यर्मिया 8:6 - लिम्बु6 आङ्गाॽ आने़क्खोन् हङ् मे़त्तुङ्ङाङ् पान् खे़प्सुङ्लो, खे़ङ्हाॽग से़क्खा पान् मे़म्बाःप्ने़न्लो॥ कन्हाॽ लत्छाआङ् आबाङे ताप्फे़ःम्बा लायो चोःक्मालाम् मे़हिन्दे़बा होप्लो, खे़ङ्हाॽओ लत्छा थिक्ले़आङ् ‘आङ्गाॽ ताप्फे़ःम्बा चोगुङ्’ फाॽआङ् मे़इःत्तुबा होप्लो॥ अन्निन् थङ्ङो तगि लोःक्काङ् पेःक्लो खे़न् हे़क्के कन्हाॽ के़रे़क् आबाङे लाम्मो मे़धासिङ् मे़बेबान् मे़बेबाए मे़बोःक्खे़रो॥ Gade chapit la |
यर्मिया 8:6
24 Referans Kwoze
खम्भ्याङ् यहवे दाङ्बे़न्नु के़गिबाहाॽ ताॽमे़जे़क्खे़, हे़क्क्याङ् यहवे दाङ्बे़ल्ले़ खे़ङ्हाॽरे़ खुन्छिॽ पाःन्निन् सिङ्सिङ् ये़क्ये़क्काङ् खे़प्सु॥ यहवे दाङ्बे़न्नु के़गिबाहाॽ हे़क्क्याङ् खुने़ॽ कुमिङ्ङिन् इङ्धाङ् के़बिबाहाॽरे़ खुन्छिॽ निङ्वाॽसोक् किप्मनाबा साप्लाथःङ्मो खुने़ॽ कुदगिए मे़साप्तु॥
हे़क्क्याङ् कन् मिन्देॽलाम् मे़न्छिःम्ना वेॽ मनाहाॽ आबाङे मे़जोगुबा फे़न्याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःम्ना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न् नावाइत्लाहाॽ से़वा चोःक्मा मे़ल्ले़रुन्लो॥
यहवे दाङ्बे़ल्ले़ अक्खे पाःत्तुरो, “यरुसले़ःम्बा माराम्माहाॽओ थो नु यो पेगे़ॽओ, हे़क्क्याङ् के़रे़क् पिसाङ् ओमये़ॽआङ् निङ्वाॽ इःत्ते़ॽओ॥ कोःत्ते़ॽर लाम्दोहाॽओ ओमये़ॽओ, कुदोःप्मा याःम्बक् के़जोःक्पा नु से़क्खान् के़हङ्बा लत्छा कोःत्ते़ॽओ हे़क्तङ्बा मनाधिक् खे़ने़ॽ के़घोसुने़भग्र आङ्गाॽ खे़न् ये़क्यक्किन् ले़प्मि पिरुङ्लो॥
आत्तिन्हाॽआङ् मे़होःप्ले़त्छ फाॽआङ् खुने़ॽ निसुरो, हे़क्क्याङ् पाःन्दङ्साबा हाःत्ताङ् मे़होप्ते़बाल्ले़ चोगुल्ले़ साॽरिक् कुनिङ्वाॽ मये़रो॥ कल्ले़चोगुल्ले़ खुने़ॽ आबाङे कुमुक्साम्मिल्ले़ खे़ल्ले़ लागि से़न्लप् तारुरो, खे़ब्याङ् खुने़ॽए कुसाम्योबा याःम्बक्के़ल्ले़ खे़न् तक्तुरो॥
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
आङ्गाॽ ये़क्यक्किन् अक्खे मे़त्तुङ्लो, ‘से़क्खासाङ् खे़ने़ॽ आङ्गाॽ के़गित्तार पोङ्लो, आङ्गाॽ आहे़न्थिम्मिन् के़दाःक्तुर पोङ्लो॥ खे़ब्याङ् खे़ने़ॽ कुयुक्नान् मे़मे़क्ने़न्लो, हे़क्क्याङ् आङ्गाॽ के़रे़क् आघुम्दिङ्हाॽ खे़ने़ॽ के़सम्धाङ् मे़जुक्ने़न्लो॥’ कर के़रे़क् फे़त्लाॽमा इसेःङ्बा याःम्बक्हाॽ चोःक्मारे़ लागि खे़ङ्हाॽ आल्लसाङ् यरिक् खुन्छिॽ सिक्समे़रो॥”
Piblisite