युहुन्‍ना 6:2 - लिम्‍बु

² यरिक् मनाहाॽरे़ खुने़ॽ मे़दिम्‍दु, थेआङ्‌भे़ल्‍ले़ खुने़ॽ के़दुक्‍पाहाॽ वेःन्‍दुसिबा निङ्‌वाॽ के़माबा मिक्‍सेःन्‍हाॽ मे़निसुआङ् मे़वये़रो॥

युहुन्‍ना 6:2 Referans Kwoze

मत्ति 12:15

ये़सुरे़ खे़न् चे़म्‍भन् मे़जोगुबान् निङ्‌वाॽ खोसुआङ् खुने़ॽ खे़प्‍मोलाम् पेरो॥ यरिक् मनाहाॽरे़ खुने़ॽ मे़दिम्‍दु हे़क्‍क्‍याङ् खे़न् के़दुक्‍पा के़यॽबाहाॽ के़रे़क् वेःन्‍दुसि,

युहुन्‍ना 2:11

ये़सुरे़ काक्‍नुःल्‍ले़ तगिबा कन् निङ्‌वाॽ के़माबा मिक्‍सेःन्‍निन् गालिल थुम्‍मोबा काना पाङ्‌जुम्‍मो चोगु॥ हे़क्‍केलॽरिक् कुमिमिदिङ्‌ङिन् ओसेःन्‍दाङ् चोगुआङ् कुहुॽसाम्‍बाहाॽरे़ खुने़ॽ आल्‍लसाङ् चाॽरिक् नसान् मे़जोगुरो॥

मर्कुस 6:33

कर यरिक् मनाहाॽरे़ खे़ङ्‌हाॽ मे़बेर मे़बत्‍छे़बा मे़निसुसिआङ् कुसिङ् मे़निःत्तुसि, हे़क्‍क्‍याङ् के़रे़क् पाङ्‌जुम्‍मोलाम् मे़लोःक्‍ते़र मे़बे, हे़क्‍क्‍याङ् खे़ङ्‌हाॽ मे़बेबा ते़न्‍नो खे़ङ्‌हाॽनुःल्‍ले़ तगि खे़प्‍मो मे़गे़रे़॥

मत्ति 14:14

ये़सुन् खःङ्‌बेओलाम् लःन्‍दे़ल्‍ले़ यरिक् मनाहाॽ निसुसिआङ् लुङ्‌माॽ तुक्‍तुसि, हे़क्‍क्‍याङ् खे़प्‍मो के़वाॽबा खे़न् के़दुक्‍पा के़यॽबाहाॽ वेःन्‍दुसिरो॥

मत्ति 8:1

ये़सुन् कोःक्‍माओलाम् यो थ्‍ये़ःल्‍ले़ यरिक् मनाहाॽरे़ खुने़ॽ मे़दिम्‍दुरो॥

मत्ति 13:2

खे़प्‍मो यरिक् मनाहाॽ मे़जुप्‍से़, हे़क्‍केःल्‍ले़ खुने़ॽ खःङ्‌बेओ लासे़आङ् युङ्‌सिङ्, कर मनाहाॽ लाःक्‍कात् वरक्‍किल्‍ले़ कुयाओ मे़ये़बे़॥

मर्कुस 1:45

कर खुने़ॽ पेआङ् नुरे़बा पाःन्‍निन् के़रे़क् मनाहाॽ चे़क्‍तुसि॥ खे़ल्‍ले़चोगुल्‍ले़ ये़सुन् पाङ्‌जुम्‍मो मनाहाॽरे़ मे़निसुर तामा मे़सुक्‍ते़न्‍लो॥ हे़क्‍क्‍याङ् खुने़ॽ लाःक्‍कात् एःक्‍सादे़न्‍नो वये़आङ् खे़प्‍मोए काक् पिसाङ्‌लाम् यरिक् मनाहाॽ मे़द्‌ये़रो॥

युहुन्‍ना 2:23

खुने़ॽ यरुसले़म्‍मो वये़ल्‍ले़ यहुदि चोःक्‌युम्‍भो तङ्‌नाम्‍मो चोगुबा निङ्‌वाॽ के़माबा याःम्‍बक्‍किन् यरिक् मनाहाॽरे़ मे़निसुआङ् खुने़ॽ नसान् मे़जोगुरो॥

युहुन्‍ना 3:2

थिक् से़न्‍दिक् खे़न् ये़सुरे़ कुदुम्‍से़ पेआङ् मे़त्तु, “सिक्‍साम्‍बे, खे़ने़ॽग निङ्‌वाॽफुमाङ्‌लाम्‍मे के़द्‌ये़बारो फाॽआङ् आनिगे कुसिङ् निःत्तुम्‍बे़रो॥ थेआङ्‌भे़ल्‍ले़ खे़ने़ॽ के़जोगुबा निङ्‌वाॽ के़माबा याःम्‍बक्‍हाॽग आत्तिन् मनाःल्‍ले़आङ् खुने़ॽनु निङ्‌वाॽफुमाङ्‌ङिन् मे़वाॽने़न्‍निल्‍ले़ग हे़क्‍के चोःक्‍मा मे़सुक्‍तुन्‍लो॥”

युहुन्‍ना 6:14

हे़क्‍क्‍याङ् मनाहाॽरे़ खुने़ॽ चोगुबा निङ्‌वाॽ के़माबा मिक्‍सेःन्‍निन् मे़निसुआङ् अक्‍खे मे़बाःत्तु, “इक्‍सादिङ् खाम्‍बेःक्‍मो ता लॽरिक् निङ्‌साङ् चोःक्‍मनाबा माङ्‌निङ्‌वाॽपान् के़बाःप्‍पाङ्‌ग से़क्‍खासाङ् खुने़ॽएरो॥”

युहुन्‍ना 6:22

हे़क्‍क्‍याङ् वरक्‍किल्‍ले़ नाधाःम्‍बि के़वाॽबा मनाहाॽरे़ थिक्‍लक् खःङ्‌बेन् ने़स्‍से़बा मे़निसु हे़क्‍क्‍याङ् ये़सुन् खःङ्‌बेओ कुहुॽसाम्‍बाहाॽनु मे़लासे़म्‍बा कर खुने़ॽ कुहुॽसाम्‍बाहाॽरक् मे़बेबा पाःन्‍निन् कुदाःन्‍दिक्‍मारक् कुसिङ् मे़निःत्तु॥

युहुन्‍ना 6:26

ये़सुरे़ खे़ङ्‌हाॽ नोगप् पिरुसि, से़क्‍खाए मे़त्‍निङ्, खिनिॽ निङ्‌वाॽ के़माबा मिक्‍सेःन्‍निन् के़निसुम्‍माङ् मेःन्, कर खाघा खरे़ःङ्‌ङिन् के़जाम्‍माङ्‌ने़ याप्‍मि के़गोःत्तिबारो॥

युहुन्‍ना 6:30

खे़ल्‍ले़चोगुल्‍ले़ खे़ङ्‌हाॽरे़ खुने़ॽ सेःन्‍मे़दोसु, “आक्‍तङ्‌बा निङ्‌वाॽ के़माबा मिक्‍सेन् के़जोगुआङ् आनिगे नसान् चोःक्‍कासिगे़बाबे? आनिगे लागि खे़ने़ॽ थे के़जोगुबे?

युहुन्‍ना 11:47

हे़क्‍क्‍याङ् तुम्‍निङ्‌वाॽफुसाम्‍बाहाॽ नु फरिसिहाॽरे़ पाःन्‍धक्‍से़ यहुदि ये़जुम्‍भो युङ्‌मा मे़उःत्तुसि॥ हे़क्‍क्‍याङ् खे़ङ्‌हाॽरे़ आल्‍ल आनिॽ थे आजोगुम्‍बाबे? लॽरिक् सेःन्‍मे़दोसुसि॥ कन् मनाःल्‍ले़ग यरिक् निङ्‌वाॽ के़माबा मिक्‍सेःन्‍हाॽ चोगुर वाॽरो॥

युहुन्‍ना 12:18

खुने़ॽ अक्‍तङ्‌बा निङ्‌वाॽ के़माबा याःम्‍बक् चोगुआङ् वाॽरो लॽरिक् मे़घे़प्‍सुबाल्‍ले़ चोगुल्‍ले़ यरिक् मनाहाॽ खुने़ॽ कुदुम्‍से़ मे़बेआङ् मे़वये़रो॥

युहुन्‍ना 12:37

ये़सुरे़ यरिक् मनाहाॽरे़ खुनिॽ तगि कम्‍म्‍याक् यरिक् निङ्‌वाॽ के़माबा मिक्‍सेःन्‍हाॽ चोगुसाङ् खे़ङ्‌हाॽरे़ खुने़ॽ नसान् मे़न्‍जोगुन्‍लो॥

युहुन्‍ना 20:30

ये़सुरे़ कन् साप्‍पन्‍नो साप्‍ते़आङ् के़बप्‍पान्‍नुःल्‍ले़आङ् यरिक् निङ्‌वाॽ के़माबा मिक्‍सेःन्‍हाॽ कुहुॽसाम्‍बाहाॽरे़ खुनिॽ तगि चोगुआङ् वये़॥