यर्मिया 9:11 - लिम्बु11 यहवे दाङ्बे़ल्ले़ पाःत्तुॽ, “आङ्गाॽ यरुसले़ःम्मिन् खाप्पुथ्यःङ् चोगुङ्लो हे़क्क्याङ् किधिःप्पाहाॽ वाॽमारे़ लागि लुङ्हाॽ लुप्सुङ्लो, यहुदाबा ये़क्यक्हाॽ लुःन्दुङ्ङाङ् मना मेःन्नेबा चोगुङ्लो, खे़ब्याङ् खे़प्मो आत्तिन्नाङ् मे़वाॽने़न्लो॥” Gade chapit la |
यर्मिया 9:11
32 Referans Kwoze
याकुबरे़ के़रे़क् कुवाॽमा कुयुङ्मादे़न्हाॽ यहवे दाङ्बे़ल्ले़ आक्खे़न्नाङ् कुलुङ्माॽ स्याःत् मे़ल्लॽए खाप्पुथ्यःङ् चोगुरो॥ खुने़ॽ कुसाक्के़न् पोगे़बाओ यहुदाःल्ले़ कुस्सा मे़न्छुमाःल्ले़ खुन्छिॽ यक्हाॽ फुत्लुम् थ्यःङ् लुःन्दु पिरुसिरो॥ खे़न् हाङ्जुम्मिन् नु खे़ल्ले़ कुलाम्लोबाहाॽ खुने़ॽ खाम्बाङ्ङो सोःन्दुसिआङ् कुनामे़न्छाॽ मे़त्तुसिरो॥
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“हिजकियान् यहुदाबा हाङ् वये़ल्ले़ मोरेसेतलाम् के़दाबा माङ्निङ्वाॽपान् के़बाःप्पा मिकाःल्ले़ के़रे़क् मनाहाॽ कन् कुबाःन्जाक्किन् अक्खे मे़त्तुसि, मुक्साम्दाङ्बा यहवे दाङ्बे़ल्ले़ अक्खे पाःत्तुरो, “‘इक्ताप्पिन् के़क्चु थोङ्मनाबा हे़क्के सियोने़न् मे़दोःक्खुरो, यरुसले़ःम्मिन् लुःन्नाङ् लुङ्सिङ्हाॽ लुम्सिङ्लो हे़क्क्याङ् माङ्हिम्मोबा कोःक्मा फाङ्जङ्हाॽ ताम्भुङ् पोःक्ला के़बोबा के़धाङ्बा थुप्थाॽ कुइसिक् पोङ्लो॥’
खे़ने़ॽ ओम्रिरे़ कुधिम्हाॽ नु आहाबरे़ के़रे़क् कुयाःम्बक्हाॽ खे़ने़ॽ के़इःत्तु के़नाःत्तुआङ् के़वाॽरो, हे़क्क्याङ् खे़ङ्हाॽरे़ खुन्छिॽ साक्थिम्हाॽ खे़ने़ॽ के़दिम्दु के़नाःत्तुआङ् के़वाॽरो॥ कल्ले़चोगुल्ले़ आङ्गाॽ खे़ने़ॽ मे़ङ्ने़रो, हे़क्क्याङ् आङ्गाॽ खे़ने़ॽ के़मनाहाॽ कुनामे़न्छाॽ मे़प्मा चाहाक् चोगुङ्सिङ्लो, आङ्गाॽ आमनाहाॽरे़ कुनामे़न्छाॽ के़म्मे़प्पान् खे़ने़ॽ नासिथःप्मा के़बोङ्बा पोङ्लो॥”
कन् माङ्हिम्मिन् सिलोःन् हे़क्के पोङ्ॽ हे़क्क्याङ् कन् ये़क्यक्किन् खाप्पुथ्यःङ् पोङ्ॽ खे़म्ब्याङ् कप्मो हाःत्ताङ् मे़युङ्ने़न् फाॽआङ् खे़ने़ॽ थेआङ् यहवे दाङ्बे़ल्ले़ कुमिङ्ङो माङ्निङ्वाॽपान् के़बाःत्तु?” खे़न् एगाङ् यहवे दाङ्बे़ल्ले़ कुहिम्मो के़रे़क् मनाहाॽरे़ खुने़ॽ किर्गप् मे़गबु॥
खे़न् ते़न्हाॽ चिजि खक्खक् नु ओमे़प्मा सुक्मे़न्दे़प्मनाबा मुरे़क् खारे़क्पा ये़ःङ्घादे़न् हे़क्तङ्बा पोङ्ल हे़क्क्याङ् खे़ङ्हाॽरे़ खुन्छिॽ मिङ्ङिन् मे़बाःत्तुआङ् मनाहाॽरे़ साक्मुरा माङ्दे मे़मे़त्तुसिर फाॽआङ् यरुसले़म नु यहुदाबा के़रे़क् ये़क्यक्हाॽ, खे़प्मोबा हाङ्ङिन् नु लाम्लोबाहाॽ के़रे़क् खे़न् खोर्याओलाम्बा आङ्गाॽ थुङ्मा पाङ्घुङ्सिङ्॥ आइन् थारिक्साङ् मनाहाॽरे़ हे़क्केलॽरिक्के साक्मुरा मे़मे़त्तुसिॽ॥
आङ्गाॽ आसे़वारोबाहाॽरे़ खुन्छिॽ पाःन्निन् निःन्धो चोगुङ्लो, हे़क्क्याङ् आइङ्घङ् के़साबाहाॽरे़ खुन्छिॽ माङ्निङ्वाॽपान्निन् कुलिङ्दो के़त्तुङ्लो॥ आङ्गाॽ यरुसले़म ये़क्यक्किल्ले़ कुयाःम्बेओ अक्खे पाःत्तुङ्लो, ‘खे़न् मनाहाॽरे़ खुन्छिॽ युङ्मादे़न् पोङ्लो,’ आङ्गाॽ यहुदाबा ये़क्यक्हाॽरे़ कुयाःम्बेओ कम्भ पाःत्तुङ्लो, ‘खे़ङ्हाॽ याम्मो चोःक्मा पोङ्लो,’ आङ्गाॽ खे़न् मे़धुप्सु मे़यसुबादे़न्हाॽरे़ कुयाःम्बेओ अक्खे पाःत्तुङ्लो, ‘आङ्गाॽ याम्मो से़त्तुङ् चोगुङ्लो॥’
खुने़ॽ कुन्देङ् कुन्जुम्हाॽ नु सामरि थक्सुबाहाॽरे़ खुनिॽ तगि पाःत्तु, “कन् कुसक्मा मे़न्याक्मनाबा यहुदिहाॽरे़ थे मे़जोगुबाबे? खे़ङ्हाॽरे़ ये़क्यक्किन् याम्मो मे़जोगुबाबि? खे़ङ्हाॽरे़ सिदुङ्जभा मे़दोन्दुआङ् थिक्याःन्ले़ चोःक्मा मे़सुरुबि? खे़न् मिगे़दिक्पा नु के़लुम्सिङ्बा ताम्जिॽ खाम्हिःक्कोलाम्बा खे़ङ्हाॽरे़ ये़क्यक् चोःक्मा लुङ्ङिन् लःत्तुम्बे़ लॽरिक् मे़बाःत्तुबि?”
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
थेआङ्भे़ल्ले़ आङ्गाॽ थाङ्गे़त् ले़प्माङ्बा के़रे़क् सुवाङ्हाॽ उःत्तुङ्सिङ्ल पत्तारो॥ “खे़ङ्हाॽरे़ खुन्छिॽ हाङ्हाॽ मे़दारो हे़क्क्याङ् खुन्छिॽ हाङ्युक्नान् यरुसले़म लाःप्मा ताःक्हन्हाॽओ मे़युक्खुरो खे़ब्याङ् खे़ङ्हाॽ के़रे़क् पिसाङ्बा लुङ्धाक्हाॽओ नु यहुदाबा के़रे़क् ये़क्यक् खिरिआङ् मे़युक्खुरो॥
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
“खे़ने़ॽ कन् सुवाङ्बा मनाहाॽ कन् के़रे़क् पाःन्हाॽ के़मे़त्तुसिॽ, हे़क्केःल्ले़ खे़ङ्हाॽरे़ खे़ने़ॽ अक्खेलॽरिक् सेःन्के़म्लाप्, ‘थेआङ् यहवे दाङ्बे़ल्ले़ आनिगे सम्धाङ् अक्तङ्बा के़साक्पा खुम्दिङ् पिमा निःन्धो चोगुबाबे? आनिगे थे फे़न्याःम्बक् चोगुम्बे़आङ् वये़बे? यहवे दाङ्बा आनिगे निङ्वाॽफुमाङ्ङिल्ले़ कुदक्ले़ङ्वाओ आनिगे थे लायो चोगुम्बे़आङ् वयिगे़बे?’
Piblisite