यर्मिया 8:19 - लिम्बु19 खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?” Gade chapit la |
यर्मिया 8:19
35 Referans Kwoze
यहवे दाङ्बाए, थे खे़ने़ॽ यहुदान् से़क्खाए के़नाॽरुबि? थे खे़ने़ॽ सियोनबा यक्युङ्बाहाॽ हिलाप्फु के़इःत्तुसिबि? थेआङ् वेःप्मा मे़न्छुक्के थारिक् खे़ने़ॽ आनिगे याप्मि के़घाःन्दे़बाबे? आनिगे सनारुङ् कोःत्तुम्बे़आङ् वयिगे़रो कर नुबा पान् थेआङ् मे़घोसुम्बे़न्लो॥ वेःप्मा ये़म्मिन् निङ्साङ् चोगुम्बे़आङ् वयिगे़रो कर किमा यङ्मारक् आनिगे तक्क्रुम्बो इरे़द्ये़रो॥
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
यहवे दाङ्बे़ल्ले़ अक्खे पाःत्तुरो— “के़धाःक्थे़बाहाॽरे़ आङ्गाॽ आदक्ले़ङ्वाओ ताप्फे़ःम्बा पान् थे मे़घोसुबे? थे़मा पाःन्निल्ले़ चोगुल्ले़ खे़ङ्हाॽ आङ्गाॽलाम्बा माःङ्घा मे़बोःक्खे़बे? खे़ङ्हाॽरे़ थेनाधेबा नावाइत्लाहाॽ से़वा मे़मे़त्तुसिरो हे़क्क्याङ् आबाङेआङ् हने़बा मे़बोःक्खे़रो॥
थेआङ् खे़ने़ॽ के़नाक्पा के़बेःक्पा मना कुइसिक् के़बोःक्खे़बाबे? इग्र याप्मि फाॽमा मे़न्छुक्मनाबा मुक्के़गुबा थक्सुबा कुसिङ् थेआङ् के़बोःक्खे़बाबे? यहवे दाङ्बाए, खे़ने़ॽ से़क्खासाङ् आनिगे लुम्मो के़वाॽरो॥ आनिगे़ग खे़ने़ॽ के़मिङ् के़दक्पासिगे़ फाॽआङ् मे़निसिगे़रो, आनिगे याप्मि आन्नाॽरे़न्ने़ॽओ॥”
खे़ल्ले़ याःन्दिक् आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् चुक् हे़क्क्याङ् आङ्गाॽ खे़ङ्हाॽ लाप्फेसुङ्सिङ्ॽ, खम्भ्याङ् आङ्गाॽ आनारान् खे़ङ्हाॽलाम् चिक्खुङ्ङाङ् खे़ङ्हाॽ खाप्पुथ्यःङ् मे़मे़क्॥ यरिक् तुक्खे लाक्खेहाॽ नु के़साक्पा पाःन्हाॽ खे़ङ्हाॽरे़ खुन्छिॽ सम्धाङ् इदारो॥ खे़ब्याङ् खे़ल्ले़ याःन्दिक् खे़ङ्हाॽरे़ अक्खे मे़बाःत्तुॽ, ‘आनिॽ निङ्वाॽफुमाङ्ङिन् आनिॽ लुम्मो होप्पाल्ले़ चोगुल्ले़ए आनिॽ सम्धाङ् अक्तङ्बा के़साक्पा तुक्खे लाक्खेहाॽ त्ये़बाग मेःम्बि?’
Piblisite