युहुन्‍ना 2:4 - लिम्‍बु

⁴ हे़क्‍केःल्‍ले़ ये़सुरे़ नोगप् पिरु, “थामे़रा मे़न्‍छुमाए, थेआङ् कन् पाःन्‍निन् इङ्‌गाॽ के़मे़त्ताबाबे? थेआङ्‌भे़ल्‍ले़ इङ्‌गाॽ आयाःम्‍बक् चोःक्‍मा ये़म्‍मिन् आल्‍ल थारिक् मे़न्‍दाए वाॽरो॥”

युहुन्‍ना 2:4 Referans Kwoze

युहुन्‍ना 7:6

ये़सुरे़ नोगप् पिरुसि, “इङ्‌गाॽ आये़म्‍मिन् मे़न्‍दाए वाॽरो॥ खिनिॽग आप्‍फाल्‍ले़साङ् पेःक्‍मा के़सुक्‍तिॽरो,

युहुन्‍ना 13:1

आल्‍ल यहुदि चोःक्‌युम्‍भो तङ्‌नाम्‌रे़न् थिक्‌ये़न् तगि ये़सुरे़ कन् इक्‍सादिङ् खाम्‍बेःक्‍मान् ले़प्‍माआङ् पानुदिङ् पाःल्‍लो पेःक्‍मा ये़म् त्‍ये़ के़लॽबा पाःन्‍निन् निसुरो॥ खुने़ॽ इक्‍सादिङ् खाम्‍बेःक्‍मो कुहुॽसाम्‍बाहाॽ लुङ्‌माॽ तुक्‍तुसिआङ् वये़ हे़क्‍क्‍याङ् खे़ङ्‌हाॽ कुनुप्‍मो थारिक्‍के साॽरिक् लुङ्‌माॽ तुक्‍तुसिॽरो॥

युहुन्‍ना 8:20

ये़सुरे़ कन् पाःन्‍हाॽ माङ्‌हिम्‍मो हुक्‍सोयाङ् याक्‍मनाबादे़न्‍निल्‍ले़ कुबेसाङ् निसाम् हुॽरुसिर पत्‍छे़ल्‍ले़ पाःत्तुबारो, कर खुने़ॽग आत्तिन्‍हाॽरे़आङ् मे़न्‍दे़म्‍सुन्‍लो थेआङ्‌भे़ल्‍ले़ खुने़ॽ कुये़म् मे़न्‍दाए वये़रो॥

युहुन्‍ना 7:30

ये़सुरे़ अक्‍खेलॽरिक् पाःत्तुल्‍ले़ मनाहाॽरे़ खुने़ॽ ते़म्‍मा मे़गोःत्तु, कर आत्तिन्‍हाॽरे़आङ् खुने़ॽ मे़न्‍छुस्‍सुन्‍लो, थेआङ्‌भे़ल्‍ले़ खुने़ॽ कुये़म्‍मिन् मे़ङ्‌गे़त्ते वये़रो॥

युहुन्‍ना 12:23

ये़सुरे़ पाःत्तु, “मे़न्‍छाम्‍साःल्‍ले़ कुमिमिदिङ् पोङ्‌मा ये़म् त्‍ये़आङ् वाॽरो॥

खाहुन्‍साबा 3:1

के़रे़क् पाःन्‍हाॽरे़ लागि ये़म् वाॽरो, हे़क्‍क्‍याङ् ताङ्‌साङ्‌बे़ल्‍ले़ कुसिङ्‌गाङ् के़रे़क् याःम्‍बक्‍हाॽरे़ लागि वाहिक्‍नाम्‌ वाॽरो॥

मत्ति 8:29

खे़ङ्‌हाॽ अक्‍खेलॽरिक् अःक्‍ते़त्‍छि, “निङ्‌वाॽफुसाए, खे़ने़ॽ आन्‍छिगे़नु थे के़गोःत्तुबाबे? खासे़न् ये़म्‍मिन्‍ने मे़न्‍दाए आन्‍छिगे तुक्‍खे चाःत्‍छे़ कप्‍मो के़द्‌ये़बाबि?”

२ सामुए़ल 19:22

दाउदरे़ पाःत्तु, “सरुयाहरे़ कुस्‍सासे, खिनिॽ पाःप्‍मा पान् थेआङ् होप्, खे़निॽ आदक्‍ले़ङ्‌वाओ के़बोगिर के़बत्‍छिॽ॥ आइन् इस्राइलओ आत्तिन् मनाःन्‍नाङ् सिमा मे़नुॽने़न्, आइन् आङ्‌गाॽ याम्‍मो इस्राइलबा हाङ् पोःक्‍खाङ् के़लॽबान् मे़निआन्‍बि?”

२ सामुए़ल 16:10

कर हाङ्‌ङिल्‍ले़ मे़त्तु, “सरुयाहरे़ कुस्‍सासे, खिनिॽ पाःप्‍मा पान् थेआङ् होप्, यहवे दाङ्‌बे़ल्‍ले़ दाउदे़न् साक्‍मुरा मे़त्ते़ॽ मे़त्तुआङ् वाॽने़भग्र हाःत्‍ले़ साक्‍मा सुक्‍तुबे?”

युहुन्‍ना 20:15

ये़सुरे़ खे़न् मे़त्तु, “मामुए, खे़ने़ॽ थेआङ् के़हाःप्‍पाबे? हात् के़गोःत्तुबाबे?” मरियमरे़ खुने़ॽग फुङ्‌इक् के़गोबाबिला लॽरिक् निङ्‌वाॽ इतुआङ् मे़त्तु, “आदाङ्‌बे, दाङ्‌बाल्‍ले़ कुधक्‍किन् कप्‍मोलाम् के़देॽरुआङ् वाॽने़ फाॽग्र आत्तान् के़ने़स्‍सुआङ् ने़ःॽ इङ्‌गाॽ मे़त्ताङ्‌ङे़ॽना, हे़क्‍क्‍याङ् कुधक्‍किन् इङ्‌गाॽ तेॽरुङ्‌लो॥”

युहुन्‍ना 20:13

खे़न् माङ्‌लाइङ्‌बाहाॽरे़ खुने़ॽ सेःन्‍दोसे़त्‍छु, “खे़ने़ॽ थेआङ् के़हाःप्‍पाबे?” खे़ल्‍ले़ खे़ङ्‌हाॽ मे़त्तुसि, “इङ्‌गाॽ आदाङ्‌बाल्‍ले़ कुधक्‍किन् कप्‍मोलाम् खे़ङ्‌हाॽरे़ मे़देॽरुरो हे़क्‍क्‍याङ् आत्तान् मे़ने़स्‍सुआङ् ने़इ इङ्‌गाॽ मे़निआन्‍लो॥”

लुका 2:49

ये़सुरे़ सेःन्‍दोसुसि, “पानुदिङ् आम्‍बौ आम्‍मौ, थेआङ् याप्‍मि के़गोःत्‍छिबाबे? इङ्‌गाॽ पानुदिङ् आम्‍बारे़ कुहिम्‍मो वाॽमा पोङ् फाॽआङ् खिन्‍छिॽ के़न्‍निसे़त्‍छुन्‍बि?”

मत्ति 15:28

ये़सुरे़ खे़न् मे़न्‍छुमाॽइन् नोगप् पिरु, “खे़ने़ॽग से़क्‍खाए यम्‍बा नसान् के़गप्‍मा मे़न्‍छुमाॽने़न्‍ने़रो! खे़ने़ॽ के़नाःक्‍तुबे़न् के़घोसुॽरो॥” हे़क्‍क्‍याङ् बा खे़न् ये़म्‍मो खे़न् मे़न्‍छुमाॽइल्‍ले़ कुस्‍सा चुक्‍मे़न् नुःरे़रो॥

साम्‌योथिम् इङ् 33:9

खे़ल्‍ले़ पानुदिङ् कुम्‍बा मानुदिङ् कुम्‍मानुःल्‍ले़ यरिक्, खुने़ॽ कुम्‍भुॽ नु कुन्‍साॽहाॽनुःल्‍ले़ यरिक्, हे़क्‍क्‍याङ् खुने़ॽ कुस्‍सा कुएहाॽनुःल्‍ले़ यरिक् आदाङ्‌बा माङ्‌से़वा के़मे़त्ते़रो॥ खे़ल्‍ले़ आदाङ्‌बारे़ के़इङ्‌जाङ्‌हाॽ इःत्तु नाःत्तुरो, खे़ब्‍याङ् आदाङ्‌बारे़ के़माङ्‌हुप्‍पो नसाःन्‍साबा पोःक्‍खे़रो॥

२ कोरन्‍थि 5:16

खे़ल्‍ले़चोगुल्‍ले़, आल्‍लआङ्‌धो आनिगे मे़न्‍छाम् याप्‍मि निमोलाम् आत्तिन्‍नाङ्‌ ओमे़मे़त्तुम्‍बे़न्‍लो॥ तगि हे़क्‍केलॽरिक्‍के ख्रिस्‍ते़न् ओमे़त्तुम्‍बे़आङ् वयिगे़साङ् आल्‍ल आनिगे हे़क्‍के मे़जोगुम्‍बे़न्‍लो॥

१ हाङ् 17:18

खे़ब्‍याङ् खे़न् मे़न्‍छुमाःल्‍ले़ एलियान् मे़त्तु, “निङ्‌वाॽफुमाङ्‌ङिल्‍ले़ कुमनाए, खे़ने़ॽ आङ्‌गाॽ आदक्‍ले़ङ्‌वाओ थे़मा पान् के़गत्तुबे? थे खे़ने़ॽ कॽयो आङ्‌गाॽ आलायोन् निङ्‌वाॽसुम् के़दाराङ् के़बिराङ्‌ङाङ् आङ्‌गाॽ आस्‍सान् से़त्‍छे़ के़द्‌ये़बाबि?”

युहुन्‍ना 2:3

खे़न् ते़न्‍धाम्‍गे़न् मेःक्‍खिम्‍मो चे़ल्‍ले़क्‍सेॽ थिन् माःरे़ल्‍ले़ ये़सुरे़ कुम्‍मा पेआङ् ये़सुन् मे़त्तु, “आल्‍ल खे़ङ्‌हाॽरे़ चे़ल्‍ले़क्‍सेॽ थिन् मिःसाक्‍काङ् मे़ङ्‌गत्तुन्‍लो॥”

युहुन्‍ना 7:8

तङ्‌नाम्‍मो खिनिॽ थो यरुसले़म्‍मो पेगे़म्‍मे़ॽओ॥ इङ्‌गाॽ आल्‍लो मे़बेःक्‍कान्, थेआङ्‌भे़ल्‍ले़ इङ्‌गाॽ आये़म्‍मिन् मे़न्‍दाए वाॽरो॥”