युहुन्‍ना 4:1 - लिम्‍बु

^1-3 ये़सुरे़ युहुन्‍नाःन्‍नुःल्‍ले़आङ् यरिक् हुॽसाम्‍बाहाॽ चोगुसिआङ् बप्‍तिस्‍मा पिरुसिर याक् के़लॽबा पाःन्‍निन् फरिसिहाॽरे़ मे़घे़प्‍सु॥ (हे़क्‍केसाङ् ये़सुरे़ग मेःन्, कर कुहुॽसाम्‍बाहाॽरे़रक् बप्‍तिस्‍मा मे़बिरुसिर मे़यागे़रो॥) ये़सुरे़ कन् पाःन्‍निन् निङ्‌वाॽ खोसुआङ् खुने़ॽ यहुदिया थुम्‍लाम् गालिल थुम् ले़प्‍माङ् याम्‍मो नुःक्‍खे़ पेरो॥

युहुन्‍ना 4:1 Referans Kwoze

युहुन्‍ना 3:26

युहुन्‍नारे़ कुहुॽसाम्‍बाहाॽ मे़द्‌ये़आङ् खुने़ॽ मे़मे़त्तु, “सिक्‍साम्‍बे, यर्दन यङ्‌घङ्‌ङिल्‍ले़ नाधाःम्‍बि खे़ने़ॽनु के़वाॽबाल्‍ले़ कुयाःम्‍बेओ खे़ने़ॽ तोःन्‍दि के़बिरुबा मनाःल्‍ले़ बप्‍तिस्‍मा पिरुसिर याक्‍लो॥ आनिॽओ के़रे़क् मनाहाॽ तामारे़ कुले़क्‌वा खुने़ॽओ मे़बेःक्‍ल मे़बत्‍लो॥”

युहुन्‍ना 3:22

खे़न् एगाङ् ये़सुन् नु कुहुॽसाम्‍बाहाॽ यरुसले़मलाम्‍बा यहुदिया थुम् कब्रिङ्‌बा लाजेॽओ मे़बे हे़क्‍क्‍याङ् खे़प्‍मो खुने़ॽ मनाहाॽ बप्‍तिस्‍मा पिरुसिरो॥

२ कोरन्‍थि 4:5

थेआङ्‌भे़ल्‍ले़ आनिगे़ग आबाङे याःम्‍बेओ इङ्‌भन्‌ मे़जोगुम्‍बे़न्, कर आनिगे़ग ये़सुरे़ कुलागि खिनिॽ से़वारोबा पोःक्‍खिगे़बा पाःन्‍निन् नु ये़सु ख्रिस्‍ते़न्‍ने दाङ्‌बारो फाॽआङ् इङ्‌भोसुम्‍बे़रो॥

१ कोरन्‍थि 15:47

थिक्‍सिगेक्‍पा मनाःङ्‌ग खाम्‍बेःक्‍मोबा खाम्‍लाम्‍बा चोगे़आङ् वये़, कर निसिगेःक्‍समा मनाःङ्‌ग साङ्‌ग्राम्‍पेदाङ्‌लाम्‍बाबारो॥

१ कोरन्‍थि 2:8

कन् इक्‍सादिङ् खाम्‍बेःक्‍मोबा हाङ्‌गे़जोःक्‍पा आत्तिन्‍हाॽरे़आङ् कन् पाःन्‍निन् कुसिङ् मे़न्‍निःत्तुन्‍लो॥ खे़ङ्‌हाॽरे़ कुसिङ् मे़निःत्तुआङ् मे़वये़ल्‍ले़ग मिमिदिङ्‌गे़न् दाङ्‌बान् सिलाम्‍साक्‍मा सिङ्‌सम्‍दाङ् मे़म्‍भोःन्‍दुम्‍बा वये़मे़न्॥

सेःक्‌युक्‍मिबाहाॽ 10:36

आल्‍ल निङ्‌वाॽफुमाङ्‌ङिल्‍ले़ सनारुङ्‌ले़न् सुनाइङ्‌ङिन् काक् इस्राइलिहाॽरो पाङ्‌घुरो॥ खे़न् सुनाइङ्‌ङिङ्‌ग यहुदिहाॽरे़न्‍लक् मेःन्, कर आनिॽ के़रे़क्‍ले़ लागि दाङ्‌बा ये़सु ख्रिस्‍तलाम् त्‍ये़आङ् वाॽरो॥

सुफो 19:16

हे़क्‍क्‍याङ् खुने़ॽ कुदेःत्तो नु कुसे़बङ्‌बो हाङ्‌हाॽरे़ खुनिॽ हाङ् नु दाङ्‌बाहाॽरे़ खुनिॽ दाङ्‌बा लॽरिक् साप्‍ते़आङ् पत्‍छे़॥

याकुब 2:1

आमिःम् फुॽनुसाॽ नु ने़ॽनुसाॽसे, मिमिदिङ्‌गे़न् आनिॽ दाङ्‌बा ये़सु ख्रिस्‍ते़न् नसान् के़जोःक्‍पा मनाहाॽरे़ग वेॽ मनाहाॽ से़म्‍मासि मे़नुॽने़न्‍लो॥

लुका 2:11

थेआङ्‌भे़ल्‍ले़ आइन् दाउदरे़ कुबाङ्‌जुम्‍मो खिनिॽ लागि से़न्‍लप्‍दाङ्‌बान् सावाःन्‍छिङ्‌ङाङ् वाॽ॥ खुने़ॽए निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍त दाङ्‌बारो॥

लुका 19:34

हे़क्‍केःल्‍ले़ खे़ङ्‌हाॽरे़ नोगप् पिरे़त्‍छु, “कङ्‌ग दाङ्‌बान् चाहाबा चोगे़आङ् वाॽरो॥”

लुका 19:31

मनाहाॽरे़ थेआङ् कन् अदङ्‌सान् के़ले़त्‍छुबाबे फाॽआङ् सेःन्‍गे़म्‍लाप्‍सिने़ फाॽग्र कङ्‌ग दाङ्‌बान् चाहाबा चोगे़आङ् वाॽ फाॽआङ् मे़त्ते़से़ॽओ॥”

लुका 1:76

“आस्‍साए, खे़ने़ॽ के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ङिल्‍ले़न् माङ्‌निङ्‌वाॽपान् के़बाःप्‍पा के़म्‍मे़त्‍लो॥ थेआङ्‌भे़ल्‍ले़ खे़ने़ॽ दाङ्‌बाल्‍ले़ कुदगि लाम् यारिप् चोःक्‍से़ के़बेःक्‍लो॥

लुका 7:13

ये़सुरे़ खे़न् मेमेदुमान् ओमे़त्तुल्‍ले़ कुलुङ्‌माॽ सियोन योःन्‍दे़आङ् खे़ने़ॽ मे़हाबे़न्‍ने़ॽओ मे़त्तुर आःन्‍छिङ्‌मा पिरुरो॥

लुका 7:19

हे़क्‍क्‍याङ् ने़प्‍फु कुहुॽसाम्‍बाहाॽ उःत्तुसिआङ् दाङ्‌बाल्‍लो कन् इङ्‌घङ्‌ङिन् हाङुदेसु “आल्‍ल के़दाबा ख्रिस्‍ते़न् बा खे़ने़ॽएबि? इ आनिगे वेॽसमा हाङ्‌घुम्‍बे़बाबि?”

१ कोरन्‍थि 1:17

थेआङ्‌भे़ल्‍ले़ ख्रिस्‍तरे़ इङ्‌गाॽ बप्‍तिस्‍मा पिसे़ पाङ्‌घाङ्‌बा मेःन्‍लो कर सुनाइङ् इङ्‌भोसे़ने़ पाङ्‌घाङ्‌बारो॥ खे़न्‍नाङ् मे़न्‍छाम् याप्‍मि सिक्‍कुम् निङ्‌वाॽओबा पाःन्‍सुत्‍लाहाॽओग मेःन्‍लो, मेःन्‍ने फाॽग्र ख्रिस्‍तरे़ कुसिलाम्‍साक्‍मा सिङ्‌ङिन् मुक्‍साम् मेःन्‍नेबा पोङ्‌लो॥