युहुन्‍ना 1:49 - लिम्‍बु

⁴⁹ नाथाने़लरे़ नोगप् पिरु, “सिक्‍साम्‍बे, खे़ने़ॽग निङ्‌वाॽफुसाने़रो, खे़ने़ॽग इस्राइलबा हाङ्‌ने़रो॥”

युहुन्‍ना 1:49 Referans Kwoze

युहुन्‍ना 1:34

हे़क्‍क्‍याङ् कन् पाःन्‍हाॽ ये़सुओ पोःक्‍खे़बा निसुङ्‌ङाङ् खुने़ॽए निङ्‌वाॽफुमाङ्‌ङिल्‍ले़ कुस्‍सा फाॽआङ् कुसिङ् निःत्तुङ्‌ङाङ् मनाहाॽ तोःन्‍दि पिरुङ्‌सिङ्‌लो॥”

जकरिया 9:9

यहवे दाङ्‌बे़ल्‍ले़ पाःत्तुॽ, “सियाेनरे़ कुस्‍सा मे़न्‍छुमाए, साॽरिक् सःत्ते़ॽओ! यरुसले़मरे़ कुस्‍सा मे़न्‍छुमाए, खे़ने़ॽ साॽरिक् अःक्‍ते़ॽओ! ओमे़त्ते़ॽ, खे़ने़ॽ के़हाङ्‌ङिन् खे़ने़ॽओ तार पत्‍लो, खुने़ॽग से़न्‍लप्‍दाङ्‌बा नु साम्‌योबा चोक्‍लो, खुने़ॽ नःम्‍नःम्‍बा चोक् हे़क्‍क्‍याङ् अदङ् सम्‍धाङ् अदङ्‌ङिल्‍ले़ कुस्‍सा लत्‍छा अदङ्‌साःत्तिन् युक्‍तुआङ् तार पत्‍लो॥

सपन्‍याह 3:15

खिनिॽ खुम्‍दिङ्‌ङिन् यहवे दाङ्‌बे़ल्‍ले़ खे़त्तुआङ् वाॽरो, खिनिॽ निङ्‌मिहाॽ पाङ्‌घुदेसुसिआङ् वाॽरो॥ यहवे दाङ्‌बा, इस्राइलबा हाङ्‌ङिन्, खिनिॽनु वाॽरो, आल्‍लआङ्‌धो याम्‍मो आभे़ल्‍ले़आङ् आत्तिन् ताप्‍फे़ःम्‍बा पाःन्‍नोआङ् किमा मे़बोङ्‌ने़न्‍लो॥

लुका 19:38

“यहवे दाङ्‌बाल्‍ले़ कुमिङ्‌ङो के़दाबा हाङ्‌ङिन् मुॽइसाबा पोङ्‌लरो॥ साङ्‌ग्राम्‍पेदाङ्‌ङो सनारुङ् पोङ्‌लरो, निङ्‌वाॽफुमाङ्‌ङिल्‍ले़ कुमिमिदिङ् पोङ्‌लरो॥”

मत्ति 27:42

खे़ङ्‌हाॽरे़ मे़बाःत्तु, “खे़ल्‍ले़ग वेॽहाॽ ताङ्‌से़ःप्‍तुसि, कर आबाङे ताङ्‌से़ःप्‍सिङ्‌मा मे़सुक्‍ते़न्‍लो॥ खुने़ॽग इस्राइलसमा हाङ्‌मु! हाराॽ खुने़ॽ सिलाम्‍साक्‍मा सिङ्‌ङोलाम् यो थार, हे़क्‍क्‍याङ् आनिगे खुने़ॽ नसान् चोगुम्‍बे़ॽरो॥

मत्ति 21:5

“यरुसले़मसमा मनाहाॽ मे़त्ते़से़ॽ, खिनिॽ पयम् हाङ्‌ङिन् खिनिॽओ तार पत्, खुने़ॽग चुङ्‌जिगे़न् नःम्‍सिङ्‌ङाङ् अदङ्‌सान् युक्‍तुआङ् ताः, खुने़ॽग अदङ्‌साःन्‍ने युक्‍तुआङ् तार पत्‍लो॥”

मत्ति 2:2

अक्‍खेलॽरिक् पान् सेःन्‍मे़दोसु, “यहुदिहाॽरे़ खुनिॽ हाङ् के़बोङ्‌बाआङ् सागे़वाःन्‍छिङ्‌बान् आत्तो वाॽबे? आनिगे नाम्‍गे़न् पिसाङ् कुसावाःन्‍छिङ्‌माल्‍ले़न् मिक्‍सेन् के़बिबा खेःम्‍सिक्‍किन् निसुम्‍बे़आङ् खुने़ॽ कुसे़वा चोःक्‍से़ त्‍ये़ॽइगे़बारो॥”

युहुन्‍ना 1:38

ये़सुन् एगाङ् हिसिङ्‌ङिल्‍ले़ खे़ङ्‌हाॽ कुएगाङ् फे़रे़त्‍छिबा निसुसिआङ् सेःन्‍दोसुसि, “खिन्‍छिॽ थे़माःन् के़गोःत्‍छुर के़वाॽसिबाबे?” खे़ङ्‌हाॽरे़ नोगप् पिरे़त्‍छु, “रब्‍बि (खे़न् फाॽइङ्‌ग ‘सिक्‍साम्‍बे’ पोङ्‌लो) खे़ने़ॽ आत्तो के़याःक्‍पे?”

मत्ति 27:11

आल्‍ल ये़सुन् रोमि सुहाङ्‌गे़म्‍बा पिलातसरे़ कुदगि ये़बे़ल्‍ले़ सुहाङ्‌गे़म्‍बे़ल्‍ले़ खुने़ॽ सेःन्‍दोसु, “से़क्‍खा खे़ने़ॽ यहुदि हाङ्‌ने़बि?” ये़सुरे़ नोगप् पिरु, “खे़ङ्‌ग खे़ने़ॽए के़बाःत्तुर के़बत्‍लो॥”

मत्ति 14:33

कुहुॽसाम्‍बाहाॽरे़ खुने़ॽ से़वा मे़जोगु, “दाङ्‌बे, खे़ने़ॽग से़क्‍खाए निङ्‌वाॽफुसाने़रो!”

युहुन्‍ना 18:37

पिलातसरे़ मे़त्तु, “हे़क्‍केने़ फाॽग्र खे़ने़ॽ हाङ्‌ने़ए ने़बि?” ये़सुरे़ नोगप् पिरु, “इङ्‌गाॽ हाङ्‌आ फाॽआङ् खे़ने़ॽए के़बाःत्तुॽरो॥ कन् इक्‍सादिङ् खाम्‍बेःक्‍मो से़क्‍खाःल्‍ले़न् तोःन्‍दि पिसे़ इङ्‌गाॽ सावाःन्‍छिङाङ्‌बारो॥ से़क्‍खाओ के़बप्‍पाहाॽरे़ इङ्‌गाॽ आबाःन्‍निन् मे़घे़प्‍सुॽरो॥”

युहुन्‍ना 1:18

निङ्‌वाॽफुमाङ्‌ङिङ्‌ग आत्तिल्‍ले़आङ् आप्‍फाल्‍ले़आङ् मे़न्‍निए वाॽरो, कर पानुदिङ् पा निङ्‌वाॽफुमाङ्‌ङिन्‍नु सोरिक् के़वाॽबा थिक्‍लक् कुस्‍साःल्‍ले़ निङ्‌वाॽफुमाङ्‌ङिन् ओसेःन्‍दाङ् चोगुआङ् वाॽरो॥

मिका 5:2

“कर बेथले़हे़म एप्राताए, खे़ने़ॽ यहुदा थाःक्‍हाॽओ चुक्‍सा के़जोःक्‍साङ्, खे़ने़ॽलाम् आलागि मनाधिक् लःन्‍लो, खुने़ॽ इस्राइलबा युक्‍साबा पोङ्‌लो, खुने़ॽ कुहेःक्‍सिङ्‌माङ्‌ग उन्‍छोःन्‍बा ये़म्‍माङ्‌धो, उनाहुरिबा ये़म्‍माङ्‌धोए वाॽरो॥”

होसे 3:5

खे़न् एगाङ् इस्राइलिहाॽ मे़नुःङ्‌ॽ, हे़क्‍क्‍याङ् यहवे दाङ्‌बा खुन्‍छिॽ निङ्‌वाॽफुमाङ्‌ङिन् नु खुन्‍छिॽ हाङ् दाउदे़न् मे़गोःत्तुसिॽ॥ याङ्‌सिबा ये़न्‍हाॽओ खे़ङ्‌हाॽ मे़गिआङ् यहवे दाङ्‌बाओ नु खुने़ॽ कुहाङ्‌वागे़न् मुॽइसाम् ले़प्‍माङ् मे़दारो॥

यसैया 9:7

खुने़ॽ युक् चोगुबा मुक्‍साम्‍मिन् हाबा चक्‍मे़ल्‍लॽए पोआङ् पत्‍लो, खुने़ॽ कुहाङ्‌जुम्‍मो आभे़ल्‍ले़साङ् सनारुङ् नु नुॽमादामा पोङ्‌लो॥ हे़क्‍क्‍याङ् खुने़ॽ कुधाःक् दाउदरे़ कुएगाङ् के़दाबा हाङ्‌ङिङ्‌ग खुने़ॽए पोङ्‌लो॥ खे़ब्‍याङ् कुदोःप्‍मा खासे़न् नु साम्‌योबान् सोरिक् चोगुआङ् हाङ्‌युक् चोगुरो॥ खे़न् ये़म्‍माङ्‌धो सदादिङ्‌ले़ लागि खुने़ॽ हाङ्‌युक् चोगुरो यहवे दाङ्‌बा मुक्‍साम्‍दाङ्‌बे़ल्‍ले़ कुसिक्‍सम्‍मे़ल्‍ले़ कन् पाःन्‍निन् कुलिङ्‌दो के़त्तुरो॥

निङ्‌वाॽफु साम्‍लोसुम् 110:1

यहवे दाङ्‌बे़ल्‍ले़ आन्‍दाङ्‌बान् मे़त्तुरो, “के़निङ्‌मिहाॽ के़युक्‍को मे़न्‍दाःत्‍छिङ्‌ङे थारिक् आङ्‌गाॽ आजुप्‍साङ् ले़प्‍माङ् युङे़ॽओ॥”

दानिए़ल 9:25

कन् पाःन्‍नो निङ्‌वाॽ पिरे़ॽ हे़क्‍क्‍याङ् कुसिङ्‌निःत्ते़ॽ, यरुसले़ःम्‍मिन् याम्‍मो चोःक्‍मा नु याम्‍मो तोःम्‍मारे़ लागि कन् इङ्‌जाङ्‌ङिन् इङ्‌भन्‌ पोःक्‍खे़बा ये़म्‍माङ्‌धो माङ्‌थोःक्‍ना के़बोङ्‌बा मनान्, इग्र युक्‍साबा थिक् मे़न्‍दाए थारिक्, नुसि ‘नुसिहाॽ’ नु तुक्‍पोङ्‌ङाङ् ने़त्‍छि ‘नुसिहाॽ’ पोङ्‌ॽ॥ माराम्‍हाॽ नु ये़क्‌यक् कब्रिङ् पाक्‍लुम् के़लॽबा ते़न्‍हाॽ सोसोरिक् कन् याम्‍मो मे़जोगुॽ, कर तुक्‍खेलाक्‍खेबा ये़म् पोङ्‌ॽ॥

निङ्‌वाॽफु साम्‍लोसुम् 2:6

यहवे दाङ्‌बे़ल्‍ले़ इङ्‌भन्‌ चोगुरो, “आङ्‌गाॽ आहाङ्‌ङिन् आसेसे कोःक्‍मा यरुसले़ःम्‍मो हाङ् चोगुङ्‌ङाङ् वाॽरो॥”

मत्ति 4:3

हे़क्‍क्‍याङ् माफे़न्‍साम्‍मिन् खे़प्‍मो त्‍ये़आङ् खुने़ॽ अक्‍खे मे़त्तुर कुनिङ्‌वाॽ साॽरु, “खे़ने़ॽ निङ्‌वाॽफुसाने़ फाॽग्र कन् लुङ्‌हाॽ खरे़ःङ् पोःक्‍खे़ॽ फाॽआङ् मे़त्ते़ॽ॥”

मत्ति 23:7

हे़क्‍क्‍याङ् पाङ्‌जुम्‍मो मनाहाॽरे़ से़वा मे़मे़त्तुसिबा नु सिक्‍साम्‍बे लॽरिक् मे़मे़त्तुसिबा खुनिॽ सिराॽथाङ्‌लो॥

मत्ति 23:8

कर खिनिॽग आत्तिन्‍हाॽरे़आङ् सिक्‍साम्‍बे लॽरिक् के़मे़म्‍मे़त्तिन्‍लरो, थेआङ्‌भे़ल्‍ले़ खिनिॽग थिक्‍लक् सिक्‍साम्‍बान् के़गत्तुम्‍लो, हे़क्‍क्‍याङ् खिनिॽ के़रे़क्‍क फुॽनुसाॽ नु ने़ॽनुसाॽ हे़क्‍केनिङ्‌लो॥

मर्कुस 15:32

खुने़ॽ से़क्‍खाए इस्राइलसमा हाङ् निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍तने़ फाॽग्र, हाराॽ सिलाम्‍साक्‍मा सिङ्‌सम्‍दाङ्‌नु यो थाःर, हे़क्‍क्‍याङ् खे़न् निसुम्‍बे़आङ् नसान् चोगुम्‍बे़ॽरो॥” खुने़ॽनुए मे़भोःन्‍दुसिबा खे़न् फाःन्‍दाहाॽरे़आङ् खुने़ॽ किनाःन्‍दि पिरे़त्‍छुरो॥

लुका 1:35

माङ्‌लाइङ्‌बाल्‍ले़ नोगप् पिरु, “सेसेमाङ्‌ङिन् के़सम्‍दाङ् ताआङ् के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ङिल्‍ले़ कुमुक्‍साम्‍मिल्‍ले़ के़घुःक्‍लो, हे़क्‍केलॽरिक् खे़ने़ॽओलाम् सागे़वाःन्‍छिङ्‌बाङ्‌ग निङ्‌वाॽफुसा मे़मे़त्तुॽरो॥

युहुन्‍ना 1:50

ये़सुरे़ खे़न् मे़त्तु, “मे़ःम्‍बे़! खे़ने़ॽ पःत्‍छेॽ बुङ्‌मो के़वये़बा निःने़ लॽरिक् मे़त्‍ने़बाल्‍ले़ चोगुल्‍ले़सा नसान् के़जोगुबाबि? कर कन्‍नुःल्‍ले़आङ् यम्‍बा पाःन्‍हाॽ के़निसुॽरो॥”

युहुन्‍ना 4:31

आल्‍ल हुॽसाम्‍बाहाॽरे़ ये़सुन् “‘सिक्‍साम्‍बे, चा चे़ॽओ’” फाॽआङ् पेलि मे़भाक्‍तु॥