कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
यर्मिया 9:6 - लिम्बु6 खे़ङ्हाॽरे़ कुजक्ले़ कुजक् मना तुक्खे मे़जाःत्तुसिरो, लत्छा इङ्ले़क् सम्धाङ् वेॽ इङ्ले़क्किन् मे़योॽरुरो हे़क्क्याङ् आङ्गाॽ कुसिङ् निःप्मा मे़नाॽआ फाॽआङ् यहवे दाङ्बे़ल्ले़ पाःत्तुरो॥ Gade chapit la |
यर्मिया 9:6
21 Referans Kwoze
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
के़रे़क्ले़ मुरा मुसिक् मुसिक् लॽरिक् मे़बाःत्तुबान् खे़प्सुङ्लो, “के़रे़क् पिसाङ् किमा यङ्मारक् वाॽरो, कल्ले़ कुदक्ले़ङ्वाओ आनिॽ सुहाङ्युक्पाहाॽओ लुङ्हाःन्पान् युक्खुम्लो!” आङ्गाॽ कुस्साङ् मे़ल्लःम्मनाबा पोङ्ङाबान् आनिःत्ताङ्बा आन्जुम्हाॽरे़आङ् मे़हाङ्घुर मे़वाॽरो॥ खे़ङ्हाॽरे़ मे़बाःत्तुॽ, “से़क्खाःल्ले़ खे़न् फे़न्पाःन्नो थाबिलारो, हे़क्केःल्ले़ खे़ल्ले़ ताप्फे़ःम्बा कुबाःन्निन् आघोसुम्माङ् खे़न् कुले़क्वा नुःक्मा आसुक्तुम्बिलारो॥”
आङ्गाॽग से़त्छे़ तेॽमनाबा लत्छा कुदोःप्मा थुःम्बा हे़क्के वयाङ्॥ खे़ङ्हाॽरे़ आङ्गाॽ आदक्ले़ङ्वाओ चे़म्भन् मे़जोगुबा फाॽआङ् आङ्गाॽ निङ्वाॽ मे़ङ्घोए वयाङ्॥ खे़ङ्हाॽरे़ अक्खे मे़बाःत्तुर मे़वये़, “खे़न् सिङ्बुङ्मान् कुजाॽनुए ताङुम्माङ् सोःन्दुम्॥ कुहिङ्वे़त्हाॽरे़ खुन्छिॽ लाजेॽलाम्बा खे़न् मे़क्खुम् हे़क्क्याङ् खे़ल्ले़ कुमिङ्ङिन् आत्तिन्हाॽरे़आङ् याम्मो निङ्वाॽसोओ मे़न्इःत्तुन्लरो॥”
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
आङ्गाॽ आबाःन्जाःक्हाॽ खे़म्मा मे़न्दे़म्मनाबा खे़ङ्हाॽरे़ खुन्छिॽ आबाङे पाधे़बाहाॽरे़ खुन्छिॽ लायो लासोत् ले़प्माङ् खे़ङ्हाॽ मे़लासे़आङ् मे़वाॽ॥ खे़ङ्हाॽरे़ कुसिङ् मे़न्निःत्तुन्छिन्बा एयाङ्बा साम्माङ्हाॽ माङ्से़वा मे़मे़त्तुसिआङ् मे़वाॽ॥ इस्राइल नु यहुदा ने़प्माङ्बा मनाहाॽरे़ खे़ङ्हाॽरे़ खुन्छिॽ पाधे़बाहाॽरे़ मे़जोगुबा माङ्हुप्पिन् मे़ङ्गे़त्ते मे़भेःन्दुआङ् वाॽ॥
“एफ्राइमए, आङ्गाॽ खे़ने़ॽ आक्खेलॽरिक् ले़प्मा सुक्ने़ग! इस्राइलए, आक्खेलॽरिक् निङ्मिहाॽरे़ खुन्छिॽ हुक्को थामा सुक्ने़बे? खे़ने़ॽ आभेलॽरिक् अदमान् हे़क्के ले़प्मा सुक्ने़बे? आङ्गाॽ आभेलॽरिक् सबोयिमे़न् हे़क्तङ्बा चोःक्मा सुक्ने़बे! आङ्गाॽ आसिक्लुक्मे़न् आङ्गाॽ आसिगाङ्ङे नुःक्तुङ्ङाङ् वाॽरो॥ आङ्गाॽ साॽरिक् आलुङ्माॽ स्याःत् के़लॽबा पोःक्खाङ्ङाङ् वाॽआरो॥
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
Piblisite