युहुन्‍ना 19:2 - लिम्‍बु

² थक्‍सुबाहाॽरे़ तिङ्‌ग्रेक्‍ले़न् तिचः मे़भयुआङ् ये़सुन् मे़घुःक्‍तु॥ हे़क्‍क्‍याङ् खे़ङ्‌हाॽरे़ खुने़ॽ परान्‍ला हाङ्‌तेत्तिन् मे़जाक्‍तुर

युहुन्‍ना 19:2 Referans Kwoze

लुका 23:11

हे़रोदे़न नु कुधक्‍सुबाहाॽरे़ ये़सुन् किनाःन्‍दि मे़बिरुर कुजाःत्‍थि मे़देसु, हे़क्‍क्‍याङ् परान्‍ला हाङ्‌तेत्तिन् मे़जाक्‍तु मे़बिरुआङ् याङ्‌ना पिलातसरो मे़बाङ्‌घु मे़देसुरो॥

यसैया 53:3

खुने़ॽ मनाहाॽरे़ मे़जिःत्तुआङ् वये़रो हे़क्‍क्‍याङ् मे़नाॽरुरो, खुने़ॽ तुक्‍खे नु ये़त्तुक्‍खेहाॽ थरुरो॥ हाःत्‍ले़आङ् खुने़ॽ ओमे़मे़त्तुल्‍लो, आनिगे खुने़ॽ थे हे़क्‍तङ्‌बाआङ् मे़लेःत्तुम्‍बे़ल्‍लो॥

निङ्‌वाॽफु साम्‍लोसुम् 22:6

कर आङ्‌गाॽग मनाआ मे़न्‍आ कर फेॽबात् हे़क्‍तङ्‌बाआरक्‍लो, के़रे़क् मनाहाॽरे़ आङ्‌गाॽ नामे़न्‍छाॽआन् हे़क्‍क्‍याङ् हिनाःम् मे़मे़त्तारो॥

युहुन्‍ना 19:5

हे़क्‍क्‍याङ् तिङ्‌ग्रेक् तिचःन् मे़घुःक्‍तुबा नु परान्‍ला हाङ्‌तेत्तिन् मे़जाक्‍तुबा ये़सुन् लाःक्‍कात् मे़लःत्तुरो॥ हे़क्‍क्‍याङ् पिलातसरे़ मे़त्तुसि, “खा, कन् मनान् ओमे़त्ते़म्‍मे़ॽ!”

यसैया 49:7

युक्‍साबाहाॽरे़ खुन्‍छिॽ से़वारोबा, सुवाङ्‌हाॽरे़ साॽरिक् कुनामे़न्‍छाॽरुम्‍बा नु मे़जिःत्तुबान्, यहवे दाङ्‌बा, के़धे़ॽबा नु इस्राइलबा निङ्‌वाॽफुमाङ्‌ङिल्‍ले़ खे़न् मे़त्तुरो, “हाङ्‌हाॽरे़ खे़ने़ॽ के़म्‍नि हे़क्‍क्‍याङ् मे़बोःक्‍काङ् मे़ये़प्‍लो॥ हाङ्‌साहाॽरे़ खे़ने़ॽ के़म्‍निरो खे़ब्‍याङ् के़दगि साम्‍बोन् हबत् मे़भन्‍छिङ्‌लो॥ थेआङ्‌भे़ल्‍ले़ नसाःन्‍साबा यहवे दाङ्‌बा, इस्राइलबा सेसे निङ्‌वाॽफुमाङ्‌ङिल्‍ले़ खे़ने़ॽ के़सेगे़आङ् वाॽरो॥”