योएल 2:1 - लिम्बु1 सियोनओ थुत्तुरिःप्पा मुःत्ते़म्मे़ॽओ, आसेसे कोःक्मालाम् साम्दिङ् इक्ला से़से़म्मे़ॽओ॥ लाजेॽओ के़युङ्बाहाॽ चिरिम्लिम्ना मे़यङ्लरो, थेआङ्भे़ल्ले़ यहवे दाङ्बे़ल्ले़ कुये़न्निन् तार पत्लो, खे़न् ये़न्निन् साॽरिक् निःत्ताङ्ङे वाॽरो, Gade chapit la |
योएल 2:1
53 Referans Kwoze
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
खे़ल्ले़ याःन्दिक् आङ्गाॽ ले़प्माङ् के़जोगुम्बा खिनिॽ के़रे़क् फे़न्याःम्बक्किल्ले़ चोगुल्ले़ खिनिॽ नारा सिरेःप् लॽमा मे़बोङ्ने़न्लो॥ थेआङ्भे़ल्ले़ खे़न् ये़म्मो खुन्छिॽ आङ्दिङ् लॽमाओ के़सःप्पाहाॽ आङ्गाॽ कन् ये़क्यक् लुम्मोलाम् लःत्तुङ्देसुङ्सिङ्लो॥ आङ्गाॽ आसेसे कोःक्माओ याम्मो आभे़ल्ले़आङ् खिनिॽ याम्मो यम्बा के़हे़न्छिङ्बा के़म्बोःक्खिन्लो॥
आङ्गाॽ यहवे दाङ्बाआ, खिनिॽ आङ्गाॽनु किमा मे़बोङ्ने़न्बि? आङ्गाॽ आदगि थेआङ् थे़गक्कक्ना के़न्यक्खिन्बे? आङ्गाॽ वरःङ्ङिल्ले़ लागि ये़ःङ्घाःन् इःन्दो ने़स्सुङ् पिरुङ्ङाङ् ने़रो॥ खे़न् वरःङ्ङिल्ले़ काःक्मा मे़न्छुक्मना लत्छा तधप् मे़ल्लॽमनाबा कुधेःक्मा पोःक्खे़आङ् ने़रो॥ वरःङ्ङोबा वाभे़ल्ले़ङ्हाॽ पोःक्पिलारो कर खे़न् इःन्दोन् काःक्मा मे़सुक्तुन्लो॥ खे़न् वाभे़ल्ले़ङ्हाॽ यम्बा सःक्पिलारो कर खे़न् हमाआङ् काःक्मा मे़सुक्तुन्लो॥
ओरो, खे़न् ये़म्मिन् त्ये़आङ् वाॽरो, खे़न् ये़न्निन् कप्मो वाॽरो! कुमे़ल्लुङ् आजे़ःत्छिक् चोःक्मा पाःन्नो चिगक्वाॽ के़इङ्बाहाॽ मे़न्छःत्ने़न्लरो, हे़क्क्याङ् कुमे़ल्लुङ् सुःल्लिक् पोःक्खे़ फाॽआङ् के़सङ्बाहाॽआङ् मे़रिङ् मे़न्धक्ने़न्लरो, थेआङ्भे़ल्ले़ आङ्गाॽ साॽरिक् किप्मागे़घुबा आसाक्के़न्नो खे़ङ्हाॽ के़रे़क् मे़धारो॥
खुने़ॽ आङ्गाॽ सेःन्दोसाङ्, “आमोसे, खे़ने़ॽ थेःन् के़निसुबे?” आङ्गाॽ खुने़ॽ नुगप् पिरुङ्, “के़दुम्बा सिङ्सेल्ले़ के़दिम्बा नॽइमा थिक् निसुङ्ॽ॥” खे़ब्याङ् यहवे दाङ्बे़ल्ले़ आङ्गाॽ मे़त्ताङ्, “आङ्गाॽ आमना इस्राइलिहाॽरे़ खुन्छिॽ नुप्मे़न् के़रे़आङ् वाॽरो॥ आल्ल आङ्गाॽ खे़ङ्हाॽ याम्मो मे़ले़त्तासिङ्ङिन्ॽ॥”
दाङ्बे़ल्ले़ अक्खे पाःत्तुरो, “थुत्तुरिःप्पे़न् खिनिॽ मुराओ फत्छे़म्मे़ॽआङ् मुःत्ते़म्मे़ॽओ! कक्कफिःक्मा थिक् यहवे दाङ्बे़ल्ले़ कुहिम् सम्धाङ् सुःक् युरो! थेआङ्भे़ल्ले़ मनाहाॽरे़ आङ्गाॽ आमाङ्हुप्पिन् मे़भेःन्दुआङ् वाॽरो, खे़ब्याङ् आसाम्यो थिम्मिल्ले़ कुदक्ले़ङ्वाओ पिफ्युङ्बा मे़बोःक्खे़आङ् मे़वाॽरो॥
खे़ने़ॽ मनाहाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ कन् ताॽदि खे़दाःन् नुप्सुङ्ॽ, हे़क्क्याङ् खिनिॽ कन् आल्लआङ्धो पाःप्मा के़नाॽरुम्ॽ॥’ आल्ल तगिबाल्ले़ कुले़क्वा खे़ने़ॽ कुसङ् ताॽदि थिक् खे़ङ्हाॽ मे़त्ते़से़ॽ—‘के़रे़क् सुफोहाॽ के़प्मारे़ लागि ये़म्मिन् त्ये़आङ् वाॽ!’
दाङ्बे, खे़ने़ॽ साम्योबा के़याःम्बक् कुइसिक् खे़ने़ॽ के़साक्के़न्निन् नु के़सिक् पोःक्मान् खे़ने़ॽ के़ये़क्यक्, के़सेसे कोःक्मा यरुसले़मलाम् खे़त्ते़देसे़ॽओ॥ आनिगे लायो नु आनिगे पाधे़बाहाॽरे़ खुन्छिॽ फे़न्याःम्बक्किल्ले़ चोगुल्ले़ आनिगे कब्रिङ् पिसाङ्बा मनाहाॽरे़ खुन्छिॽ तगि यरुसले़म नु खे़ने़ॽ के़मनाहाॽ कुनामे़न्छाॽ मे़प्मा चाहाक् पोःक्खिगे़आङ् वयिगे़रो॥
“आङ्गाॽ आहाङ्जुम् के़रे़क्पा मनाहाॽरे़ दानिए़लरे़ कुनिङ्वाॽफुमाङ्ङिन् मे़गिरुर हे़क्क्याङ् मिङ्सो इङ्धाङ् मे़बिरुर फाॽआङ् आङ्गाॽ कन् इङ्जाङ्ङिन् उवा चोगुङ्लो॥ “थेआङ्भे़ल्ले़ खुने़ॽग कुहिङ्वे़त् निङ्वाॽफुमाङ्लो, हे़क्क्याङ् खुने़ॽ सदादिङ् आभे़ल्ले़साङ् वाॽरो॥ खुने़ॽ कुहाङ्जुम्मिन् मे़मे़क्ने़न्लो खुने़ॽ कुहाङ्युक्किन् आभे़ल्ले़आङ् मे़नुप्ने़न्लो॥
“खे़ने़ॽ कन् सुवाङ्बा मनाहाॽ कन् के़रे़क् पाःन्हाॽ के़मे़त्तुसिॽ, हे़क्केःल्ले़ खे़ङ्हाॽरे़ खे़ने़ॽ अक्खेलॽरिक् सेःन्के़म्लाप्, ‘थेआङ् यहवे दाङ्बे़ल्ले़ आनिगे सम्धाङ् अक्तङ्बा के़साक्पा खुम्दिङ् पिमा निःन्धो चोगुबाबे? आनिगे थे फे़न्याःम्बक् चोगुम्बे़आङ् वये़बे? यहवे दाङ्बा आनिगे निङ्वाॽफुमाङ्ङिल्ले़ कुदक्ले़ङ्वाओ आनिगे थे लायो चोगुम्बे़आङ् वयिगे़बे?’
यहवे दाङ्बे़ल्ले़ कुबाःन्नो के़गिबा के़यङ्बासे, खुने़ॽ कुबाःन्जाक्किन् खे़प्साम्मे़ॽओ, “आमिङ्ङिल्ले़ चोगुल्ले़ खिनिॽ आबाङे मनाहाॽरे़ के़म्जिःत्तिआङ् के़म्से़न्दिरो॥ खे़ब्याङ् किनाःन्दि मे़बाःत्ल खिनिॽ अक्खे के़म्मे़त्तिरो, ‘यहवे दाङ्बे़न् के़रे़क्नुःल्ले़ पयम् यम्बा चोःक्पे़न् खुने़ॽ आबाङे ओसेःन्धाङ् चोगुररो हे़क्क्याङ् खिनिॽ के़से़ःप्तिररो॥ हे़क्क्याङ् खिनिॽ के़सःत्तिबे़न् आनिगे ओमे़प्मा खोसुम्बे़ररो’ कर खे़ङ्हाॽरे़ खुन्छिॽ चाःत्थि पेःक्लो॥
यहवे दाङ्बे़न् खुने़ॽ कुधक्सुबाहाॽरे़ खुन्छिॽ तगि हुःक्लो, खुने़ॽ कुधक्सुबा तुराहाॽ निःत्मे़न्दे़त्ते यरिक् मे़वाॽरो, हे़क्क्याङ् कुइङ्जाङ् के़इःप्पा के़नाःप्पाहाॽ मुक्साम्साबा मे़जोक्लो॥ यहवे दाङ्बे़ल्ले़ कुये़न्निन् पयम् यम्बा चोक्लो, हे़क्क्याङ् चाॽरिक् किप्मा के़घुबा चोक्लो॥ खे़न् हाःत्ले़ थम्मा सुक्तुआङ्बे?
Piblisite