खुने़ॽ मे़त्ताङ्, “निङ्वाॽफुमाङ्ङो खे़ने़ॽग साॽरिक्के इमे़ल्लुङ्बा के़जोक्, मे़गिसे़न्ने़ॽ॥ के़निङ्वाॽ हाङ्हाङ् लॽर, आल्ल खे़ने़ॽ, के़धुम्बा पोःक्खे़ॽ॥” आल्ल खुने़ॽ आङ्गाॽनु पारे़ल्ले़, आङ्गाॽ के़धुम्बा पोःक्खाङ्ङाङ् पाराङ्, “आदाङ्बे, पारे़ॽ, थेआङ्भे़ल्ले़ आङ्गाॽ के़धुम्बा के़जोगाङ्ङाङ् वाॽ॥”
यहोसु 1:6 - लिम्बु6 “के़धुम्बा नु हाङ्हाङ् के़लॽबा पोःक्खे़ॽ, थेआङ्भे़ल्ले़ आङ्गाॽ खिनिॽ पाधे़बाहाॽ पिनिङ् मे़त्तुङ्सिङ्ङाङ् माङ्हुप् चोगुङ्बा लाजेन् कन् मनाहाॽरे़ युक् चोःक्मारे़ लागि खे़ने़ॽ कन्हाॽ लाम्गे़लोसुसिॽ॥ Gade chapit la |
यहोसु 1:6
36 Referans Kwoze
के़धुम्बा नु साॽरिक् हाङ्हाङ् के़लॽबा पोःक्खे़ॽ॥ आङ्गाॽ आसे़वारोबा मोसाःल्ले़ खे़ने़ॽ इङ्जाङ् के़बिरे़बा कुइसिक् के़रे़क् साम्योथिम् इङ्जाङ्हाॽ इःत्ते़ ने़त्तुॽ॥ खे़न् लाम्बा खे़ने़ॽ चुप्साङ् ले़प्माङ् इग्र फे़न्छाङ् ले़प्माङ् मे़बेगे़न्ने़ॽ, हे़क्क्याङ् खे़ने़ॽ आत्ति के़बेःक्साङ् कुलिङ्दो के़गे़प्पा के़बोङ्ॽ॥
इस्राइलरे़ कुलागि यहवे दाङ्बे़ल्ले़ मोसान् इङ्जाङ् पिरुबा कुइसिक् खे़ने़ॽ खुने़ॽ कुइङ्जाङ्हाॽ नु कुधिम्हाॽ इःप्मा नाःप्मारे़ लागि सिङ्सिङ् ये़क्ये़क् के़लॽने़भग्र खे़ने़ॽ के़नुॽ के़दारो॥ के़धुम्बा नु हाङ्हाङ् के़लॽबा पोःक्खे़ॽ, मे़गिसे़न्ने़ॽ हे़क्क्याङ् कुनिङ्साङ् के़बुक्पा मे़बोःक्खे़न्ने़ॽ॥
कर आल्ल यहवे दाङ्बे़ल्ले़ पाःत्तुॽ, ‘यरुबाबेलए, आःन्छिङ्ङे़ॽ, हे़क्क्याङ् यहोसादाकरे़ कुस्सा तुम् निङ्वाॽफुसाम्बा यहोसुए, हाङ्हाङ् मे़त्छिङ्ङे़ॽ॥ लाजेॽओबा के़रे़क् मनासे, हाङ्हाङ् लॽरे़म्मे़ॽ, याःम्बक् चोःक्मा हेःक्ते़म्मे़ॽ॥ थेआङ्भे़ल्ले़ आङ्गाॽ खिनिॽनु वाॽआ’ मुक्साम्दाङ्बा यहवे दाङ्बे़ल्ले़ पाःत्तुॽ॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—“मुक्साम्दाङ्बा यहवे दाङ्बे़ल्ले़ कुहिम्मिल्ले़ कुबुङ् मे़युक्खुल्ले़ खे़प्मो के़वाॽबा माङ्निङ्वाॽपान् के़बाःप्पाहाॽरे़ ‘माङ्हिम्मिन् चोःक्मा के़सुक्तुम्ल’ फाॽआङ् मे़बाःत्तुबा पाःन्निन् आल्लो कप्मो के़वाॽबाहाॽरे़ के़घे़प्सुम्ल के़वयिॽ॥
ओमे़त्ते़म्मे़ॽ, आङ्गाॽ खिनिॽ पिनिङ्ल पत्ताबा के़रे़क् इङ्जाङ्हाॽ सिङ्सिङ् ये़क्ये़क्काङ् इःत्ते़म् नाःत्ते़म्मे़ॽ, हे़क्केलॽरिक् खिनिॽ कुहिङ्वे़त् वाॽमा के़सुक्तिर हे़क्क्याङ् यरिक् पोःम्मा थे़ॽमा के़सुक्तिर, हे़क्क्याङ् यहवे दाङ्बे़ल्ले़ खिनिॽ पाधे़बाहाॽ माङ्हे़क्तुसिआङ् माङ्हुप् चोगुबा लाजेन् खिनिॽ पेःक्माआङ् युक् चोःक्मा के़सुक्तुम्लरो॥”
इस्राइलिहाॽरे़ यहवे दाङ्बे़ल्ले़ कुइङ्जाङ्ङिन् मे़न्इःत्तुन् मे़न्नाःत्तुम्बाल्ले़ चोगुल्ले़ मिस्रलाम् के़लःम्बा के़भे़म्बा के़रे़क् मनाहाॽ, इग्र थक्सुबा पोङ्मा के़लाॽबाहाॽ मे़म्मे़क्के थारिक् खे़ङ्हाॽ मुरे़क् खारे़क् थेआङ् के़होप्पादे़न्नो लिबोङ् तङ्बे खाराक् लाङ्मे़घेगे़आङ् मे़वये़॥ थेआङ्भे़ल्ले़ खे़ङ्हाॽरे़ खुन्छिॽ पाधे़बाहाॽ पिनिङ् मे़त्तुसिआङ् माङ्हुप् चोगुबा पित्नु नु सक्वाघु के़गुङ्बा लाजेन् खे़ङ्हाॽरे़ निमा मे़ङ्घोसुन्ॽ फाॽआङ् खुन्छिॽनु यहवे दाङ्बे़ल्ले़ माङ्हे़क् चोगुआङ् वये़॥
दाउदरे़ कुस्सा सोलोमने़न् अक्खेआङ् मे़त्तु, “के़धुम्बा नु हाङ्हाङ् के़लॽबा पोःक्खे़ॽ हे़क्क्याङ् कन् याःम्बक्किन् चोगे़ॽ॥ मे़गिसे़न्ने़ॽ हे़क्क्याङ् के़निङ्साङ् मे़बुगे़न्ने़ॽ, थेआङ्भे़ल्ले़ यहवे दाङ्बा निङ्वाॽफुमाङ्, आङ्गाॽ आनिङ्वाॽफुमाङ्ङिन् खे़ने़ॽनु वाॽ॥ यहवे दाङ्बे़ल्ले़ कुहिम्मोबा कुमाङ्सेवा याःम्बक्किल्ले़ लागि के़रे़क् चाहा के़जोःक्पा याःक्बक्हाॽ खे़ने़ॽ मे़न्जोक् मे़न्छुःत्ते थारिक् खुने़ॽ के़न्नाॽने़न् हे़क्क्याङ् लाप्पाङ् के़म्भुने़न्॥
Piblisite