युहुन्‍ना 8:3 - लिम्‍बु

³ हे़क्‍क्‍याङ् साम्‌योथिम्‍साम्‍बाहाॽ नु फरिसिहाॽरे़ चाराम्‍मा याःम्‍बक् चोगुर पत्‍छे़ल्‍ले़ मे़दे़म्‍सुमा मे़न्‍छुमाॽधिक् खे़प्‍मो मे़दारुआङ् मनालुप्‍हाॽरे़ खुनिॽ तगि मे़ये़प्‍सु॥

युहुन्‍ना 8:3 Referans Kwoze

युहुन्‍ना 8:2

हे़क्‍क्‍याङ् कुदाःन्‍दिक्‍मा खाओःत्ते़नुमे़ःन्‍ने खुने़ॽ माङ्‌हिम्‍मो त्‍ये़॥ हे़क्‍क्‍याङ् खे़प्‍मो मनाहाॽ चुम्‍मा मे़हेःक्‍ते़आङ् खुने़ॽ युङ्‌सिङ्‌ङाङ् खे़ङ्‌हाॽ निसाम् हुॽमा हेःक्‍तुसि॥

युहुन्‍ना 8:4

खे़ङ्‌हाॽरे़ ये़सुन् सेःन्‍मे़दोसु, “सिक्‍साम्‍बे, कन् मे़न्‍छुमाॽइन् चाराम्‍मा याःम्‍बक् चोगे़र पत्‍छे़ल्‍ले़ए मे़दे़म्‍सुआङ् तारुम्‍बे़बारो॥

युहुन्‍ना 8:9

कन् पाःन्‍निन् मे़घे़प्‍सुआङ् के़रे़क्‍नुःल्‍ले़ तगि तुम्‍भाक्‍सा हे़क्‍क्‍याङ् खे़न्‍नाङ् योबाहाॽ थिक्‍थिक् लॽरिक् पेःक्‍मा मे़हेःक्‍ते़रो॥ हे़क्‍क्‍याङ् खे़प्‍मो ये़सुन् नु खे़न् मे़न्‍छुमाॽइन्‍लक् याःक्‍ते़त्‍छिरो॥

सेःक्‌युक्‍मिबाहाॽ 4:7

हे़क्‍क्‍याङ् खे़ङ्‌हाॽरे़ युहुन्‍ना नु पत्रुसे़न् खुनिॽ तगि मे़दारुसिआङ् अक्‍खे मे़मे़त्तुसिर सेःन्‍मे़दोसुसि, “आत्तिन् मुक्‍साम्‍लाम् इग्र हाःत्‍ले़ कुयुक्‍को अक्‍खेलॽरिक् निङ्‌वाॽ के़माबा याःम्‍बक् के़जोगे़त्‍छुबाबे?”

खानिःत् 15:33

सिङ् के़सुम्‍बा मनान् खे़ङ्‌हाॽरे़ मोसा, हारुन हे़क्‍क्‍याङ् के़रे़क् इस्राइलि सङ्‌जुम्‍भोओ मे़दारु॥

इजकिएल 16:38

आङ्‌गाॽ खे़ने़ॽ चाराम्‍मा याःम्‍बक् के़जोगुबा नु मना के़से़रुसिबाल्‍ले़ कुले़क्‌वा खुम्‍दिङ् पिने़॥ आङ्‌गाॽ आनाहे़म्‍मा आसाक्‍के़न्‍निल्‍ले़ खे़ने़ॽ माक्‍खिॽफुमाल्‍ले़ ले़ःक्‍ने़॥

इजकिएल 23:45

कर साम्‌योबा मनाहाॽरे़ याम्‍बोःप्‍मा नु माक्‍खिॽसिवा से़मा याःम्‍बक् के़जोःक्‍मा कन् ने़ॽनुसाॽ ये़क्‌यक्‍हाॽ खासे़न् मे़जोगुसिॽ, थेआङ्‌भे़ल्‍ले़ से़क्‍खाःल्‍ले़ खुन्‍छिॽग याम्‍बोःप्‍मा याःम्‍बक् के़जोःक्‍मा नु मना के़से़प्‍मासिरो॥

मत्ति 2:4

हे़रोद हाङ्‌ङिल्‍ले़ के़रे़क् तुम्‍निङ्‌वाॽफुसाम्‍बाहाॽ नु साम्‌योथिम्‍साम्‍बाहाॽ उःत्तुसिआङ् कन् निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त मे़प्‍मनाबान् आत्तो सावाःन्‍छिङ्‌मा के़बोङ्‌बा वाॽबे लॽरिक् सेःन्‍दोसुसि॥

युहुन्‍ना 9:13

हे़क्‍केःल्‍ले़ मनाहाॽरे़ खे़न् खानिमा के़सुक्‍पा के़बोङ्‌बा मिक्‍फःम्‍बान् फरिसिहाॽरो मे़देॽरुरो॥

रोमि 7:3

हे़क्‍केलॽरिक्‍के कुये़म्‍बाॽइन् कुहिङ्‌वे़त् वाॽरए खे़ल्‍ले़ वेॽ मनाःन्‍नु मेःक्‍खिम् चोगुने़ फाॽग्र खे़ङ्‌ग साम्‌योथिम्‍मिल्‍ले़ चाराम्‍मा याःम्‍बक् के़जोःक्‍मा मे़त्तुॽरो॥ कर कुये़म्‍बाॽइन् सिआङ्‌ग खुने़ॽ मेःक्‍खिम्‍थिम्‍लाम् चोःक्‌युम्‍भोमा पोङ्‌लो, हे़क्‍क्‍याङ् खे़ल्‍ले़ वेॽ मनाःन्‍नु मेःक्‍खिम् चोगुल्‍ले़ चाराम्‍मा याःम्‍बक् चोगुबा मे़बोङ्‌ने़ल्‍लो॥