योएल 2:12 - लिम्बु12 यहवे दाङ्बे़ल्ले़ अक्खेलॽरिक् उवा चोगुरो, “आल्लोसाङ् खिनिॽ आप्फेक् के़रे़क् निङ्वाॽओ तःक्ने़त् युङे़म्मे़ॽआङ् हाबे़म्मे़ॽर मे़रिङ् थक्ते़म्मे़ॽओ हे़क्क्याङ् खिनिॽ आङ्गाॽ ले़प्माङ् नुःक्खे़म्मे़ॽओ॥” Gade chapit la |
योएल 2:12
39 Referans Kwoze
हे़क्केलॽरिक् खे़ङ्हाॽ मिस्पाओ मे़जुप्से़, खे़ङ्हाॽरे़ च्वाःत्तिन् मे़बागुआङ् यहवे दाङ्बाल्ले़ कुदगि मे़हुक्खु॥ खे़न् ये़न्नो खे़ङ्हाॽ ले़न्दिक् नाम्धाधा तःक्ने़त्तो मे़युङे़ हे़क्क्याङ् खे़प्मो “आनिगे यहवे दाङ्बाल्ले़ कुदक्ले़ङ्वाओ लायो चोगुम्बे़” लॽरिक् खे़ङ्हाॽ पाःप्मा मे़दे़न्दे़॥ हे़क्क्याङ् सामुए़ले़न् मिस्पाओ इस्राइलबा लाम्लोबा पोःक्खे़॥
हे़क्क्याङ् सामुए़लरे़ के़रे़क् इस्राइलि सुवाङ्हाॽ अक्खे मे़त्तुसि, “खे़निॽ के़हिन्दिआङ् काक् निङ्वान् के़हिसुम् हे़क्क्याङ् यहवे दाङ्बाओ के़नुःक्खिबाने़फग्र थिम्मे़न्दङ् सुवाङ्हाॽरे़ खुनिॽ माङ्हाॽ नु अस्तोरेत नावाइत्लाहाॽ खे़निॽलाम् खे़त्ताम् तेसाम्से़ॽ॥ खे़निॽ आबाङे के़रे़क् निङ्वाॽरे़ यहवे दाङ्बाओ तोःन्नासिम्मे़ॽ हे़क्क्याङ् खुने़ॽरक् माङ्से़वा मे़त्ताम्मे़ॽ, हे़क्के के़जोगुम्ने़फग्र खुने़ॽ पलिस्तिहाॽरे़ खुनिॽ हुक्लाम्बा के़से़ःप्ति॥”
काक्नु तगि दमस्कसओ हे़क्क्याङ् यरुसले़म नु काक् यहुदिया लाजेॽबा, हे़क्क्याङ् थिम्मे़न्दङ् सुवाङ्हाॽआङ् खिनिॽ लायोलाम् हिन्दे़म्मे़ॽआङ् निङ्वाॽफुमाङ्ङिल्लो नुःक्खे़म्मे़ॽ हे़क्क्याङ् खिनिॽ लायोलाम् के़हिन्दिबा कुइसिक् निङ्वाॽफुमाङ्ङिल्ले़ कुनिङ्वाॽ तासे़म्मे़ॽओ फाॽआङ् इङ्भन् चोगुङ्सिङ्लो॥
खे़ब्याङ् के़रे़क् इस्राइलि थक्सुबाहाॽ मे़नुःक्खे़आङ् बेथेल मे़बे, हे़क्क्याङ् खे़प्मो खे़ङ्हाॽ युःन्छिक् थारिक्के मे़रिङ् मे़धक्ते़र यहवे दाङ्बे़ल्ले़ कुदगि तःक्ने़त् मे़युङे़॥ खे़ङ्हाॽरे़ यहवे दाङ्बे़ल्ले़ कुदगि मिधिङ्मनादेमनाबा वयागे़न् सिदुङ्जभा नु तङ्जुम् वयागे़न् सिदुङ्जभा मे़दोन्दु॥
हे़क्केलॽरिक् मुक्साम्दाङ्बा यहवे दाङ्बे़ल्ले़ कुहिम्मोबा निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ अक्खे मे़मे़त्तुसिआङ् से़ःन्मे़लाप्तुसि, “माङ्हिम्मिन् मे़यन्छु मे़देसुबाल्ले़ चोगुल्ले़ यरिक् तङ्बे तगिआङ्धो चोगुम् युरुम्बे़बा हे़क्के थे ङासिगेक्पा लाओ आनिगे मे़रिङ् थक्मा नु तःक्ने़त् युङ्मा पोङ्बि?”
“पेगे़ॽआङ् सुसन्नो के़वाॽबा के़रे़क् यहुदिहाॽ फुक्खे़से़ॽ हे़क्क्याङ् खे़ङ्हाॽ आङ्गाॽ आलागि तःक्ने़त् मे़युङ्ल॥ सुम्यान् नु सुम्से़न् थारिक् मे़जे़म्मिन्ने़ॽ मे़धुङे़म्मिन्ने़ॽ हे़क्क्याङ् च्वाःत्ताङ् मे़धुङे़म्मिन्ने़ॽ॥ आङ्गाॽ नु आङ्गाॽ आसे़वारोमाहाॽआङ् खिनिॽ हे़क्केए तःक्ने़त् युङिगे़॥ खे़न् एगाङ् कुभाङ्ले़ कुदक्ले़ङ्वा पोङ्साङ् आङ्गाॽ हाङ्ङे़ॽओ पेःक्का॥ आङ्गाॽ सिमाए पोङ्साङ् आङ्गाॽ सिआर॥”
खे़ङ्हाॽ मे़त्ते़से़ॽ, ‘आङ्गाॽ कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, ताक्के़भे़ॽबा मनाहाॽ मे़सिःल्ले़ आङ्गाॽ मे़सःत्तान्॥ खे़ङ्हाॽ खुन्छिॽ कुॽइभे़म्मा लाम्हाॽओनु मे़नुःङ्ल के़लॽबारक् आङ्गाॽ निङ्वाॽ चोगुङ्ॽ हे़क्केलॽरिक् खे़ङ्हाॽ हिङ्मा मे़सुक्ल॥ इस्राइलबा मनासे! हिआसिम्मे़ॽ! खिनिॽ कुॽइभे़म्मा लाम्मोनु नुःक्खे़म्मे़ॽ, खिनिॽ थेआङ् के़स्ये़ॽइबाबे?’
थेआङ्भे़ल्ले़ यहवे दाङ्बे़ल्ले़ मोसान् अक्खे मे़त्तुआङ् वये़, “इस्राइलिहाॽ मे़त्ते़से़ॽ, ‘खिनिॽ आधिङ्गानि मनानिङ्॥ आङ्गाॽ मिक्चिराप्पा थिक्लक् खिनिॽ लुम्मो ताआने़भग्र आङ्गाॽ खिनिॽ खाप्पुथ्यःङ् मे़ङ्निङ्॥ आल्ल खिनिॽ वाःत्ति सामाहाॽ फे़न्दे़म्मे़ॽ, हे़क्क्याङ् खिनिॽनु थे़मा चोःक्मा पोङ्ॽ, खे़न् पाःन्नो आङ्गाॽ निङ्वाॽ इःत्तुङ्॥’”
साङ्ग्राम्पेदाङ्लाम् खे़ङ्हाॽरे़ खुन्छिॽ पेलिन् खे़प्से़ॽओ, हे़क्क्याङ् खे़ने़ॽ के़से़वारोबा, के़मना इस्राइलिहाॽरे़ खुन्छिॽ लायोन् ले़प्मि पिरे़से़ॽओ॥ खे़ङ्हाॽ लाङ्घेःक्मा के़बोङ्बा नुबा ये़प्ले़क्किन् खे़ने़ॽ हुॽरे़से़ॽओ, हे़क्क्याङ् खे़ने़ॽ के़मनाहाॽ खुन्छिॽ लक्खोमारे़ लागि के़बिरुसिबा लाजेॽओ वहित् थासुर याःन्दे़ पिरे़से़ॽओ॥
हिजकियाःल्ले़ कुइङ्जाङ् कुइसिक् हाङ्ङिन् नु खुने़ॽ कुसुहाङ्युक्पाहाॽलाम् अक्तङ्बा उवा-सक्किन् मे़देॽरुआङ् इङ्साबाहाॽ इस्राइल के़रे़क् नु यहुदा के़रे़क् मे़बेरो— “इस्राइलबा मनासे, अब्राहाम, इसहाक नु इस्राइलबा यहवे दाङ्बा निङ्वाॽफुमाङ् ले़प्माङ् खिनिॽ नुःक्खे़म्मे़ॽ, हे़क्क्याङ् अस्सुरबा हाङ्हाॽरे़ खुन्छिॽ हुक्कोलाम् के़घे़त्छिङ्बाहाॽ ले़प्माङ् खुने़ॽआङ् नुःङ्लरो॥
यहवे दाङ्बे़ल्ले़ अक्खे पाःत्तुरो, “याम्बोःप्मा याःम्बक् के़जोःक्पासे! खिनिॽ के़रे़क् आङ्गाॽओ नुःक्खे़म्मे़ॽआङ् त्ये़म्मे़ॽओ, आङ्गाॽ खिनिॽ वेःन्ने़निङ्ॽ हे़क्क्याङ् खिनिॽ नसाःन्साबा चोःक्निङ्लो॥” खे़ङ्हाॽरे़ मे़बाःत्तुॽ, “ओरो, यहवे दाङ्बाए, आनिगे खे़ने़ॽओ नुःक्खिगे़ त्ये़ॽइगे़रो हे़नाङ्भे़ल्ले़ खे़ने़ॽ आनिगे निङ्वाॽफुमाङ्ने़रो॥
निङ्वाॽफुसाम्बासे, सगितेत् चाक्खे़म्मे़ॽओ हे़क्क्याङ् खिनिॽ मे़रिङ् थक्ते़म्मे़ॽओ, ले़त्ति तोःम्मादे़न्नो माङ्से़वा के़जोःक्पासे, हाबे़म्मे़ॽओ॥ आङ्गाॽ आनिङ्वाॽफुमाङ्ङिल्ले़ कुसे़वारोबासे, खिनिॽ सगितेत् चाक्खे़म्मे़ॽआङ् नाम्दाःत्छे़म्मे़ॽओ, थेआङ्भे़ल्ले़ खिनिॽ निङ्वाॽफुमाङ्ङिल्ले़ कुहिम्मो पोगुगे़न् कुजा सिदुङ्जभाहाॽ नु चे़ल्ले़क्सेॽ सेजःङ्वा सिदुङ्जभाहाॽ तोःम्मा मे़ले़रुआङ् वाॽरो॥
Piblisite