कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
यर्मिया 8:9 - लिम्बु9 खे़ने़ॽ सिक्कुम्साबा के़मनाहाॽ सिरिङ्ममो मे़ध्ये़आङ् मे़वाॽरो, खे़ङ्हाॽ हाःब् मे़ले़क्ते़आङ् इजोओ मे़ध्ये़आङ् मे़वाॽरो॥ यहवे दाङ्बे़ल्ले़ आबाःन्जाःक्किन् खे़ङ्हाॽरे़ मे़नाॽरुआङ् मे़वाॽरो, आल्ल खे़ङ्हाॽरे़ खुन्छिॽ सिक्कुम्निङ्वान् आक्तङ्बा वाॽइरो? Gade chapit la |
यर्मिया 8:9
21 Referans Kwoze
सोअनबा युक्साबाहाॽ चाॽरिक् अदङ् मे़जोक्लो! मिस्र लाजेॽबा फारो हाङ्ङिल्ले़ सिक्कुम्साबा कुसुजादाङ्बाहाॽरे़ कुसुम् मे़न्दम्मनाबा पान् मे़बाःत्तुरो॥ खिनिॽ आक्खेलॽरिक् फारो हाङ्ङिन् अक्खे के़मे़त्तुम्बे, “थे सिक्कुम्साबाहाॽओ आङ्गाॽआङ् लत्छाआ मेःम्बि? हे़क्क्याङ् उन्छोन् उनाहुरिबा हाङ्हाॽरे़ खुन्छिॽ हुॽसाम्बाआ मेःम्बि?”
खिनिॽ खे़न् इङ्जाङ्हाॽओ ते़न्दे़म्मे़ॽ हे़क्क्याङ् इःत्ते़म् नाःत्ते़म्मे़ॽ, थेआङ्भे़ल्ले़ आम्भा कन्लाम् वेॽ सुवाङ्हाॽरे़ खुन्छिॽ तगि खिनिॽ सिक्कुम्दिङ् निङ्वान् नु खासिङ्निःप्मान् इङ्मे़भोसुॽ॥ कन् के़रे़क् थिम्हाॽ मे़घे़प्सुआङ् खे़ङ्हाॽरे़ अक्खे मे़बाःत्तुॽ, “से़क्खासाङ् कन् पयम् यम्बा सुवाङ्बा मनाहाॽ साॽरिक् सिक्कुम्साबा नु खासिङ् के़निःप्पासिरे़त्छ!”
ये़त्तुक्खेःल्ले़ कुसम्धाङ् ये़त्तुक्खे तारो, हे़क्क्याङ् हयङ्किल्लिङ्ले़ कुजक् हयङ्किल्लिङ् पोङ्दारो॥ माङ्निङ्वाॽपान् के़बाःप्पाहाॽलाम् लत्छा सुफोरे़ लागि खे़ङ्हाॽरे़ थेनाधे लाम् ओमे़मे़त्तुरो॥ खे़ङ्हाॽरे़ निङ्वाॽफुसाम्बाहाॽलाम् निसाम् मे़ङ्घोसुन्लो हे़क्क्याङ् लाम्लोबाहाॽलाम् खे़ङ्हाॽरे़ सुजा मे़ङ्घोसुन्लो॥
खे़ङ्हाॽरे़ खुने़ॽ कुइङ्भःन्हाॽ नु खुने़ॽ खे़ङ्हाॽरे़ खुन्छिॽ पाधे़बाहाॽनु चोगुबा माङ्हुप्पिन् हे़क्क्याङ् खुने़ॽ खे़ङ्हाॽ पिरुसिबा साम्दिङ्ङिन् खे़म्मा मे़न्दे़न्दे़न्, खे़ङ्हाॽ हने़ थेनाधेबा नावाइत्लाहाॽ मे़दिम्दुसि, खे़ब्याङ् खे़ङ्हाॽ आप्फेक्काङ् कुसुम् मे़न्दम्मनाबा मे़बोःक्खे़॥ “खे़ङ्हाॽरे़ मे़जोगुबा कुइसिक् खिनिॽ मे़जोगे़म्मिन्ने़ॽ” फाॽआङ् यहवे दाङ्बे़ल्ले़ मे़त्तुसिआङ् वये़साङ् खे़ङ्हाॽरे़ खुन्छिॽ कब्रिङ् ले़प्माङ् के़युङ्बा मे़न्छाम् याप्मिहाॽरे़ मे़जोगुबा पाःन्हाॽ मे़हुॽसिङ्॥ हे़क्क्याङ् यहवे दाङ्बे़ल्ले़ खे़ङ्हाॽ चोःक्मा मे़भाःक्तुसिम्बा पाःन्हाॽ खे़ङ्हाॽरे़ मे़जोगु॥
कल्ले़चोगुल्ले़ आङ्गाॽ याम्मो थिक्ले़ङ् कन् मनाहाॽरे़ खुन्छिॽ लुम्मो निङ्वाॽ के़माबा नु निङ्वाॽ के़ले़ङ्बा याःम्बक् चोगुङ्ङाङ् निङ्वाॽ ने़हि मार चोगुङ्लो॥ हे़क्क्याङ् सिक्कुम्साबाहाॽरे़ खुन्छिॽ सिक्कुम्निङ्वान् मे़क्लो, हे़क्क्याङ् खे़ङ्हाॽरे़ खुन्छिॽ के़रे़क्नुःल्ले़आङ् चाःत्चाःप्पा मनाःल्ले़ कुचाःत्चाःत् लॽमान् माबेःक्लो॥”
“‘आम्भा कन् ते़न्नो आङ्गाॽ यहुदा नु यरुसले़ःम्मोबा यक्युङ्बाहाॽरे़ चोःक्मा मे़गोःत्तुबान् कुसुम् मे़न्दम्मनाबा चोगुङ्ॽ, खे़ङ्हाॽ खुन्छिॽ निङ्मिहाॽरे़ मे़नाःन्दुसिर याःन्दुङ्सिङ् खे़ब्याङ् खे़ङ्हाॽ आङ्गाॽ ते़न्धङ्ङो मे़क्खुङ्सिङ् हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽ कुजा चामारे़ लागि पिरुङ्सिङ्ॽ॥
यहवे दाङ्बे़ल्ले़ अक्खे पाःत्तुरो, “यहुदाःल्ले़ सुम्सि कुलायोहाॽ इग्र लिसिए कुलायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ यहवे दाङ्बे़ल्ले़ कुसाम्योथिम् इङ्जाङ्ङिन् खे़ङ्हाॽरे़ इःप्मा नाःप्मा मे़नाॽरुबाल्ले़ चोगुल्ले़, खम्भ्याङ् खुने़ॽ कुधिम्हाॽ मे़न्इःत्तुन् मे़न्नाःत्तुम्बाल्ले़ चोगुल्ले़ हे़क्क्याङ् खे़ङ्हाॽरे़ खुन्छिॽ पाधे़बाहाॽरे़ मे़दिम्दुसिबा इङ्ले़क्पा माङ्हाॽरे़ खे़ङ्हाॽ इङ्मे़ले़क्तुसिबाल्ले़ चोगुल्ले़,
निङ्वाॽफुसाम्बाहाॽरे़ अक्खेलॽरिक्काङ् पान् सेःन्मे़न्दोसुन्लो ‘यहवे दाङ्बान् आत्ता वाॽबे?’ साम्योइङ्जाङ् के़हुॽबाहाॽरे़ आबाङेआङ् कुसिङ् मे़न्निःत्ताङ्ङिल्लो युक्साबाहाॽरे़आङ् आङ्गाॽनु पिफ्युङ् मे़जोगुरो॥ माङ्निङ्वाॽपान् के़बाःप्पाहाॽरे़ग बाल साम्माङ्ङिल्ले़ कुमिङ्ङो माङ्निङ्वाॽपान् मे़बाःत्तुरो, हे़क्क्याङ् हने़बा नावाइत्लाहाॽ माङ्से़वा मे़मे़त्तुसिरो॥
Piblisite