योना 3:9 - लिम्बु9 हे़क्केःल्ले़ निङ्वाॽफुमाङ्ङिल्ले़ कुनिङ्वान् नुःक्तुॽ हे़क्क्याङ् आनिॽ ले़प्माङ्बा कुसाक्के़न्निन् चक् थासुबिला खे़ब्याङ् आनिॽ आम्मे़क्ने़न्॥” Gade chapit la |
योना 3:9
14 Referans Kwoze
कल्ले़चोगुल्ले़ पयम् हाङ्ङे, आङ्गाॽ पिने़बा सुजा पाःन्नो आदाङ्बा ते़न्दे़ॽ, कुदोःप्मा याःम्बक् चोगे़ॽआङ् लायो चोःक्मा ले़रे़ॽ हे़क्क्याङ् तुक्खे मे़जाःत्तुसिबाहाॽ लुङ्माॽ तुक्ते़से़ॽआङ् के़भे़न् याःम्बक्हाॽ ले़रे़ॽ॥ हे़क्के के़जोगुल्ले़ आदाङ्बारे़ के़नुॽमा के़दामा चक्मे़ल्लॽए पोङ्ल पेःक्लो॥”
खिनिॽ थक्को के़लःम्बा फक्वाले़ःङ्वा याङ्घेःक् हे़क्तङ्बा ङासि साम्म्याङ् इःत्हाॽ नु पलिस्ति लाजेन् थ्यःङ् के़जोःक्पा सुबा चइःत्हाॽ चोगे़म्से़ॽ, हे़क्क्याङ् इस्राइलबा निङ्वाॽफुमाङ्ङिन् मिङ्सो इङ्धाङ् पिराम्मे़ॽ॥ हे़क्के के़जोगुम्ने़फग्र खुने़ॽ खे़निॽ, खे़निॽ माङ्हाॽ नु खे़निॽ लाजेन् खुम्दिङ् पिमा ले़रु॥
हे़क्क्याङ् खुने़ॽ अक्खेलॽरिक् पेलिगे़न् तुवा चोगु, “यहवे दाङ्बाए, थे आसेःन्छा आङ्गाॽ हिम्मोनु लःम्मा तगिए खे़ने़ॽ अक्खेए के़जोगु फाॽआङ् आङ्गाॽ मे़म्बाःप्पान्बि? खे़ल्ले़चोगुल्ले़ आङ्गाॽ तर्सिस ले़प्माङ् खे़त्छिङ्मा पेःक्मा आसुक्सुक् निङ्वाॽ चोगुङ्॥ खे़ने़ॽ मिःम्जिदाङ्बा, लुङ्गुम्साबा, सदादिङ् नासि के़धःप्पा, सदादिङ् लुङ्माॽ आदुक्तुक्पा निङ्वाॽफुमाङ्ने़रो, खे़ने़ॽ आबाङे के़निङ्वान् के़नुःक्तुॽ खे़ब्याङ् खुम्दिङ् के़म्बिरुसिन्ॽ फाॽआङ् आङ्गाॽ निसुङ्॥
यहवे दाङ्बे़ल्ले़ कुइङ्जाङ् के़इःप्पा के़नाःप्पा कन् लाजेॽओबा चुङ्जिगे़न् नःम्नःम्बासे, खिनिॽ खुने़ॽ कोःत्ते़म् हक्से़म्मे़ॽओ॥ साम्योनिमान् खिनिॽ कोःत्ते़म्मे़ॽओ, चुङ्जिगे़न् नःम्नःम्बा पाःन्हाॽ हक्से़म्मे़ॽओ, यहवे दाङ्बे़ल्ले़ कुसाक्के़न् पोःक्मा ये़न्नो हाग खिनिॽ से़ःप्सिङ्मादे़न् के़घोसुम्बिरो॥
Piblisite