कर खे़ङ्हाॽ आङ्गाॽ आबाःन्निन् खे़म्मा मे़न्दे़न्दे़न्, खे़प्मो थे़माआङ् निङ्वाॽ मे़म्बिरुन्॥ खे़ल्ले़ कुले़क्वा खे़ङ्हाॽ इङ्जाङ् इःप्मा नाःप्मा मे़न्दे़म्मनाबा नु ताप्फे़ःम्बा सिक्लुङ्माल्ले़ निङ्वाॽ इःत्तुबा कुइसिक् याःम्बक् मे़जोगुर मे़वये़॥ हे़क्केलॽरिक् खे़ङ्हाॽ आरसाङ् कुॽइगे़भे़म्बा मे़बोःक्खे़र मे़बे॥
यर्मिया 9:14 - लिम्बु14 खे़ल्ले़ कुले़क्वाओ खे़ङ्हाॽ हादिङ् के़धक्पा मे़बोःक्खे़ खे़ब्याङ् खे़ङ्हाॽरे़ खुन्छिॽ पाधे़बाहाॽरे़ मे़हुॽरुसिबा कुइसिक् बाल साम्माङ्ङिन् मे़दिम्दुआङ् मे़वाॽ॥ Gade chapit la |
यर्मिया 9:14
21 Referans Kwoze
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
कर खे़ने़ॽ के़बाःत्तु, ‘आङ्गाॽ आबाङे आसुत्थो होःप्पाआरो, बाल साम्माङ्ङिन् से़वा मे़मे़त्तुङ्ङिन्लो’ लॽरिक् खे़ने़ॽ आक्खेलॽरिक् पाःप्मा के़सुक्तुबे? खे़ने़ॽ सेःङ्घा ने़ने़बादे़न्नो लायो के़जोगुआङ् के़वये़रो हे़क्क्याङ् हे़न्हाॽ हे़न्हाॽ के़जोगुआङ् के़वये़, खे़न् ओमे़त्ते़ॽओ॥ कुम्बाबा के़गोःप्मा उमे हे़क्तङ्मा पान् मे़ङ्घे़म्मनाबा के़बोक्खे़आङ् के़वये़रो हे़क्क्याङ् खे़ने़ॽ याङ्ना कत्ना के़लोःक्ल के़वाॽरो॥
कर खे़ङ्हाॽरे़ आङ्गाॽ आइङ्जाङ्ङिन् मे़न्इःत्तुन् मे़न्नाःत्तुन् हे़क्क्याङ् खे़म्घे़म्माङ् मे़ल्लाप्तुन्॥ परुमाल्ले़ खे़ङ्हाॽ आभे़ल्ले़साङ् हादिङ् के़धक्पा नु ताक्के़भे़ॽबारक् मे़बोःक्खे़॥ खे़न् माङ्हुप्पिन् के़प्मारे़ लागि आङ्गाॽ खे़ङ्हाॽ इङ्जाङ् पिरुङ्सिङ्ङाङ् वयाङ् कर खे़ङ्हाॽ हे़क्के चोःक्मा मे़न्दे़न्दे़न्॥ खे़ल्ले़चोगुल्ले़ खे़न् माङ्हुप्पो पोधक् के़बोङ्बा के़रे़क् खुम्दिङ्हाॽ आङ्गाॽ खे़न्हाॽरे़ खुन्छिॽ सम्धाङ् थासुङ्॥”
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
यहवे दाङ्बे़ल्ले़ अक्खे पाःत्तुरो, “यहुदाःल्ले़ सुम्सि कुलायोहाॽ इग्र लिसिए कुलायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ यहवे दाङ्बे़ल्ले़ कुसाम्योथिम् इङ्जाङ्ङिन् खे़ङ्हाॽरे़ इःप्मा नाःप्मा मे़नाॽरुबाल्ले़ चोगुल्ले़, खम्भ्याङ् खुने़ॽ कुधिम्हाॽ मे़न्इःत्तुन् मे़न्नाःत्तुम्बाल्ले़ चोगुल्ले़ हे़क्क्याङ् खे़ङ्हाॽरे़ खुन्छिॽ पाधे़बाहाॽरे़ मे़दिम्दुसिबा इङ्ले़क्पा माङ्हाॽरे़ खे़ङ्हाॽ इङ्मे़ले़क्तुसिबाल्ले़ चोगुल्ले़,
निङ्वाॽफुमाङ्ङिल्ले़ कुमनाहाॽरे़ अक्खे मे़बाःत्तुरो, “आनिॽ थेआङ् स्वाःत् आयुङ् आजाबाबे? लु फे़रे़म्मे़ॽओ, आनिॽ लोःक्तिर ताङ्से़ःप्सिङ्मादे़न् के़ने़बा ये़क्यक् ले़प्माङ् पेगिरो हे़क्क्याङ् आनिॽ खे़प्मोए हदॽ स्ये़ॽइरो॥ यहवे दाङ्बा आनिॽ निङ्वाॽफुमाङ्ङिल्ले़ आनिॽ मे़ङ्मारे़ लागि इङ्जाङ् पिरुसिआङ् वाॽरो॥ खुने़ॽ आममबा निङ्ङिन् थुङ्मा आबिरे़आङ् वाॽरो थेआङ्भे़ल्ले़ आनिॽ खुने़ॽ कुदक्ले़ङ्वाओ लायो आजोगुम्माङ् वाॽरो॥
खे़ल्ले़चोगुल्ले़ मुक्साम्दाङ्बा यहवे दाङ्बे़ल्ले़ खे़न् यरुसले़ःम्मोबा माङ्निङ्वाॽपान् के़बाःप्पाहाॽरे़ खुन्छिॽ याःम्बेओ अक्खे पाःत्तुरो, “आङ्गाॽ खे़ङ्हाॽ चामारे़ लागि साक्खिःक् के़घिःक्पा सुङ्घिःङ्बान् हे़क्क्याङ् थुङ्मारे़लागि निङ्ङिन् पिरुङ्सिङ्लो थेआङ्भे़ल्ले़ खे़ङ्हाॽरे़ के़रे़क् लाजेन् लायोल्ले़ थिम्सुबा मे़जोगुआङ् ने़रो॥”
Piblisite