कुलक् सुम्सिओ कुलक् थिक् खिनिॽ मनाहाॽ ये़क्यक्को तुक्मा नु साक्वाःन्लाम् मे़सिरो॥ ये़क्यक्कोबा लुङ्धाक् लाःक्कात् निङ्मिहाॽरे़ कुलक् सुम्सिओ कुलक् थिक् खिनिॽ मनाहाॽ मे़हे़गु मे़से़रुसिॽ॥ हे़क्क्याङ् कुलक् सुम्सिओ कुलक् थिक् आङ्गाॽ ताभेःल्ले़ नाःत्तुङ्सिङ्ङाङ् सुरित् केजङ्ङो फुत्लुम् थ्यःङ् से़सुङ्देसुङ्सिङ्ॽ॥
यर्मिया 9:16 - लिम्बु16 खे़ङ्हाॽ नु खे़ङ्हाॽरे़ खुन्छिॽ पाधे़बाहाॽरे़ कुसिङ् मे़न्निःत्तुसिम्बा सुवाङ्हाॽरे़ खुन्छिॽ लुम्मो आङ्गाॽ खे़ङ्हाॽ फुत्लुम् से़सुङ्सिङ्ॽ, हे़क्क्याङ् खे़ङ्हाॽ के़रे़क् युम्रे़क् मे़म्मे़क्के थारिक् खे़ङ्हाॽरे़ खुन्छिॽ तक्ले़ङ्वाओ निङ्मिहाॽ पाङ्घुङ्सिङ्लो॥” Gade chapit la |
यर्मिया 9:16
29 Referans Kwoze
के़जइःत्साप् यरुसले़ःम्मिल्ले़ कुलुम्मो कल्ले़ कुलक् थिक् ने़स्से़ॽ॥ थङ्ङो किर्गप् कप्मा के़ले़ङ्सिङ्बा याःम्बक्किन् चुःत्ताङ् कुलक् थिक् खे़प्मो हाःन्दे़देसे़ॽ॥ वेॽ कुलक् थिक्के़न् खे़ने़ॽ के़साप्चइःत् के़रे़क् पिसाङ् से़से़देसे़ॽ हे़क्क्याङ् ताभेःल्ले़ चाक्खक् चाक्खक् खक्ते़ॽ॥ कुनुप्मा वेॽ कुलक् थिक्के़न् सुरित् केजङ्ङो फुत्लुम् थ्यःङ् से़से़देसे़ॽ, थेआङ्भे़ल्ले़ आङ्गाॽ आमनाहाॽ ताभेःल्ले़ फुत्छिङ्ज्याङ् से़सुङ्देसुङ्सिङ्ॽ॥
खे़ब्याङ् इक्सादिङ् खाम्बेःक्माल्ले़ लत्छा कुयाओनु वेॽसमा कुयाओ थारिक् वेॽ वेॽ मे़न्छाम् सुवाङ्हाॽरे़ खुन्छिॽ लुम्मो यहवे दाङ्बे़ल्ले़ खिनिॽ फुत्छिङ्ज्याङ् के़से़सिॽ॥ खे़प्मो खिनिॽआङ् कुसिङ् के़न्निःत्तुम्सिम्मिन्बा हे़क्क्याङ् खिनिॽ पाधे़बाहाॽरे़आङ् कुसिङ् मे़न्निःत्तुसिन्बा सिङ् नु लुङ्लाम् मे़जोगुसिबा वेॽ माङ्हाॽ खिनिॽ से़वा के़मे़त्तुम्सिम्ॽ॥
‘खे़ङ्हाॽ वेॽ लाजेॽबा मे़बोःक्खे़आङ् मे़युङे़बा मे़न्छाम् सुवाङ्हाॽरे़ खुन्छिॽ लुम्मो सुरित् केजङ्ङिल्ले़ फे़सुसिबा कुइसिक् आङ्गाॽ फुत्छिङ्ज्याङ् चोगुङ्सिङ्॥ आत्तिन्हाॽआङ् तामा पेःक्मा मे़न्छुक्ते़न्ल थारिक् खे़ङ्हाॽरे़ खुन्छिॽ लाजेन् चिजि खक्खक् पोःक्खे़॥ कम्भलॽरिक् खे़ङ्हाॽरे़ खे़न् नुबा लाजेन् चिजि खक्खक्पा मे़जोगुरो॥’”
खे़न् एगाङ् यहवे दाङ्बे़ल्ले़ आङ्गाॽ अक्खे मे़त्ते़से़ॽ मे़त्ताङ्, “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ आसाक्के़न्निल्ले़ के़दिम्बा कन् खोर्यान् थुङे़म्मे़ॽ, मआसिम्मे़ॽ हे़क्क्याङ् पे़से़म्मे़ॽ॥ हे़क्क्याङ् आभे़ल्ले़आङ् पोःक्मा मे़न्छुक्के हाम्ब्रिक् चोःन्दे़म्मे़ॽ॥ आङ्गाॽ खिनिॽ लुम्मो पाङ्घुङ्बा थङ्ङिल्ले़ चोगुल्ले़ हे़क्के पोङ्ॽ॥’
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
चन्जम्बादे़न्नोलाम् खे़ने़ॽ के़याःङ्लो हे़क्क्याङ् लाम्मो लाङ्गे़घेःक्किल्ले़ खे़ने़ॽ के़गिरो॥ खजङ्सेॽइन् फे़क्पा हे़क्के के़धे़गेक्पान् फुत्त्रिःङ्ग्यारिक् फुत्लो, खे़ने़ॽ लाङ्घेःक्मा के़हक्सुल्ले़, प्याःप्पे़न् हे़क्के मस्सुआङ् खे़ने़ॽ आफेक् पे़ःङ्गाक् पे़ःङ्गाक् के़उःङ्सिङ्लो खे़ब्याङ् थेआङ् चोःक्मा के़सिराॽ मे़धाङ्ने़ल्लो॥ कुनुप्मोबा सदादिङ्बा के़हिम् ले़प्माङ् के़बेःक्ल के़बत्लो हे़क्क्याङ् माराम्मे़न् मे़रिङ् मे़धक्पा मनाहाॽरे़ मे़धिम्सुरो॥
“यरुसले़ःम्मो के़युङ्बासे आल्ल आबाङे थे़गेःक्इःन् खक्ते़म्मे़ॽआङ् लाप्फुसे़म्मे़ॽओ॥ मे़रिङ् थक्ते़म्मे़ॽर थेआङ् के़होप्पा मुरे़क् खारे़क्पा कोःक्मा फाङ्जङ् सम्मो हाबे़म्मे़ॽओ थेआङ्भे़ल्ले़ आङ्गाॽ यहवे दाङ्बान् आसिक् पोगे़आङ् वाॽरो हे़क्क्याङ् आङ्गाॽ आमनाहाॽ लाप्फुसुङ्सिङ्ङाङ् वाॽरो॥
कल्ले़चोगुल्ले़ यहवे, मुक्साम्दाङ्बा निङ्वाॽफुमाङ्ङिल्ले़ अक्खे पाःत्तुरो— “के़रे़क् माराम्हाॽओ हाःम्लाक्वा पोःक्लो, हे़क्क्याङ् के़रे़क् लक्खुम्हाॽओ खे़ङ्हाॽ अक्खे मे़लॽरो, ‘ए नाॽराङ्स्याङ्लो! ए नाॽराङ्स्याङ्लो!’ याःन्गे़मबाहाॽ हाःप्मारे़ लागि नु चेदिःक्लाबाहाॽ हाःम्लाक्वा फोङ्मारे़ लागि मे़उःत्तुसिरो॥
खे़न् ये़न्नो मनाहाॽरे़ खिनिॽ के़म्येःत्तिरो, खे़ङ्हाॽरे़ मे़रिङ् साम्लोन् साम्मे़मे़त्तुर लासाक् के़म्मे़त्तिरो— ‘आनिगे़ग साॽरिक्के खाप्पुथ्यःङ् पोःक्खिगे़रो! आनिगे मनाहाॽरे़ खुन्छिॽ याङ्साकुन्धेन् पःक्खे़आङ् ने़रो॥ खुने़ॽ खे़न् याङ्साकुन्धेन् आनिगे नाप्तिगे़रो, खुने़ॽ आनिॽ लाजेॽ सिङ्बुङ्हाॽ आनिॽ इङ्ले़क्को के़धाबाहाॽ फःक्खु पिरुसिरो॥’”
Piblisite