आप्फाल्ले़ थारिक् आनिगे लाजेन् हेआङ् ने़बाबे? हे़क्क्याङ् इक्ताप्हाॽओ चाभे़त्लाःन् आभे़ल्ले़ थे़म्बा इरे़म्माङ् युङ्बाबे? कन् लाजेॽओबा यक्युङ्बाहाॽ कुॽइमे़भे़म्बाल्ले़ चोगुल्ले़ थक्सापुसाहाॽ मे़सिर मे़बत्लो, हे़क्केसाङ् कन् मनाहाॽरे़ अक्खे मे़बाःत्तुरो, “निङ्वाॽफुमाङ्ङिल्ले़ आनिगे याःम्बक्किन् मे़निसुन्लो॥”
यर्मिया 9:10 - लिम्बु10 कोःक्मा थे़गुहाॽरे़ लागि मे़रिङ् थक्कारो हे़क्क्याङ् पित् चाराम्मादे़न्निल्ले़ लागि आङ्गाॽ हाःप्पारो थेआङ्भे़ल्ले़ खे़न् हेरे़ चबे़आङ् ने़रो खे़ब्याङ् हाःत्ताङ् खे़न् ते़न्नोलाम्बा मे़बोङ्ने़न्नाङ् मे़बेःक्ने़न्लो॥ खे़प्मो पित् मे़माःङ्बा इक्लाआङ् खे़म्मे़दे़त्ने़ल्लो, थक्सा पुसाहाॽआङ् मे़घे़त्छिङ् मे़बेआङ् मे़वाॽरो॥ Gade chapit la |
यर्मिया 9:10
30 Referans Kwoze
“यरुसले़ःम्मो के़युङ्बासे आल्ल आबाङे थे़गेःक्इःन् खक्ते़म्मे़ॽआङ् लाप्फुसे़म्मे़ॽओ॥ मे़रिङ् थक्ते़म्मे़ॽर थेआङ् के़होप्पा मुरे़क् खारे़क्पा कोःक्मा फाङ्जङ् सम्मो हाबे़म्मे़ॽओ थेआङ्भे़ल्ले़ आङ्गाॽ यहवे दाङ्बान् आसिक् पोगे़आङ् वाॽरो हे़क्क्याङ् आङ्गाॽ आमनाहाॽ लाप्फुसुङ्सिङ्ङाङ् वाॽरो॥
हाःप्मारे़ हाःप्मारे़ मिक्वाःल्ले़ आमिक्हाॽ ले़सुरो, आङ्गाॽ आसिक्लुङ्मो आङ्गाॽ याःत्तारो॥ आङ्गाॽ आमनाहाॽ मे़मे़गे़बाल्ले़ चोगुल्ले़, अङे़ःक्वाहाॽ नु नुगे़धुङ्बा आम्ब्रे़ःङ्वा अङे़ःक्वाहाॽ ये़क्यक्कोबा माराम्हाॽओ खुन्छिॽ थना ले़क्खे़बे़ल्ले़ चोगुल्ले़ आङ्गाॽ आलुङ्माॽ फ्याःङ्भ्याःङ् लॽरे़रो॥
“कन् के़रे़क् पाःन्हाॽरे़ चोगुल्ले़ आङ्गाॽ हाःप्मार वाॽआरो, आङ्गाॽ आमिक्कोलाम् आमिक्वा ते़रे़रे़ थाप्लो॥ आङ्गाॽ हाङ्हाङ् मे़प्मारे़ लागि आबेसाङ् हाःत्ताङ् होप्लो, आयाम्साम्मिन् याम्मो कुहिङ्वे़त् के़जोःक्पा आसाःत्ताङ् होप्लो॥ आङ्गाॽ अङे़ःक्वा आस्सा ये़म्बित्छाहाॽ एःक्से़त्छा मे़वाॽरो, थेआङ्भे़ल्ले़ निङ्मिन् थङ् के़नाःम्बा पोःक्खे़आङ् वाॽरो॥
याम्बोःप्मा याःम्बक् के़जोःक्पाहाॽरे़ लाजेन् मे़धिम्सुआङ् वाॽरो॥ खे़ङ्हाॽ फे़त्लाॽमा ताप्फे़ःम्बा हिङ्मन्नो मे़वाॽरो हे़क्क्याङ् माङ्निङ्वाॽपान् के़बाःप्पाहाॽरे़ खुन्छिॽ मुक्साम्मिन् पिर्बेःम्बा लाम्मो ओगप् मे़जोगुरो॥ यहवे दाङ्बे़ल्ले़ कुसाक्मुरा माङ्देःल्ले़ चोगुल्ले़ लाजेन् मे़रिङ् थक्लो हे़क्क्याङ् चाराम्मादे़न्हाॽआङ् हेरे़बेआङ् ने़रो॥
आङ्गाॽ खे़ङ्हाॽ मिस्र लाजेॽलाम्बा लःत्तुङ् थाक्तुङ्सिङ्लो॥ मुरे़क् खारे़क्पा एःक्सादे़न्नो, नु मुरे़क् खारे़क्पा के़हेबा के़जप्पा हे़क्क्याङ् ये़ःङ्घा इसेःङ्बा थुप्थाॽ के़ने़बादे़न्नो, हाःत्ताङ् के़होप्पा लाङ्ङिल्ले़आङ् मे़दोॽरुम्बा के़हेबादे़न्नो किप्मा के़घुबा लाजेॽ लुम्मोलाम्बा आङ्गाॽ खे़ङ्हाॽ लाम्लोसुङ्सिङ्ङाङ् तारुङ्सिङ्लो हे़क्केसाङ् खे़ङ्हाॽरे़ आङ्गाॽ थेआङ् निनि खे़म्घे़म् मे़न्लाप्ताङ्ङिन्लो॥
निङ्वाॽफुसाम्बासे, सगितेत् चाक्खे़म्मे़ॽओ हे़क्क्याङ् खिनिॽ मे़रिङ् थक्ते़म्मे़ॽओ, ले़त्ति तोःम्मादे़न्नो माङ्से़वा के़जोःक्पासे, हाबे़म्मे़ॽओ॥ आङ्गाॽ आनिङ्वाॽफुमाङ्ङिल्ले़ कुसे़वारोबासे, खिनिॽ सगितेत् चाक्खे़म्मे़ॽआङ् नाम्दाःत्छे़म्मे़ॽओ, थेआङ्भे़ल्ले़ खिनिॽ निङ्वाॽफुमाङ्ङिल्ले़ कुहिम्मो पोगुगे़न् कुजा सिदुङ्जभाहाॽ नु चे़ल्ले़क्सेॽ सेजःङ्वा सिदुङ्जभाहाॽ तोःम्मा मे़ले़रुआङ् वाॽरो॥
कल्ले़चोगुल्ले़ यहवे, मुक्साम्दाङ्बा निङ्वाॽफुमाङ्ङिल्ले़ अक्खे पाःत्तुरो— “के़रे़क् माराम्हाॽओ हाःम्लाक्वा पोःक्लो, हे़क्क्याङ् के़रे़क् लक्खुम्हाॽओ खे़ङ्हाॽ अक्खे मे़लॽरो, ‘ए नाॽराङ्स्याङ्लो! ए नाॽराङ्स्याङ्लो!’ याःन्गे़मबाहाॽ हाःप्मारे़ लागि नु चेदिःक्लाबाहाॽ हाःम्लाक्वा फोङ्मारे़ लागि मे़उःत्तुसिरो॥
खे़न् ये़न्नो मनाहाॽरे़ खिनिॽ के़म्येःत्तिरो, खे़ङ्हाॽरे़ मे़रिङ् साम्लोन् साम्मे़मे़त्तुर लासाक् के़म्मे़त्तिरो— ‘आनिगे़ग साॽरिक्के खाप्पुथ्यःङ् पोःक्खिगे़रो! आनिगे मनाहाॽरे़ खुन्छिॽ याङ्साकुन्धेन् पःक्खे़आङ् ने़रो॥ खुने़ॽ खे़न् याङ्साकुन्धेन् आनिगे नाप्तिगे़रो, खुने़ॽ आनिॽ लाजेॽ सिङ्बुङ्हाॽ आनिॽ इङ्ले़क्को के़धाबाहाॽ फःक्खु पिरुसिरो॥’”
खिनिॽ आत्ति आत्ति के़युङिॽ खे़प्मो चिजि खक्खक् पोङ्ॽ, हे़क्क्याङ् कुसिङ् निःत्मे़न्दे़प्मनाबा खिनिॽ माङ्से़वा चोःक्मादे़न्हाॽ खाप्पुथ्यःङ् चोगुङ्ॽ॥ खिनिॽ ले़त्ति तोःम्मादे़न्हाॽ मे़लुःन्दुॽ, खिनिॽ नावाइत्लाहाॽ फयःप्फयःप् मे़यःप्सुॽ, खिनिॽ सुक्पा हाःम्मादे़न्हाॽ मे़धुप्सुॽ, हे़क्क्याङ् खिनिॽ के़जोगुम्बा के़रे़क् साम्योबा इत्हाॽ खाप्पुथ्यःङ् पोङ्ॽ॥
Piblisite