यहवे दाङ्बे़ल्ले़ कुदगि याःम्बक् के़जोःक्पा निङ्वाॽफुसाम्बाहाॽ माङ्हिम्मोबा आःम्भोॽ नु ले़त्ति तोःम्मादे़न् लुम्मो मे़हाःप्लरो॥ खे़ङ्हाॽरे़ अक्खे मे़बाःत्तुर, “यहवे दाङ्बाए, के़मनाहाॽ से़ःप्ते़से़ॽओ॥ खे़ने़ॽ के़लक्खोमा मनाहाॽ कुनामे़न्छाॽ पोङ्मा चाहाक् नु मे़न्छाम् सुवाङ्हाॽ लुम्मो कुनामे़न्छाॽ पोङ्मा मे़बाङ्घे़से़न्ने़ॽओ॥ वेॽ सुवाङ्बा मनाहाॽरे़ थेआङ् अक्खे पाःप्मा मे़घोसुरबे? ‘खे़ङ्हाॽरे़ खुन्छिॽ निङ्वाॽफुमाङ्ङिन् आत्ति वाॽबे?’”
योएल 1:9 - लिम्बु9 यहवे दाङ्बे़ल्ले़ कुहिम्मो पोगुगे़न् कुजा सिदुङ्जभा नु चे़ल्ले़क्सेॽ थि सिदुङ्जभा तोःम्मा नाॽरे़आङ् वाॽरो॥ यहवे दाङ्बे़ल्ले़ कुदगि माङ्से़वा याःम्बक् के़जोःक्पा खे़न् निङ्वाॽफुसाम्बाहाॽ मे़रिङ् मे़धक्लो॥ Gade chapit la |
योएल 1:9
10 Referans Kwoze
निङ्वाॽफुसाम्बासे, सगितेत् चाक्खे़म्मे़ॽओ हे़क्क्याङ् खिनिॽ मे़रिङ् थक्ते़म्मे़ॽओ, ले़त्ति तोःम्मादे़न्नो माङ्से़वा के़जोःक्पासे, हाबे़म्मे़ॽओ॥ आङ्गाॽ आनिङ्वाॽफुमाङ्ङिल्ले़ कुसे़वारोबासे, खिनिॽ सगितेत् चाक्खे़म्मे़ॽआङ् नाम्दाःत्छे़म्मे़ॽओ, थेआङ्भे़ल्ले़ खिनिॽ निङ्वाॽफुमाङ्ङिल्ले़ कुहिम्मो पोगुगे़न् कुजा सिदुङ्जभाहाॽ नु चे़ल्ले़क्सेॽ सेजःङ्वा सिदुङ्जभाहाॽ तोःम्मा मे़ले़रुआङ् वाॽरो॥
यहवे दाङ्बे़ल्ले़ कुदगि खिनिॽ चे़ल्ले़क्सेॽ थि सिदुङ्जभा कुसिङ्बा चे़ल्ले़क्सेॽ थिन् मे़न्हुक्खुन्लो, खिनिॽ सिदुङ्जभाहाॽरे़ खुने़ॽ कुनिङ्वाॽआङ् मे़दाने़न्लो॥ अक्तङ्बा सिदुङ्जभाहाॽग के़सिबाहाॽरे़ लागि ने़त्के़युक्पाहाॽरे़ खुन्छिॽ खरे़ःङ् हे़क्के पोङ्लो खे़न् के़जाबाहाॽ के़रे़क् आसुत्थो मे़बोङ्लो॥ अक्तङ्बा कुजाःङ्ग खे़ङ्हाॽरे़ खुन्छिॽ लागिरक् पोङ्लो, यहवे दाङ्बे़ल्ले़ कुहिम्मो खे़न् मे़न्दारुन्लो॥
“कन् के़रे़क् पाःन्हाॽरे़ चोगुल्ले़ आङ्गाॽ हाःप्मार वाॽआरो, आङ्गाॽ आमिक्कोलाम् आमिक्वा ते़रे़रे़ थाप्लो॥ आङ्गाॽ हाङ्हाङ् मे़प्मारे़ लागि आबेसाङ् हाःत्ताङ् होप्लो, आयाम्साम्मिन् याम्मो कुहिङ्वे़त् के़जोःक्पा आसाःत्ताङ् होप्लो॥ आङ्गाॽ अङे़ःक्वा आस्सा ये़म्बित्छाहाॽ एःक्से़त्छा मे़वाॽरो, थेआङ्भे़ल्ले़ निङ्मिन् थङ् के़नाःम्बा पोःक्खे़आङ् वाॽरो॥
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
Piblisite