यहोसु 10:8 - लिम्‍बु

⁸ हे़क्‍क्‍याङ् यहवे दाङ्‌बे़ल्‍ले़ यहोसुन् मे़त्तु, “खे़ने़ॽ खे़ङ्‌हाॽनु मे़गिसे़न्‍ने़ॽ थेआङ्‌भे़ल्‍ले़ आङ्‌गाॽ खे़ङ्‌हाॽ खे़ने़ॽ के़हुक्‍को थासुङ्‌सिङ्‌ङाङ् मे़वाॽ॥ खे़ने़ॽ के़दगि खे़ङ्‌हाॽ लत्‍छाआङ् ताङ्‌मा मे़न्‍छुक्‍ने़न्॥”

यहोसु 10:8 Referans Kwoze

रोमि 8:31

हे़क्‍केने़ फाॽग्र आनिॽ थे आबाःत्तुम्‍बाबे? निङ्‌वाॽफुमाङ्‌ङिन् आनिॽ ले़प्‍माङ् वाॽने़ फाॽग्र आनिॽ तक्‍ले़ङ्‌वाओ हाःत्ताङ् पोःक्‍मा मे़सुक्‍ने़न्‍लो॥

साम्‌योथिम् इङ् 3:2

कर यहवे दाङ्‌बे़ल्‍ले़ आङ्‌गाॽ मे़त्ताङ्, “खे़ने़ॽ खे़न्‍नु मे़गिसे़न्‍ने़ॽ, थेआङ्‌भे़ल्‍ले़ खे़न्, के़रे़क् कुधक्‍सुबाहाॽनु सोसोरिक् खुने़ॽ कुलाजेःन्‍नाङ् आङ्‌गाॽ खे़ने़ॽ के़हुक्‍को पिने़आङ् वाॽ॥ हेस्‍बोनओ हाङ्‌युक् के़जोःक्‍पा एमोरिहाॽरे़ खुनिॽ हाङ् सिहोने़न्, खे़ने़ॽ आक्‍खे के़मे़त्तु खे़न्‍नाङ् हाबा हे़क्‍केए मे़त्ते़ॽ॥”

यहोसु 11:6

यहवे दाङ्‌बे़ल्‍ले़ यहोसुन् मे़त्तु, “खे़ङ्‌हाॽनु मे़गिसे़न्‍ने़ॽ, थेआङ्‌भे़ल्‍ले़ ताःन्‍दिक् हाबा कन् ये़म्‍मो खे़ङ्‌हाॽ के़रे़क् से़रुङ्‌सिङ्‌ङाङ् आङ्‌गाॽ इस्राइलिहाॽ हुक्‍सुप्‍तुङ्‌सिङ्‌ॽ॥ खे़ने़ॽ खे़ङ्‌हाॽरे़ खुनिॽ अन्‍हाॽरे़ खुन्‍छिॽ सावेत्‍हाॽ च्‍ये़प्‍ते़ पिरे़से़ॽ, हे़क्‍क्‍याङ् खे़ङ्‌हाॽरे़ खुन्‍छिॽ अन्‍लाधाहाॽ मिधिक्‍खे़ पिरे़से़ॽ॥”

यहोसु 8:1

खे़ब्‍याङ् यहवे दाङ्‌बे़ल्‍ले़ यहोसुन् मे़त्तु, “मे़गिसे़न्‍ने़ॽ, के़निङ्‌वाॽ स्रोःन् मे़लॽरे़न्‍ने़ॽ॥ के़रे़क् थक्‍सुबाहाॽ सोरिक् तेॽरे़से़ॽ॥ पेगे़ॽ, ऐ ये़क्‌यक्‍को थङ् चोगे़ॽ॥ ओमे़त्ते़ॽ, ऐ ये़क्‌यक्‍कोबा हाङ्‌ङिन्, खे़ल्‍ले़ कुमनाहाॽ, खे़ल्‍ले़ कुये़क्‌यक्‍किन् नु खे़ल्‍ले़ कुलाजेन् आङ्‌गाॽ खे़ने़ॽ हुक्‍सुप्‍ने़आङ् वाॽ॥

साम्‌योथिम् इङ् 7:24

हे़क्‍क्‍याङ् खुने़ॽ खे़ङ्‌हाॽरे़ खुन्‍छिॽ हाङ्‌हाॽ खिनिॽ हुक्‍को थासुसि के़बिरिॽ, खम्‍भ्‍याङ् खिनिॽ ताङ्‌साङ्‌बाल्‍ले़ कुसिगाङ्‌लाम् खे़ङ्‌हाॽरे़ खुन्‍छिॽ मिङ्‌ङे के़मासुम् के़बिरुम्‍सिम्‌ॽ॥ आत्तिन् मनाहाॽआङ् खिनिॽ तगि ये़प्‍मा मे़न्‍छुक्‍ने़न्॥ खिनिॽ खे़ङ्‌हाॽ के़मे़क्‍खुम्‍सिम्‌ॽ॥

यहोसु 10:9

यहोसुन् से़न्‍दिक् नाम्‍दाःत्‍दाःत् गिलगाललाम् लाङ्‌घेगे़ पेआङ् थिक्‍ले़ङ्‌मे़ल्‍ले़ एमोरिहाॽ चिफत् फत्तुसि॥

यहोसु 10:25

यहोसुःल्‍ले़ थक्‍मोबाहाॽ मे़त्तुसि, “मे़गिसे़म्‍मिन्‍ने़ॽ, खिनिॽ निङ्‌साङ् मे़बुगे़म्‍मिन्‍ने़ॽ॥ आःन्‍नासिम्‍मे़ॽआङ् के़धुम्‍बा पोःक्‍खे़म्‍मे़ॽ, थेआङ्‌भे़ल्‍ले़ खिनिॽ थङ् चोःक्‍मा के़बोङ्‌बा खिनिॽ निङ्‌मिहाॽ के़रे़क् यहवे दाङ्‌बे़ल्‍ले़ अक्‍खेए मे़त्तुसिॽ॥”

खासे़न्‍लोःम्‍बा 7:9

खे़न् से़न्‍दिक् यहवे दाङ्‌बे़ल्‍ले़ खुने़ॽ मे़त्तु, “पोगे़ॽआङ् यो साःङ्‌गाहिम्‍हाॽओ पेगे़ॽ, थेआङ्‌भे़ल्‍ले़ आङ्‌गाॽ खे़ङ्‌हाॽ खे़ने़ॽ के़हुक्‍को थासुङ्‌सिङ्‌ङाङ् मे़वाॽ॥

खासे़न्‍लोःम्‍बा 6:16

यहवे दाङ्‌बे़ल्‍ले़ नोगप् पिरु, “कर आङ्‌गाॽ खे़ने़ॽनु वाॽआ, हे़क्‍क्‍याङ् खे़ने़ॽ के़रे़क् मिद्‌यानिहाॽ लत्‍छा मना कुइसिक् चिधक् चिधक् के़धगुसिॽ॥”

१ सामुए़ल 17:47

कप्‍मो के़वाॽबा के़रे़क् मनाहाॽरे़ यहवे दाङ्‌बाल्‍ले़ कुमनाहाॽ से़ःप्‍मासि ताभे, लाःक्, तोङ् लि चाहाब् मे़जोःक्‍ने़न्‍लछ के़लॽबा कुसिङ् मे़निःत्तुॽ, थेआङ्‌भे़ल्‍ले़ थङ्‌ङिङ्‌ग यहवे दाङ्‌बाल्‍ले़न्‍नेरो, हे़क्‍क्‍याङ् खुने़ॽए खे़निॽ के़रे़क् पलिस्‍तिहाॽ आनिगे हुक्‍को थासु पिरिगे़॥”

१ हाङ् 20:13

हाबा कन् लुम्‍मो माङ्‌निङ्‌वाॽपान् के़बाःप्‍पा थिक् इस्राइलबा हाङ् आहाबरे़ओ त्‍ये़आङ् उवा चोगु, “यहवे दाङ्‌बे़ल्‍ले़ अक्‍खे पाःत्तुॽ, ‘थे खे़ने़ॽ कन् आत्तातान्‍ने यरिक् थक्‍सुबाहाॽ के़निसुसिर के़बप्‍पि? आङ्‌गाॽ आइन्‍छा खे़ङ्‌हाॽ खे़ने़ॽ के़हुक्‍को थासुङ्‌सिङ्‌ॽ, हे़क्‍क्‍याङ् खे़ने़ॽ आङ्‌गाॽए यहवे दाङ्‌बाआ फाॽआङ् निङ्‌वाॽ के़घोसुॽ॥’”