खे़ङ्हाॽ अक्खे मे़प्मासि इङ्जाङ् पिराङ्लो, “आङ्गाॽ आमिक्कोलाम् से़न्दिक् ले़न्दिक् आमिक्वा ते़रे़रे़ थाप्लो॥ खे़न् आप्फाल्ले़आङ् चक्मे़लॽने़ल्लरो थेआङ्भे़ल्ले़ सिसागे़न् मे़न्छ्या आस्सा इस्राइलरे़ साॽरिक् तुक्खे तुमुआङ् वाॽरो खे़ब्याङ् आमनाहाॽ यम्बा तुक्खेओ मे़ध्ये़आङ् मे़वाॽरो॥
यर्मिया 9:18 - लिम्बु18 मनाहाॽरे़ अक्खे मे़बाःत्तु, “आल्ल हारा चोगे़म्मे़ॽओ, आनिगे मिक्कोलाम् मिक्वा मे़न्धाए थारिक् हाःप्मारे़ मिक्हाॽ मे़न्हम्मे थारिक् आनिगे लागि मे़रिङ् साम्लोधिक् साम्मे़त्छे़ खे़ङ्हाॽ उःत्ते़म्सिम्मे़ॽओ॥” Gade chapit la |
यर्मिया 9:18
19 Referans Kwoze
हाःप्मारे़ हाःप्मारे़ मिक्वाःल्ले़ आमिक्हाॽ ले़सुरो, आङ्गाॽ आसिक्लुङ्मो आङ्गाॽ याःत्तारो॥ आङ्गाॽ आमनाहाॽ मे़मे़गे़बाल्ले़ चोगुल्ले़, अङे़ःक्वाहाॽ नु नुगे़धुङ्बा आम्ब्रे़ःङ्वा अङे़ःक्वाहाॽ ये़क्यक्कोबा माराम्हाॽओ खुन्छिॽ थना ले़क्खे़बे़ल्ले़ चोगुल्ले़ आङ्गाॽ आलुङ्माॽ फ्याःङ्भ्याःङ् लॽरे़रो॥
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
आङ्गाॽ अक्खे मे़त्तुङ्सिङ्लो, “मे़न्छुमासे, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् खुने़ॽ पाःत्तुबा पाःन्हाॽ सिङ्सिङ्ङाङ् खे़प्से़म्मे़ॽओ॥ खिनिॽ मे़न्छुमा साहाॽ मे़रिङ् थक्मा हुॽरे़म्सिम्मे़ॽओ खे़म्ब्याङ् खे़ने़ॽ के़न्देःङ् के़न्जुम्हाॽ निङ्वाॽ तुक्खे चामाओ साम्लोमा हुॽरे़म्सिम्मे़ॽओ॥
कोःक्मा थे़गुहाॽरे़ लागि मे़रिङ् थक्कारो हे़क्क्याङ् पित् चाराम्मादे़न्निल्ले़ लागि आङ्गाॽ हाःप्पारो थेआङ्भे़ल्ले़ खे़न् हेरे़ चबे़आङ् ने़रो खे़ब्याङ् हाःत्ताङ् खे़न् ते़न्नोलाम्बा मे़बोङ्ने़न्नाङ् मे़बेःक्ने़न्लो॥ खे़प्मो पित् मे़माःङ्बा इक्लाआङ् खे़म्मे़दे़त्ने़ल्लो, थक्सा पुसाहाॽआङ् मे़घे़त्छिङ् मे़बेआङ् मे़वाॽरो॥
“यरुसले़ःम्मो के़युङ्बासे आल्ल आबाङे थे़गेःक्इःन् खक्ते़म्मे़ॽआङ् लाप्फुसे़म्मे़ॽओ॥ मे़रिङ् थक्ते़म्मे़ॽर थेआङ् के़होप्पा मुरे़क् खारे़क्पा कोःक्मा फाङ्जङ् सम्मो हाबे़म्मे़ॽओ थेआङ्भे़ल्ले़ आङ्गाॽ यहवे दाङ्बान् आसिक् पोगे़आङ् वाॽरो हे़क्क्याङ् आङ्गाॽ आमनाहाॽ लाप्फुसुङ्सिङ्ङाङ् वाॽरो॥
कल्ले़चोगुल्ले़ यहवे, मुक्साम्दाङ्बा निङ्वाॽफुमाङ्ङिल्ले़ अक्खे पाःत्तुरो— “के़रे़क् माराम्हाॽओ हाःम्लाक्वा पोःक्लो, हे़क्क्याङ् के़रे़क् लक्खुम्हाॽओ खे़ङ्हाॽ अक्खे मे़लॽरो, ‘ए नाॽराङ्स्याङ्लो! ए नाॽराङ्स्याङ्लो!’ याःन्गे़मबाहाॽ हाःप्मारे़ लागि नु चेदिःक्लाबाहाॽ हाःम्लाक्वा फोङ्मारे़ लागि मे़उःत्तुसिरो॥
आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥”
यरुसले़ःम्मिल्ले़ कुस्सा मे़न्छुमाए, खे़ने़ॽ के़लागि आङ्गाॽ थे पाःप्तुङ्बाबे? आङ्गाॽ खे़ने़ॽ थेःन्नु कुदङ्बा तङ्ने़बाबे? सियोनरे़ कुस्सा मे़न्छ्याए, हाङ्हाङ् मे़प्मारे़ लागि खे़ने़ॽ थेःन्नु तङ्ने़बाबे? के़याङ्घेःक्किन् वरःङ् हे़क्के कुदिम्बे केःम्बा चोक्लो, हाःत्ले़ खे़ने़ॽ के़नुॽर याःम्मा के़सुक्काङ्बे?
Piblisite