योएल 3:8 - लिम्‍बु

⁸ आङ्‌गाॽ खिनिॽ ये़म्‍बित्‍छा मे़न्‍छुमा साहाॽ यहुदाबा मनाहाॽरे़ खुन्‍छिॽ हुक्‍को सङ्‌घुङ्‌सिङ्‌ॽ, हे़क्‍क्‍याङ् खे़ङ्‌हाॽरे़ कन्‍हाॽ माःङ्‌घा के़युङ्‌बा लत्‍छा मे़न्‍छाम् सुवाङ् सबाबा मनाहाॽओ मे़सङ्‌घु मे़देसुसिॽ॥” यहवे दाङ्‌बे़ल्‍ले़ पाःत्तुङ्‌आङ् वाॽरो॥

योएल 3:8 Referans Kwoze

यसैया 60:14

खे़ने़ॽ तुक्‍खे के़जाःप्‍पाहाॽरे़ खुन्‍छिॽ ये़म्‍बित्‍छासाहाॽ मे़नःम्‍सिङ्‌ङाङ् खे़ने़ॽओ मे़दारो, खे़ने़ॽ के़जिःप्‍पाहाॽ के़रे़क् के़लाङ्‌ङो अःक्‍खुम् मे़भन्‍छिङ्‌लो॥ खे़ङ्‌हाॽरे़ खे़ने़ॽ यहवे दाङ्‌बे़ल्‍ले़ कुये़क्‌यक्, इस्राइलबा सेसेबा निङ्‌वाॽफुमाङ्‌ङिल्‍ले़ कुये़क्‌यक् सियोन के़म्‍मे़त्‍लो॥

अयुब 1:15

सबि मे़प्‍मनाबा सुवाङ्‌हाॽरे़ चिभत् मे़भत्तिगे़ हे़क्‍क्‍याङ् खे़न् थक्‍साहाॽ मे़देॽरुसि॥ वेॽ के़रे़क् के़से़वारोबाहाॽ मे़से़रुसि॥ आङ्‌गाॽरक् खे़त्‍छिङ्‌ङाआङ् खे़ने़ॽ इङ्‌घङ् पिमारे़ लागि के़राङ् त्‍याङ्॥”

खासे़न्‍लोःम्‍बा 2:14

यहवे दाङ्‌बे़न् इस्राइलिहाॽनु कुसाक्‍के़न् पोगे़ खे़ल्‍ले़चोगुल्‍ले़ खे़ङ्‌हाॽ फाःन्‍दाहाॽ नु आनाप्‍नाप्‍पाहाॽरे़ खुन्‍छिॽ हुक्‍को थासुसिआङ् खे़ङ्‌हाॽरे़ मे़नाप्‍तुसिर याःन्‍दुसि॥ खुने़ॽ खे़ङ्‌हाॽरे़ खुन्‍छिॽ कब्रिङ् पिसाङ्‌बा निङ्‌मिहाॽओ सङ्‌घुदेसुसि, खे़ब्‍याङ् निङ्‌मिहाॽरे़ खुन्‍छिॽ तगि खे़ङ्‌हाॽरे़ थःप्‍मा मे़न्‍छुक्‍तुन्॥

इजकिएल 23:42

खे़न्‍छिॽ याक्‍फाङ्‌ङोलाम् थिःल्‍ले़ के़मबा यरिक् मनाहाॽरे़ खुन्‍छिॽ इक्‍लान् खे़म्‍दे़त्ते़॥ खे़न् ये़म्‍बित्‍छाहाॽ मुरे़क् खारे़क्‍पा थेआङ् के़होःप्‍पादे़न्‍नोलाम् के़दाबा चागे़राम्‍बा नु थिःल्‍ले़ के़मबा मे़जोगे़, खे़ङ्‌हाॽरे़ खे़न्‍छिॽ हुक्‍को हुक्‍पाःङ्‌गिहाॽ के़म्‌वाःत्ते़छि हे़क्‍क्‍याङ् खे़न्‍छिॽ थे़गेःक्‍हाॽओ साम्‍म्‍याङ्‌फुङ्‌हाॽ के़म्‍घुःक्‍ते़सि॥

यर्मिया 6:20

सेबा लाजेॽलाम् नु माःङ्‌घा लाजेॽलाम् कुनाम्‍गे़नुॽबा सुक्‍पा हे़क्‍क्‍याङ् मारुक्‍हाॽ थेःल्‍ले़ लागि आङ्‌गाॽओ मे़दारुबाइरो? आङ्‌गाॽ खे़ङ्‌हाॽरे़ खुन्‍छिॽ मिधिङ्‌मनादेमनाबा सिदुङ्‌जभान् मे़दाःक्‍कान्‍लो, खे़ब्‍याङ् खे़ङ्‌हाॽरे़ खुन्‍छिॽ वयागे़न् सिदुङ्‌जभाःल्‍ले़आङ् आनिङ्‌वाॽ मे़दाने़ल्‍लो॥

खासे़न्‍लोःम्‍बा 4:9

दबोराःल्‍ले़ मे़त्तु, “से़क्‍खासाङ् आङ्‌गाॽ खे़ने़ॽनु पेःक्‍का, कर खे़ने़ॽ के़बेःक्‍साङ् मिङ्‌सो इङ्‌धाङ् के़ङ्‌घोसुन्‌ॽ, थेआङ्‌भे़ल्‍ले़ यहवे दाङ्‌बे़ल्‍ले़ सिसराःन् मे़न्‍छुमा थिक्‍ले़ कुहुक्‍को थासुॽ॥” खे़ब्‍याङ् दबोराःन् पोगे़आङ् बाराके़न्‍नु केदेस थासिङ्॥

खासे़न्‍लोःम्‍बा 4:2

कल्‍ले़चोगुल्‍ले़ यहवे दाङ्‌बे़ल्‍ले़ खे़ङ्‌हाॽ हासोरओ युक् के़जोःक्‍पा कनानि हाङ् याबिनरे़ कुहुक्‍को सङ्‌घुसि॥ खे़ल्‍ले़ कुधक्‍मोबा सिसराःन् वये़, खुने़ॽ हरोसेत हग्‍गोयिमओ युङे़॥

साम्‌योथिम् इङ् 32:30

खे़ङ्‌हाॽरे़ खुन्‍छिॽ याक्‍पेःल्‍ले़ मे़सङ्‌घुसिन्‍बा वये़ल्‍ले़ग, यहवे दाङ्‌बे़ल्‍ले़ खे़ङ्‌हाॽ लाप्‍फुमा मे़सुरुसिन्‍बा वये़ल्‍ले़ग, आक्‍खेलॽरिक् थिक्‍पारे़ हे़न्‍छिङ्‌धिक् नाःप्‍मा सुक्‍तुसिबा वये़बे? इग्र ने़त्‍छिरे़ थिबोङ् हे़न्‍छिङ् नाःप्‍मा सुक्‍ते़सुबे?

निङ्‌वाॽफु साम्‍लोसुम् 72:10

तर्सिस लाजेॽ नु माःङ्‌घाबा वरःङ्‌ङिल्‍ले़ मे़न्‍छाम् सुवाङ्‌हाॽरे़ हाङ्‌युक् के़जोःक्‍पा हाङ्‌हाॽरे़ खुने़ॽओ एःङ्‌याङ् मे़दारुरो, सिबा नु सेबा लाजेॽबा हाङ्‌हाॽरे़ खुने़ॽ हुक्‍सोगे़न् चे़सुङ् मे़बिरुरो॥

यर्मिया 30:16

“कर आल्‍ल खिनिॽ के़लप्‍पाहाॽ के़रे़क् मे़लरुसिरो, खिनिॽ निङ्‌मिहाॽ मे़दे़म्‍सु मे़देॽरुसिरो॥ खिनिॽ तुक्‍खे के़जाःप्‍पाहाॽ के़रे़क् तुक्‍खे मे़जाःत्तुसिरो हे़क्‍क्‍याङ् खिनिॽ के़नाप्‍पाहाॽ के़रे़क् मे़नाप्‍तुसिरो॥

इजकिएल 38:13

कर सेबा नु ददानबा मनाहाॽ हे़क्‍क्‍याङ् तर्सिसबा ले़ङ्‌हङ्‌बाहाॽरे़ खे़ने़ॽ से़ःन्‍गे़म्‍दो, ‘खे़ने़ॽ के़भुक्‍खुसिआङ् के़वाॽबा थक्‍सुबाहाॽरे़ खे़ङ्‌हाॽ युप्‍पा नु साम्‍म्‍याङ् नाप्‍मा मे़सुक्‍तुसि फाॽआङ् खे़ने़ॽ के़इःत्तुबि? थे खे़ने़ॽ खे़ङ्‌हाॽरे़ खुन्‍छिॽ थक्‍साहाॽ नाःप्‍मादेॽमासि नु खुन्‍छिॽ चिगक्‌वा सामाहाॽ हुक्‍काप् चोःक्‍मा हे़क्‍क्‍याङ् के़नाप्‍तुसिबा सामाहाॽ कुमादेॽमा सुक्‍मा निङ्‌वाॽ के़इःत्तुबि?’