ चुप्साङ् ले़प्माङ् इग्र फे़न्छाङ् ले़प्माङ् मे़बेगे़न्ने़ॽ, हे़क्क्याङ् खे़ने़ॽ आत्ति के़बेःक्साङ् कुलिङ्दो के़गे़प्पा के़बोङ्ॽ॥
यहोसु 11:15 - लिम्बु15 यहवे दाङ्बे़ल्ले़ कुसे़वारोबा मोसान् इङ्जाङ् पिरुआङ् वये़बा कुइसिःक्के, मोसाःल्ले़ यहोसुन् मुरा मे़त्तुआङ् वये़, हे़क्क्याङ् यहोसुःल्ले़ के़रे़क् इःत्तु नाःत्तु॥ यहवे दाङ्बे़ल्ले़ मोसान् पिरुबा के़रे़क् इङ्जाङ्हाॽओ यहोसुःल्ले़ आत्तिन्नाङ् मे़ङ्गे़प्मनाबा मे़जोगुन्लो॥ Gade chapit la |
यहोसु 11:15
24 Referans Kwoze
हे़क्क्याङ् यहवे दाङ्बा खिनिॽ निङ्वाॽफुमाङ्ङिल्ले़ खे़ङ्हाॽ खिनिॽ युक्को तारुसि के़बिरिॽ, खे़ब्याङ् खिनिॽ खे़ङ्हाॽ के़नाःन्दुम्सिम्बा मे़बोङ्ॽ, हे़क्केःल्ले़ खिनिॽ खे़ङ्हाॽ खक्पे़त् मे़क्खे़म्सिम्मे़ॽ॥ खिनिॽ खे़ङ्हाॽनु थे़मा पाःन्नोआङ् मे़दङ्ङासिम्मिन्ने़ॽ॥ खे़ङ्हाॽ लुङ्माॽ मे़दुक्ते़म्सिम्मिन्ने़ॽ॥
खे़ब्याङ् मोसाःल्ले़ यहोसुन् उःत्तुआङ् के़रे़क् इस्राइलिहाॽरे़ खुन्छिॽ तगि खुने़ॽ मे़त्तु, “के़धुम्बा नु हाङ्हाङ् के़लॽबा पोःक्खे़ॽ! थेआङ्भे़ल्ले़ यहवे दाङ्बे़ल्ले़ खिनिॽ पाधे़बाहाॽ पिनिङ् मे़त्तुसिआङ् माङ्हे़क् चोगुबा लाजेॽओ कन् मनाहाॽनु खे़ने़ॽए के़बेःक्, हे़क्क्याङ् खे़न् खे़ङ्हाॽरे़ खुन्छिॽ लक्खोमारे़ लागि खे़ने़ॽ खे़ङ्हाॽ के़भःक्खु के़बिरुसिर पोङ्ॽ॥
“आङ्गाॽ सावले़न् हाङ् चोगुङ्बाओ साॽरिक् आनिङ्वाॽ तुगे़आङ् वाॽ, थेआङ्भे़ल्ले़ खुने़ॽ आङ्गाॽलाम् नुःक्खे़बेआङ् वाॽ, हे़क्क्याङ् खे़ल्ले़ आङ्गाॽ आइङ्जाङ्ङिन्नाङ् इःप्मा नाःप्मा ते़न्दिङ् मे़जोगुन्लो॥” कन् पाःन्निल्ले़ चोगुल्ले़ सामुए़लरे़ कुनिङ्वाॽ पङे़, हे़क्क्याङ् से़न्दिक् नाम्दाःत्तात् यहवे दाङ्बान् पेलि फाक्तु॥
“कर के़जिःत्ति के़स्ये़ॽइरो फरिसिसे, थेआङ्भे़ल्ले़ खिनिॽग चुजुक्सा मारुक्किल्ले़न् थिबोङ्लक् निङ्वाॽफुमाङ्ङिन् के़बिरुम्, कर निङ्वाॽफुमाङ्ङिन् मिःम्जि के़म्मे़त्तुम्मिन्, हे़क्क्याङ् वेॽहाॽआङ् नुरिक्काङ् खासे़न् के़न्लोःन्दुम्सिम्मिन्लो॥ खिनिॽ तगिसमान् के़जोगुम्मिल्ले़ एगाङ्समान्नाङ् के़जोगुम्मिल्ले़ पोःक्खे़बारो॥
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽ इक्ताप्पोलाम् नाम्सुना, सःप्फा नु हिम्चे़म्भे़न् हे़क्तङ्बा मारुक्हाॽरे़न्नाङ् थिबोङ्लक् निङ्वाॽफुमाङ्ङिन् के़बिरुम्, कर नुःरिक्काङ् खासे़न् के़न्जोगुम्सिम्मिन्, वेॽ मनाहाॽ लुङ्माॽ के़न्दुक्तुम्सिम्मिन्, हे़क्क्याङ् नसान् के़न्जोगुम्मिन्लो॥ कन् नाःप्माए के़बोङ्बा साम्योथिम्बा पाःन्हाॽ के़न्नाःत्तुम्मिन्लो॥ खिनिॽग थिबोङ्लक् निङ्वाॽफुमाङ्ङिन् के़बिरुम्मिल्ले़ कन् नुःरिक्काङ् खासे़न् चोःक्मा, वेॽ मनाहाॽ लुङ्माॽ तुक्मासि नु नसान् चोःक्मा के़लॽबा साम्योथिम्मोबा नाःप्माए के़बोङ्बा पाःन्हाॽआङ् चोगे़म्मे़ॽओ॥
खे़ब्याङ् खिनिॽ खे़न् लाजेॽओबा यक्युङ्बाहाॽ के़रे़क् खे़प्मोलाम् नाःत्ते़म्देसे़म्सिम्मे़ॽ, हे़क्क्याङ् खे़ङ्हाॽरे़ खुन्छिॽ खोःम्मना लक्मनाबा चइःत्हाॽ नु योःम्मनाबा नावाइत्लाहाॽ के़रे़क् खाप्पुथ्यःङ् चोगे़म् पिरे़म्सिम्मे़ॽ॥ खे़ङ्हाॽरे़ खुन्छिॽ कोःक्माओबा माङ्धाःन्हाॽ लुःन्दे़म् पिरे़म्सिम्मे़ॽ॥
Piblisite