यर्मिया 9:23 - लिम्बु23 यहवे दाङ्बे़ल्ले़ अक्खे पाःत्तुरो, “चाःप्पा मनाहाॽ आबाङे सिक्कुम्निङ्वाॽओ आङ्दिङ् मे़ल्लॽने़न्लरो, के़धुम्बा मनान् के़धुम्बा चोःक्का फाॽआङ् यम्बा मे़हे़न्छिङ्ङिन्लरो, याङ्साकुन्धेसाबान् आबाङे कुयाङ्साकुन्धेओ आङ्दिङ् मे़लॽने़न्लरो॥ Gade chapit la |
यर्मिया 9:23
54 Referans Kwoze
नाम्मिल्ले़ कुसिगाङ् आङ्गाॽ वेॽ पाःन्धिक्काङ् निसुङ्ङाङ् वाॽरो॥ लोःक्चाःत्तो हारा के़जाप्पार के़लोःक्पाहाॽरे़ लोःक्चाःत्तिन् मे़न्नाःन्दुन्लो हे़क्क्याङ् मुक्के़गुबाहाॽरे़आङ् ए़त्ले़ङ् थङ्ङिन् मे़न्नाःन्दुन्लो॥ सिक्कुम्निबा मनाहाॽरे़ सदादिङ् साप्पोक् हिङ्मा हिम्ब्राम् चोःक्मा मे़न्छुक्तुन्लो, चाःप्पा मनाहाॽरे़ सदादिङ् याङ्साकुन्धे थक्मा मे़न्छुक्तुन्लो हे़क्क्याङ् सुम्बोधाबा मनाहाॽ सदादिङ् यम्बा ताक्फेओ मे़ङ्गे़त्ने़न्लो॥ ये़म्मिन् नु सुये़म्मिन् के़रे़क् सम्धाङ् तामा सुक्लो॥
“खे़ङ्हाॽरे़ खुन्छिॽ याङ्हाॽ माराम्हाॽओ लाप्मे़देसुरो, कुसुम् मे़न्दम्मनाबा ताम्जिॽ कुइसिक् लाप्मे़भुसुरो॥ आङ्गाॽ यहवे दाङ्बे़ल्ले़ कुसिक् पोःक्पा ये़न्नो खे़ङ्हाॽ खुन्छिॽ साम्म्याङ् युप्पाःल्ले़ मे़से़ःप्तुसिन्लो॥ कल्ले़ खुन्छिॽ सिक्काङ् मे़एःप्तुन्लो खे़ङ्हाॽ चामा कुजाआङ् मे़बिरुसिन्लो, थेआङ्भे़ल्ले़ खुन्छिॽ खिःम्यक् चोःक्माल्ले़ खे़ङ्हाॽ लायो चोःक्मारक् पाङ्घुसिरो॥
आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
हे़क्क्याङ् खे़न् सिक्कुम्निबाबि इ अदङ्बि फाॽआङ् हाःत्ले़ निसुबे? हे़क्केसाङ् नाम्मिल्ले़ कुसिगाङ् आङ्गाॽ स्याङ्मे़न्दाङ् चोगुङ्बा के़रे़क् पाःन्हाॽ खे़ल्ले़ए कुयुक्को वाॽयाःक्, खे़प्मो आङ्गाॽ के़रे़क् चोःक्मा कोःत्तुङ्बाहाॽ नु आहुक्वाहाॽ केःत्तुङ्ङाङ् याक्॥ कन्नाङ् हने़ थेनाधेरक्लो॥
आल्ल खिनिॽ थुत्तुरिःप्पा, मुप्फ्रामा, तुःङ्गे, कङ्नि, अन्मे, ते़ःत्ते़ःप्पा नु के़रे़क् परिक्पा मुक्लाहाॽ मुक्पा के़घे़प्सुम्नुमे़ःन्ने आङ्गाॽ चोगुङ्बा नावाइत्लान् साम्बोन् फन्छिङ्माआङ् से़वा मे़प्मारे़ लागि यारिप् के़बोक्खिने़भग्र नुबाए पोङ्ॽ॥ कर खिनिॽ कन् से़वा के़म्मे़त्तुम्मिन्ने़भग्र, खिमो लुङ्धाक्किल्ले़ फाक्मनाबा मिधुङ्दिङ् मिराःक् के़दिःप्पा मिओ लाप्के़म्भुसिॽ॥ खे़ब्याङ् आत्तिन् माङ्ङिल्ले़ आङ्गाॽ आहुक्कोलाम् खिनिॽ ताङ्से़ःप्मा के़सुक्तिबे?”
“खे़ने़ॽ आबाङे के़भे़न्याःम्बक्किल्ले़ से़ःप्पा लॽरिक् निःन्धो के़जोगुआङ् के़वाॽरो, हे़क्क्याङ् ‘आङ्गाॽ हाःत्ले़आङ् मे़निआन्’ के़लॽरे़आङ् के़वाॽरो॥ खे़ने़ॽ के़ने़हि नु के़निङ्वाःल्ले़ लाम् के़भोःत्ते़आङ् के़वाॽरो, खे़ने़ॽ के़निङ्वाॽओ अक्खे के़लॽरो, ‘आङ्गाॽएरो, आङ्गाॽनुःल्ले़ वेॽ हाःत्ताङ् होप्लो॥’
खे़ङ्हाॽरे़ खुन्छिॽ हिम्बेसाङ्बाहाॽ इग्र फुॽनुसाॽहाॽ यहवे दाङ्बान् कुसिङ् निःप्मारे़ लागि आत्तिन्हाॽआङ् हुॽमासि मे़बोङ्ने़न्लो थेआङ्भे़ल्ले़ यम्बा चुक्पा के़रे़क्ले़ कुसिङ् मे़निःत्तारो॥ खे़ङ्हाॽ खुन्छिॽ फे़न्याःम्बक्लाम् ले़प्मि पिरुङ्सिङ्लो हे़क्क्याङ् खुन्छिॽ लायोहाॽ आफाल्ले़आङ् निङ्वाॽ मे़इःत्तान्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
मे़न्छाम् याप्मिए, आत्तिन् पाःन्निन् नुबा चोक्, खुने़ॽ खे़न् खे़ने़ॽ ओसेःन्गे़धाक्ते़आङ् वाॽरो॥ हे़क्क्याङ् यहवे दाङ्बे़ल्ले़ खे़ने़ॽलाम् थे़मा खोमा निङ्वाॽ चोगु? खे़ने़ॽ कुदोःप्मा याःम्बक् चोगे़ॽ, कम्भ्रक् निङ्वाॽ चोगुॽ हे़क्क्याङ् वेॽहाॽ लुङ्माॽ तुक्ते़से़ॽओ खे़ब्याङ् निङ्वाॽफुमाङ्ङिन्नु नःम्नःम्माङ् वये़ॽओ॥
Piblisite