आङ्गाॽ के़रे़क् मे़न्छाम् सुवाङ्हाॽ सुप्सुङ्सिङ्लो, हे़क्क्याङ् खे़ङ्हाॽ यहोसापातबा ने़ने़बादे़न्नो तारुङ्सिङ्लो॥ आङ्गाॽ आमना आलक्खोमा इस्राइलिहाॽ मे़न्छाम् सुवाङ्हाॽरे़ खुन्छिॽ लुम्मो फुत्छिङ्ज्याङ् के़से़बा के़देबा नु आङ्गाॽ आलाजेन् कुलक् कुलक्को के़भःङ्बाहाॽ खे़प्मो खुम्दिङ् पिरुङ्सिङ्लो॥
योएल 3:12 - लिम्बु12 “मे़न्छाम् सुवाङ्हाॽ फे़जुम्भे़या मे़गाप्सिङ्ङाङ् मे़बोक्लरो हे़क्क्याङ् यहोसापातबा ने़ने़बादे़न्नो तगि मे़बोररो, थेआङ्भे़ल्ले़ हाबा खे़प्मोए के़रे़क् पिसाङ्बा मे़न्छाम् सुवाङ्हाॽ खासे़न् चोःक्मासिरे़ लागि आङ्गाॽ युङ्ङारो॥ Gade chapit la |
योएल 3:12
17 Referans Kwoze
खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ खासे़न् चोगुसिरो, हे़क्क्याङ् खुने़ॽ यरिक् मे़न्छाम् सुवाङ्हाॽरे़ खुन्छिॽ खे़माॽइन् तङ्घु पिरुसिरो॥ खे़न् मे़न्छाम् सुवाङ्हाॽरे़ खुन्छिॽ ताभेहाॽ मे़योःन्दुरो हे़क्क्याङ् के़क्चु थोःङ्मा चुगे़ङ् मे़धगुरो खे़म्ब्याङ् खुन्छिॽ ये़न्-लाःक्हाॽ मे़भे़ःत्छुरो हे़क्क्याङ् चा हे़क्मा कात्च्या मे़धगुरो॥ इक्सादिङ् खाम्बेःक्मोबा मे़न्छाम् सुवाङ्हाॽरे़ थङ् चोःक्मारे़ लागि ताभेन् मे़म्भिःक्खुन्लो, हे़क्क्याङ् आल्लआङ्धो खे़ङ्हाॽ याम्मो ते़न्धङ् चोःक्मा फाॽआङ् मे़न्हुॽसिङ्ने़न्लो॥
खे़न् ये़न्नो यरुसले़म तगि नाङ्गे़न् पिसाङ् के़युङ्बा चैतुन कोःक्माओ खुने़ॽ कुलाङ्ङिल्ले़ तोॽरुआङ् ये़म्सिङ्ॽ, खे़ब्याङ् नाङ्गे़न्लाम् नाम्धा थारिक् चैतुन कोःक्माल्ले़ कुलुम्मो पक्क्रे़ॽ पःङ्ॽ हे़क्क्याङ् खे़प्मो लत्छा यम्बा ने़ने़बादे़न् पोङ्ॽ॥ कुभ्रे़ःङ् कोःक्मान् थाङ्गे़त् ले़प्माङ् नु कुभ्रे़ःङ् कोःक्मान् लाङ्गे़त् ले़प्माङ् से़म्बेःक्लो॥
खुने़ॽ यरिक् मनाहाॽरे़ खुन्छिॽ लुम्मो खासे़न् चोगुरो, हे़क्क्याङ् माःङ्घा माःङ्घा थारिक्पा के़धुम्बा मे़न्छाम् सुवाङ्हाॽओ खे़माॽ पाःन्हाॽ कुनुप्मा खासे़न् निःन्धो चोगु पिरुसिरो॥ खे़ङ्हाॽरे़ खुन्छिॽ ताभेहाॽ मे़धगुआङ् चुगे़ङ् मे़जोगुरो खुन्छिॽ लाःक्हाॽ मे़भे़ःत्छुआङ् कुजा सिप्मा कात्च्या मे़धगुरो॥ मे़न्छाम् सुवाङ्हाॽरे़ खुन्छिॽ तक्ले़ङ्वाओ ताभे मे़न्याङ्सिङ्ङिन्लो, खे़ङ्हाॽरे़ याम्मो आप्फाल्ले़आङ् थङ् चोःक्मा मे़न्हुॽसिङ्ङिन्लो॥
“हे़क्क्याङ् लुम्बाङ् वरःङ्ङिल्ले़ नाङ्गे़ङ् पिसाङ्, लाम्दिःप्पाङ्हाॽरे़ खुन्छिॽ ने़ने़बादे़न्नो आङ्गाॽ गोगरे़ कुलागि नु खुने़ॽ कुधक्सुबा सुम्हाॽरे़ खुन्छिॽ लागि साॽरिक् यम्बा इपुङ् थिक् चोगुङ्ॽ॥ खे़प्मोलाम् के़बोङ्बाआङ् लाङ्गे़घेःक्पाहाॽरे़ खुन्छिॽ लाम्मिन् कल्ले़ थेःक्तुॽ, खे़ब्याङ् खे़ङ्हाॽरे़ कन् ते़न्निल्ले़ कुमिङ् हामोन गोगरे़ कुने़ने़बादे़न् फाॽआङ् मे़ले़क्खुॽ॥
Piblisite