निङ्वाॽफुमाङ्ङिल्ले़ कुमनाहाॽरे़ अक्खे मे़बाःत्तुरो, “आनिॽ थेआङ् स्वाःत् आयुङ् आजाबाबे? लु फे़रे़म्मे़ॽओ, आनिॽ लोःक्तिर ताङ्से़ःप्सिङ्मादे़न् के़ने़बा ये़क्यक् ले़प्माङ् पेगिरो हे़क्क्याङ् आनिॽ खे़प्मोए हदॽ स्ये़ॽइरो॥ यहवे दाङ्बा आनिॽ निङ्वाॽफुमाङ्ङिल्ले़ आनिॽ मे़ङ्मारे़ लागि इङ्जाङ् पिरुसिआङ् वाॽरो॥ खुने़ॽ आममबा निङ्ङिन् थुङ्मा आबिरे़आङ् वाॽरो थेआङ्भे़ल्ले़ आनिॽ खुने़ॽ कुदक्ले़ङ्वाओ लायो आजोगुम्माङ् वाॽरो॥
यर्मिया 9:15 - लिम्बु15 खे़ल्ले़चोगुल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुङ्ॽ, खे़न् खे़प्से़म्मे़ॽ॥ आङ्गाॽ आमनाहाॽ चामारे़ लागि साक्खिःक् के़घिःक्पा कुजा नु थुङ्मारे़लागि निङ् के़याक्पा च्वाःत् पिरुङ्सिङ्ॽ॥ Gade chapit la |
यर्मिया 9:15
19 Referans Kwoze
खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ खे़न् यरुसले़ःम्मोबा माङ्निङ्वाॽपान् के़बाःप्पाहाॽरे़ खुन्छिॽ याःम्बेओ अक्खे पाःत्तुरो, “आङ्गाॽ खे़ङ्हाॽ चामारे़ लागि साक्खिःक् के़घिःक्पा सुङ्घिःङ्बान् हे़क्क्याङ् थुङ्मारे़लागि निङ्ङिन् पिरुङ्सिङ्लो थेआङ्भे़ल्ले़ खे़ङ्हाॽरे़ के़रे़क् लाजेन् लायोल्ले़ थिम्सुबा मे़जोगुआङ् ने़रो॥”
निङ्वाॽफुमाङ्ङिल्ले़ कुहुक्को लत्छा खोर्याधिक् कत्तुरो, खे़न् खोर्याओ कुसाक्के़न्निल्ले़ मारुक् फःम्मना याक्मनाबा कुबुःत्थुङ्वा चिहचिह के़लॽबा सेजङ्वान् कुले़ःम् याक्लो॥ खुने़ॽ खे़न् खोर्यान् हुक्खुरो हे़क्क्याङ् इक्साबा के़रे़क् फे़न्याःम्बक् के़जोःक्पाहाॽरे़ खे़न् खत्त्रे़क् ले़ङ्ल मे़धुङुरो॥
सिङ्सिङ् लॽरे़म्मे़ॽ! खे़न् मे़न्छाम् सुवाङ्हाॽरे़ खुन्छिॽ माङ्हाॽ से़वा मे़त्छे़ आइन् यहवे दाङ्बा आनिॽ निङ्वाॽफुमाङ्लाम् खिनिॽओबा कुभा ये़म्बित्छा इग्र मे़न्छुमा, किग्र थाःक् इग्र पासिङ्हाॽरे़ खुन्छिॽ निङ्वान् मे़हिसिङ्ङिन्ल॥ ये़क्ये़क् लॽरे़म्मे़ॽ, खिनिॽ लुम्मो अक्तङ्बा फे़न्निङ्वाॽ के़दाःप्पा थे़मा पाःन्निल्ले़आङ् कुबुङ् होःप्ल॥
खे़न् फुत्लुम् थ्यःङ् तेमारे़ लागि आङ्गाॽ एलामरे़ कुनिङ्मिहाॽनु सोरिक् पेःक्कारो॥ साॽरिक् आयाःक्ले़ॽमो एलामबा मनाहाॽओ आङ्गाॽ यम्बा मे़क्मासिमे़न् तारुङ्लो,” यहवे दाङ्बे़ल्ले़ पाःत्तुआङ् वाॽरो॥ “खे़ङ्हाॽ खक्पे़त् मे़म्मे़ङ्सिङ्ङे थारिक् खे़ङ्हाॽ खुन्छिॽ निङ्मिहाॽरे़ ताभेनु मे़नाःत्तुसिरो॥”
के़जइःत्साप् यरुसले़ःम्मिल्ले़ कुलुम्मो कल्ले़ कुलक् थिक् ने़स्से़ॽ॥ थङ्ङो किर्गप् कप्मा के़ले़ङ्सिङ्बा याःम्बक्किन् चुःत्ताङ् कुलक् थिक् खे़प्मो हाःन्दे़देसे़ॽ॥ वेॽ कुलक् थिक्के़न् खे़ने़ॽ के़साप्चइःत् के़रे़क् पिसाङ् से़से़देसे़ॽ हे़क्क्याङ् ताभेःल्ले़ चाक्खक् चाक्खक् खक्ते़ॽ॥ कुनुप्मा वेॽ कुलक् थिक्के़न् सुरित् केजङ्ङो फुत्लुम् थ्यःङ् से़से़देसे़ॽ, थेआङ्भे़ल्ले़ आङ्गाॽ आमनाहाॽ ताभेःल्ले़ फुत्छिङ्ज्याङ् से़सुङ्देसुङ्सिङ्ॽ॥
कुलक् सुम्सिओ कुलक् थिक् खिनिॽ मनाहाॽ ये़क्यक्को तुक्मा नु साक्वाःन्लाम् मे़सिरो॥ ये़क्यक्कोबा लुङ्धाक् लाःक्कात् निङ्मिहाॽरे़ कुलक् सुम्सिओ कुलक् थिक् खिनिॽ मनाहाॽ मे़हे़गु मे़से़रुसिॽ॥ हे़क्क्याङ् कुलक् सुम्सिओ कुलक् थिक् आङ्गाॽ ताभेःल्ले़ नाःत्तुङ्सिङ्ङाङ् सुरित् केजङ्ङो फुत्लुम् थ्यःङ् से़सुङ्देसुङ्सिङ्ॽ॥
Piblisite