योएल 1:3 - लिम्‍बु

³ खिनिॽ साएहाॽ कन् पाःन्‍निन् मे़त्ते़म्‍सिम्‍मे़ॽओ, हे़क्‍क्‍याङ् खिनिॽ साहाॽरे़ खुन्‍छिॽ साहाॽ मे़मे़त्तुसिररो, हे़क्‍क्‍याङ् खे़ङ्‌हाॽरे़ खुन्‍छिॽ साएहाॽरे़ खे़न् एगाङ्‌बा थाःक्‍हाॽ मे़मे़त्तुसिररो॥

योएल 1:3 Referans Kwoze

साम्‌योथिम् इङ् 6:7

खिनिॽ हिम्‍मो के़वयिल्‍ले़, लाम्‍मो लाङ्‌गे़घेगिल्‍ले़, के़नाःम्‍मासिल्‍ले़ नु के़बोगिल्‍ले़ खिनिॽ खे़ङ्‌हाॽरे़ कुयाःम्‍बेओ पाःन्‍छुम् इङ्‌सुम् तारे़म्‍मे़ॽ खम्‍भ्‍याङ् खिनिॽ साहाॽ हुॽरे़म्‍सिम्‍मे़ॽ॥

निङ्‌वाॽफु साम्‍लोसुम् 145:4

थिक् थाःक्‍लाम् के़दाबाहाॽरे़ ताःन्‍दि के़दाबा वेॽसमा थाःक्‍हाॽ के़याःम्‍बक्‍किन् नुबा चोक् फाॽआङ् मे़मे़त्तुसिरो, खे़ङ्‌हाॽरे़ मुक्‍साम्‍साबा के़याःम्‍बक्‍किन् साॽरिक् मिङ्‌सो इङ्‌धाङ् मे़बिरुरो॥

निङ्‌वाॽफु साम्‍लोसुम् 71:18

निङ्‌वाॽफुमाङ्‌ङे, आङ्‌गाॽ काप्‍पोबा तुम्‍माआङ् आधे़गेक्‍पान् फुत्‍त्रिःङ्‌यारिक् फुत्‍खे़त्‍छाङ् आङ्‌गाॽ मे़नाॽराङ्‌ङिन्‍ने़ॽओ॥ हे़क्‍क्‍याङ् के़मुक्‍साम्‍मिल्‍ले़ कुयाःम्‍बेओ के़दाबा के़रे़क् मे़न्‍छाम् थाःक्‍हाॽ इङ्‌मे़म्‍भोसे थारिक् मे़ले़राङ्‌ङिन्‍ने़ॽओ॥

लाम्‍दिक् 13:14

“ताःन्‍दि के़दाबा ये़म्‍मो खिनिॽ सा ये़म्‍बित्‍छाहाॽरे़ थेआङ् अक्‍खे के़जोगुम्‍बाबे फाॽआङ् से़ःन्‍के़म्‍दोसिने़भग्र खिनिॽ अक्‍खे मे़त्ते़म्‍सिम्‍मे़ॽ, ‘यहवे दाङ्‌बे़ल्‍ले़ आनिगे योःग्‍बा योःग्‍मा पोःक्‍खिगे़आङ् वयिगे़बा मिस्र लाजेॽलाम्‍बा खुने़ॽ मुक्‍साम्‍साबा कुहुक्‍किल्‍ले़ लःत्तिगे़ फे़त्तिगे़॥

यसैया 38:19

आइन् आङ्‌गाॽ खे़ने़ॽ के़नारा फोसुङ्‌बा हे़क्‍के कुहिङ्‌वे़त्, के़हिङ्‌बाहाॽरे़रक् खे़ने़ॽ के़नारा मे़भोसुरो॥ खे़ने़ॽ नसाःन्‍साबा के़जोक् फाॽआङ् पानुदिङ् पाहाॽरे़ खुन्‍छिॽ साहाॽ मे़जे़क्‍तुसिरो॥

निङ्‌वाॽफु साम्‍लोसुम् 44:1

निङ्‌वाॽफुमाङ्‌ङे, यरिक् तङ्‌बे तगि खे़ने़ॽ के़जोगुबा निङ्‌वाॽ के़माबा याःम्‍बक्‍हाॽ आनिगे पाधे़बाहाॽरे़ मे़जे़क्‍तिगे़रो, खे़न् आनिगे आबाङे ने़क्‍खोबाल्‍ले़ खे़प्‍सुम्‍बे़आङ् वाॽरो॥