योना 3:8 - लिम्बु8 के़रे़क् मना नु थक्साहाॽरे़ मे़रिङ् थक्मारे़ लागि सागि तेत् चाङ्मा पोङ्ॽ॥ के़रे़क्ले़ निङ्वाॽ पिमाआङ् तुवा चोःक्मा पोङ्ॽ हे़क्क्याङ् आबाङे फे़न् याःम्बक्हाॽ नु ताप्फे़ःम्बा ये़प्ले़क्हाॽ ले़प्मा पोङ्ॽ॥ Gade chapit la |
योना 3:8
23 Referans Kwoze
खे़ल्ले़चोगुल्ले़ खे़ङ्हाॽरे़ यहवे दाङ्बे़न् पेलि मे़भाक्तुर मे़अःक्ते़, “यहवे दाङ्बाए! आनिगे पेलि फाक्कासिगे़, कन् मनाःल्ले़ कुहिङ्मे़ल्ले़ कुले़क्वाओ आनिगे हिङ्मन् मे़देॽरे़न्ने़ॽओ! कन् के़रे़क् पाःन्हाॽरे़ लागि खे़ने़ॽए लक्पे़न्साबा के़वाॽ॥ कन् के़रे़क् हाबा खे़ने़ॽए पोङ्मा के़बाङ्घुबारो॥”
काक्नु तगि दमस्कसओ हे़क्क्याङ् यरुसले़म नु काक् यहुदिया लाजेॽबा, हे़क्क्याङ् थिम्मे़न्दङ् सुवाङ्हाॽआङ् खिनिॽ लायोलाम् हिन्दे़म्मे़ॽआङ् निङ्वाॽफुमाङ्ङिल्लो नुःक्खे़म्मे़ॽ हे़क्क्याङ् खिनिॽ लायोलाम् के़हिन्दिबा कुइसिक् निङ्वाॽफुमाङ्ङिल्ले़ कुनिङ्वाॽ तासे़म्मे़ॽओ फाॽआङ् इङ्भन् चोगुङ्सिङ्लो॥
कल्ले़चोगुल्ले़ पयम् हाङ्ङे, आङ्गाॽ पिने़बा सुजा पाःन्नो आदाङ्बा ते़न्दे़ॽ, कुदोःप्मा याःम्बक् चोगे़ॽआङ् लायो चोःक्मा ले़रे़ॽ हे़क्क्याङ् तुक्खे मे़जाःत्तुसिबाहाॽ लुङ्माॽ तुक्ते़से़ॽआङ् के़भे़न् याःम्बक्हाॽ ले़रे़ॽ॥ हे़क्के के़जोगुल्ले़ आदाङ्बारे़ के़नुॽमा के़दामा चक्मे़ल्लॽए पोङ्ल पेःक्लो॥”
खे़ङ्हाॽ मे़त्ते़से़ॽ, ‘आङ्गाॽ कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, ताक्के़भे़ॽबा मनाहाॽ मे़सिःल्ले़ आङ्गाॽ मे़सःत्तान्॥ खे़ङ्हाॽ खुन्छिॽ कुॽइभे़म्मा लाम्हाॽओनु मे़नुःङ्ल के़लॽबारक् आङ्गाॽ निङ्वाॽ चोगुङ्ॽ हे़क्केलॽरिक् खे़ङ्हाॽ हिङ्मा मे़सुक्ल॥ इस्राइलबा मनासे! हिआसिम्मे़ॽ! खिनिॽ कुॽइभे़म्मा लाम्मोनु नुःक्खे़म्मे़ॽ, खिनिॽ थेआङ् के़स्ये़ॽइबाबे?’
“खे़ल्ले़चोगुल्ले़ आल्ल यहुदा नु यरुसले़ःम्मोबा यक्युङ्बाहाॽ मे़त्ते़ॽसे़ॽ, ‘यहवे दाङ्बे़ल्ले़ हाबा कन् पाःत्तु—ओमे़त्ते़म्मे़ॽ, आङ्गाॽ खे़निॽ खाप्पुथ्यःङ् के़बोःक्खिर चोःक्मा नु खे़निॽ मे़ङ्मालाम् चोगुङ्ल वाॽआ॥ कल्ले़चोगुल्ले़ खिनिॽ लायोबा हिङ्मन् ले़रे़म्मे़ॽ हे़क्क्याङ् खिनिॽ ये़प्ले़क्किन् तोःन्दे़म्मे़ॽ॥’
Piblisite