यर्मिया 9:22 - लिम्बु22 यहवे दाङ्बे़ल्ले़ आङ्गाॽ अक्खे पाःप्मा पाङ्ङारो, “इक्ताप्पो पिॽहि लुम्मनाबा हे़क्के, पोगुगे़न् कुजान् सुम्माआङ् इक्ताप्पो ले़प्मना थामनाबा हे़क्के, खे़न् पोगुगे़न् कुजान् आत्तिल्ले़आङ् याम्मो मे़सुप्सुम्बा हे़क्के मना के़सिबाहाॽरे़ खुन्छिॽ चेहाॽ लुम्सिङ्ङाङ् के़रे़क् पिसाङ् से़रे़आङ् ने़रो॥” Gade chapit la |
यर्मिया 9:22
17 Referans Kwoze
खे़न् ये़न्नो यहवे दाङ्बे़ल्ले़ स्ये़रुसिबाहाॽरे़ खुन्छिॽ चेहाॽ इक्सादिङ् खाम्बेःक्माल्ले़ लत्छा कुसुक्पोलाम् नासमा कुयाओ थारिक् मे़से़आङ् मे़ने़रो॥ आत्तिन्हाॽआङ् खे़ङ्हाॽरे़ खुन्छिॽ लागि मे़रिङ् मे़न्धक्ने़न्, आत्तिन्हाॽरे़आङ् खे़ङ्हाॽरे़ खुन्छिॽ चेहाॽ मे़म्भुक्खुसिन्नाङ् मे़न्लुप्तुसिन्॥ खे़न् चेहाॽ चिधुक् लुम्मनाबा हे़क्के खाम्मो आम्भा मे़ने़ मे़गन्लो॥
आङ्गाॽ मनाहाॽरे़ खुन्छिॽ सम्धाङ् ये़त्तुक्खे तारुङ्लो, हे़क्क्याङ् खे़ङ्हाॽ मिक्फःम्बा हे़क्के लाङ्मे़घेःक्लो, थेआङ्भे़ल्ले़ यहवे दाङ्बे़ल्ले़ कुदक्ले़ङ्वाओ खे़ङ्हाॽरे़ लायो मे़जोगुआङ् मे़वाॽरो॥ आल्ल खुन्छिॽ माक्खिन् च्वाःत् हे़क्के नु खुन्छिॽ हिदुःत् थे़ङाःङ्हाॽ हि हे़क्के से़आङ् ने़रो॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥
हिजकियाःल्ले़ इङ्घङ् के़भे़प्पाहाॽ लाङ्दाःक् मे़त्तुसि हे़क्क्याङ् खे़ङ्हाॽ खुने़ॽ कुधाःङ्हाॽओ के़युङ्बा के़रे़क्—साम्म्याङ्, युप्पा, मारुक्, कुनाम्गे़नुॽबा निःङ्गेॽ—खुने़ॽ कुभे़जुम् कुभे़याहाॽ ने़मादे़न् हिम्हाॽ नु कुधाःङ्ङो के़ने़बा काक् सामाहाॽ ओःन्धाक्तुसि॥ हिजकियाःल्ले़ कुहाङ्हिम्मो नु खुने़ॽ के़रे़क् कुहाङ्जुम्मो खुने़ॽ खे़ङ्हाॽ ओःन्मे़धाक्तुसिन्बा सामा थेआङ् मे़याःक्ते़न्॥
खे़ब्याङ् माङ्निङ्वाॽपान् के़बाःप्पे़ल्ले़ सेःन्लाप्तु, “खे़ङ्हाॽरे़ आदाङ्बारे़ के़हाङ्हिम्मो थेधेहाॽ मे़निसुग?” हिजकियाःल्ले़ मे़त्तु, “खे़ङ्हाॽरे़ आङ्गाॽ आहाङ्हिम्मोबा के़रे़क् सामाहाॽ मे़निसु॥ आङ्गाॽ आधाःङ्ङो के़युङ्बा के़ने़बा के़रे़क् सामा पुमाहाॽओ खे़ङ्हाॽ ओःन्मे़धाक्तुङ्सिङ्ङिन्बा थे़माआङ् होप्॥”
Piblisite