युहुन्ना 3:2 - लिम्बु2 थिक् से़न्दिक् खे़न् ये़सुरे़ कुदुम्से़ पेआङ् मे़त्तु, “सिक्साम्बे, खे़ने़ॽग निङ्वाॽफुमाङ्लाम्मे के़द्ये़बारो फाॽआङ् आनिगे कुसिङ् निःत्तुम्बे़रो॥ थेआङ्भे़ल्ले़ खे़ने़ॽ के़जोगुबा निङ्वाॽ के़माबा याःम्बक्हाॽग आत्तिन् मनाःल्ले़आङ् खुने़ॽनु निङ्वाॽफुमाङ्ङिन् मे़वाॽने़न्निल्ले़ग हे़क्के चोःक्मा मे़सुक्तुन्लो॥” Gade chapit la |
युहुन्ना 3:2
30 Referans Kwoze
कुभा फरिसिहाॽरे़ अक्खे मे़बाःत्तु, “कन् ये़सु मे़प्मनाबाङ्ग निङ्वाॽफुमाङ्लाम् त्ये़बा मेःन्लो, थेआङ्भे़ल्ले़ खुने़ॽ नाःम्सिङ् ये़न्नो याःम्बक् चोक्॥” कर वेॽहाॽरे़ मे़बाःत्तु, “लायोबा मनाःल्ले़ आक्खेलॽरिक् निङ्वाॽ के़माबा याःम्बक् चोःक्मा सुक्तुबे?” हे़क्केलॽरिक् खे़ङ्हाॽरे़ खुनिॽ निङ्वाॽ मे़दङे़न्नाङ् मे़से़रे़रो॥
फरिसिहाॽरे़ खुनिॽ हुॽसाम्बाहाॽ हे़रोद हाङ्ङिल्ले़ कुमनाहाॽनु ये़सुरो मे़बाङ्घुसि॥ खे़ङ्हाॽरे़ ये़सुन् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःप्पे़न् आनिगे निसुम्बे़रो॥ हे़क्क्याङ् निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ खे़ने़ॽ मनाहाॽरे़ खुनिॽ पाःन्नो के़म्बत्ने़न्, हे़क्क्याङ् मनाआङ् के़न्छे़न्दुन्छिन्॥
इङ्गाॽ वेॽहाॽरे़ चोःक्मा मे़न्छुक्तुन्बा याःम्बक् चोगुङ्॥ खे़ङ्हाॽरे़ खे़न् पाःन्हाॽ मे़न्निसुन्निल्ले़ग खे़ङ्हाॽ लायोरे़ आप्तिक् के़घोबा मे़म्बोःक्खे़म्बा वये़रो॥ कर खे़ङ्हाॽरे़ग निङ्वाॽ के़माबा मिक्सेन् मे़निसुआङ् मे़वाॽसाङ् पानुदिङ् आम्बा नु इङ्गाॽ ने़प्माङ् मे़जिःत्ते़त्छिगे़आङ् वाॽरो॥
खे़ङ्हाॽ मे़द्ये़आङ् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःत्लो॥ खे़ने़ॽग मनाहाॽरे़ खुनिॽ पाःन्नोआङ् के़म्बत्ने़न्, हे़क्क्याङ् आत्तिन् मनाहाॽआङ् के़न्छे़न्दुन्छिन्॥ खे़ने़ॽग निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ हे़क्केःल्ले़ कन् पाःन्निन् ओमे़त्ते़ॽ रोमि पयम् हाङ् सिजरे़न् एःङ्याङ् हुङ्मा आनिॽ साम्योथिम्मिल्ले़ आबिॽबि आम्बिने़न्बि?”
Piblisite