योना 4:8 - लिम्बु8 नाम् के़रे़आङ् निङ्वाॽफुमाङ्ङिल्ले़ नाम्गे़त् पिसाङ्लाम्बा के़गोबा सुरिःत्मान् हुसु हे़क्क्याङ् साॽरिक् आओॽओॽबा नाम्से़ःक्मान् योनारे़ कुधे़गेःक्को चुक्ते़॥ हाङ्वामाल्ले़ खुने़ॽ कुधना ले़क्खे़॥ खुने़ॽ सिमा निङ्वाॽ चोगुआङ् पाःत्तु, “आङ्गाॽ आलागिग हिङ्मानुःल्ले़ सिमाए नुबा पोङ्लो॥” Gade chapit la |
योना 4:8
23 Referans Kwoze
कर साॽरिक् साक्के़न् पोःक्माओ खे़न् चे़ल्ले़क्सेःन् कुसाःप्नु हाॽयाक् मे़आःक्खुरो हे़क्क्याङ् खाम्बाङ्ङो लाप्पुङ् मे़देसुरो॥ नाङ्गे़न् पिसाङ्बा के़ये़म्बा सुरित् केजङ्ङिल्ले़ कल्ले़ कुजाॽहाॽ सर्गे़ङ् हेसुदेसुरो खे़म्ब्याङ् कल्ले़ के़धुम्बा कुबोराक्हाॽ ले़न्दु थासुरो, हे़क्केलॽरिक् खे़न् इसुॽरुआङ् मिःल्ले़ खाप्पुथ्यःङ् चोगुरो॥
नाम्मिल्ले़ से़ःक्ताङ्ङाङ् माक्ताङ्मा पोःक्खाङ्बाल्ले़ चोगुल्ले़ के़निङ्वाॽमार ओमे़मत्ताङ्ङे़न्ने़ॽ, आम्भुॽ आन्साॽहाॽ आङ्गाॽनु खुनिॽ सिक् पोगे़आङ् वये़रो हे़क्क्याङ् खे़ङ्हाॽरे़ आङ्गाॽ चे़ल्ले़क्सेॽ इक्ताप्पो आङ्गाॽ याःम्बक् चोःक्मा मे़बाङ्घाङ्ङाङ् वये़रो॥ आङ्गाॽ आप्फेक् ओमत्छिङ्मा चोःक्सिङ्मा ये़म् मे़ङ्घोबान्लो॥
हे़क्क्याङ् खुने़ॽग मुरे़क् खारे़क् थेआङ् के़होप्पादे़न्नो थिक्याःन्बा लाम् लाङ्घेगे़ पे॥ खुने़ॽ लत्छा यजे़ःक् सिङ्बुक्को के़रे़, हे़क्क्याङ् खे़ल्ले़ कुसिगाङ् युङ्सिङ्ङाङ् सिमारे़ लागि पेलि फाक्मा हेःक्ते़॥ खुने़ॽ पाःत्तु, “यहवे दाङ्बाए, आङ्गाॽ आहिङ्मे़न् तेॽरे़ओ, आङ्गाॽ के़रे़क् तुमुङ् सुरुङ्॥ आङ्गाॽग आम्बा आन्धे़बासिनुःल्ले़ नुबा मे़जोक्कान्!”
आप्फेक् कुम्भुॽ कुन्साॽहाॽरे़ खुन्छिॽ लुम्मो एफ्राइमे़न् नुॽदासाङ् आङ्गाॽ खे़न् लुङ्माॽ मे़दुक्कान्लो॥ यहवे दाङ्बालाम् नाङ्गे़न् पिसाङ्बा सुरिःत्तिन् मुरे़क् खारे़क् थेआङ् के़होःप्पादे़न् ले़प्माङ्लाम् हुभे़न्लो॥ खे़ल्ले़ कुज्वाःत् वबुन्दाक्वान् चप्प्रे़क् चप्लो, हे़क्क्याङ् खे़ल्ले़ कुवाबाक्किन् सर्गे़ङ् हेबेःक्लो॥ खे़ल्ले़ के़रे़क् इमे़ल्लुङ्बा कुजिगक्वा युङ्मादे़न्निन् मे़नाप्तुरो॥
Piblisite