युहुन्‍ना 3:4 - लिम्‍बु

⁴ हे़क्‍केःल्‍ले़ निकोदेमसरे़ कुनिङ्‌वाॽ मये़र सेःन्‍दोसु, “मे़ःम्‍बे़, आक्‍खेलॽरिक् खदाक्‍मि याप्‍मिन् याम्‍मो सावाःन्‍छिङ्‌बे? खे़न् से़क्‍खाए कुम्‍मारे़ कुसाप्‍पोक् सिगाङ् याम्‍मो लाःत्ताङ् सावाःन्‍छिङ्‌मा सुक्‍पि?”

युहुन्‍ना 3:4 Referans Kwoze

१ कोरन्‍थि 2:14

नसान् मे़न्‍जोःक्‍मनाबा मनाःल्‍ले़ निङ्‌वाॽफुमाङ्‌ङिल्‍ले़ कुसेसेमाङ्‌लाम् के़दाबा पाःन्‍हाॽ मे़दाःक्‍तुन्‍लो॥ खे़ङ्‌हाॽग खुने़ॽ कुलागि अदङ्‌पान् पोङ्‌ङाङ् कुसिङ् निःप्‍मा मे़सुक्‍तुन्‍लो, थेआङ्‌भे़ल्‍ले़ याम्‍साम्‍गे़न् पाःन्‍हाॽग सेसेमाङ्‌लाम्‌रक् कुसिङ् निःप्‍मा सुक्‍ते़त्‍लो॥

१ कोरन्‍थि 1:18

सिलाम्‍साक्‍मा सिङ्‌ङिल्‍ले़न् सुनाइङ्‌ङिङ्‌ग के़मे़क्‍पार के़बेःक्‍पाहाॽरे़ खुनिॽ लागि अदङ् पाःन्‍लो, कर आनिॽ से़न्‍लप् के़घोबार के़बप्‍पाहाॽरे़ लागिग निङ्‌वाॽफुमाङ्‌ङिल्‍ले़ कुमुक्‍साम्‍लो॥

युहुन्‍ना 3:3

ये़सुरे़ खे़न् मे़त्तु, “इङ्‌गाॽ से़क्‍खाए मे़त्‍ने़ॽ, याम्‍मो सामे़न्‌वाःन्‍छिङ्‌ङे थारिक् आत्तिल्‍ले़आङ् निङ्‌वाॽफु हाङ्‌जुम्‍मिन् निमा मे़सुक्‍तुन्‍लो॥”

युहुन्‍ना 6:53

हे़क्‍केःल्‍ले़ ये़सुरे़ खे़ङ्‌हाॽ मे़त्तुसि, “इङ्‌गाॽ से़क्‍खाए मे़त्‍निङ्, मे़न्‍छाम्‍साःल्‍ले़ कुधक्‍किन् मे़न्‍जाए नु कुमाक्‍खिॽइन् मे़न्‍धुङ्‌ङे थारिक् खिनिॽओ मे़न्‍नुप्‍मनाबा हिङ्‌मन् मे़वाॽने़न्‍लो॥

युहुन्‍ना 6:60

कन् पाःन्‍निन् मे़घे़प्‍सुआङ् यरिक् हुॽसाम्‍बाहाॽरे़ अक्‍खे मे़बाःत्तु, “कन् पाःन्‍निङ्‌ग के़साक्‍पा निसाम्‍लो॥ कन् हाःत्‍ले़ नाःप्‍मा सुक्‍तुबे?”

युहुन्‍ना 3:5

ये़सुरे़ नोगप् पिरु, “इङ्‌गाॽ से़क्‍खाए मे़त्‍ने़ॽ, च्‍वाःत् नु सेसेमाङ्‌लाम्‍बा सामे़न्‌वाःन्‍छिङ्‌ङे थारिक् निङ्‌वाॽफुहाङ्‌जुम्‍मो आत्तिन्‍नाङ्‌ लाःप्‍मा मे़सुक्‍ने़न्‍लो॥