हे़क्केलॽरिक् आङ्गाॽ आमनाहाॽ ये़क्ये़क्पा मे़ले़ङ्सिङ्ङाङ् खे़ने़ॽ के़दगि मे़युङ्सिङ्ॽ॥ खे़ने़ॽ के़बाःन्हाॽ खे़ङ्हाॽरे़ मे़घे़प्सुॽ, कर खे़ङ्हाॽरे़ खे़ने़ॽ के़बाःत्तुबा हे़क्के चोःक्मा निङ्वाॽ मे़ङ्गत्तुन्ॽ॥ खे़ङ्हाॽरे़ खुन्छिॽ मुरान् मुर्ले़ःम्बा पाःन्निल्ले़ के़दिम्बा चोक्, हे़क्क्याङ् खे़ङ्हाॽरे़ याङ् खोमारक् निङ्वाॽ मे़जोगु॥
यर्मिया 8:10 - लिम्बु10 “खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥ Gade chapit la |
यर्मिया 8:10
28 Referans Kwoze
थेआङ् मे़ङ्गप्मनाबा याङ्गे़साॽबाहाॽ के़दोॽरुम्सिम्लो, हे़क्क्याङ् साक्के़ल्ले़क् चा के़म्बिरिर के़याःन्दुम्सिम्लो॥ कल्ले़चोगुल्ले़ खिनिॽ खोःम्मना लक्मनाबा लुङ् हिम्हाॽ के़जोगुम्साङ् खिनिॽ खे़ङ्हाॽओ युङ्मा के़ङ्घोसुम्मिन्लो, खिनिॽ चिनॽनॽ के़लॽबा चे़ल्ले़क्सेॽ इक्ताप्हाॽ के़लेःत्तुम्साङ् खिनिॽ खे़न् चे़ल्ले़क्सेॽ थि थुङ्मा के़ङ्घोसुम्मिन्लो॥
कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
आङ्गाॽ इक्ताप्पो पेःक्काने़भग्र, खे़प्मो थङ्ङो के़सिबाहाॽरे़ खुन्छिॽ चेहाॽ निसुङ्लो॥ आङ्गाॽ ये़क्यक्को लाःत्ताने़भग्र, खे़ॽयो मनाहाॽ साक्मे़न्जाए मे़सिर मे़बप्पा निसुङ्सिङ्लो॥ माङ्निङ्वाॽपान् के़बाःप्पाहाॽ नु निङ्वाॽफुसाम्बा के़रे़क्ले़ आबाङे याःम्बक्किन् मे़जोगुर मे़बत्लो॥ कर खे़ङ्हाॽरे़ थे़मा याःम्बक् मे़जोगुर मे़बत्, खे़न् खे़ङ्हाॽरे़ थेआङ् मे़न्निसुन्लो॥”
खे़ने़ॽ के़हाङ्हिम्मो पक्मे़ध्ये़बा के़रे़क् मे़न्छुमाहाॽ बेबिलोनबा थक्सुबा सुहाङ्युक्पाहाॽरो मे़देॽरुसि॥ खे़ब्याङ् खे़न् मे़न्छुमाहाॽरे़ के़म्गेॽर अक्खे मे़बाःत्तुरो, “‘खे़ने़ॽग नुबा चुम्देङ्हाॽ के़गत्तुसिरो! खे़ङ्हाॽरे़ खे़ने़ॽ इङ् के़म्ले़क्ते़आङ् लाम्गे़म्भोःत्ते़रो॥ आल्ल खे़ने़ॽ के़लाङ्हाॽ खाम्ले़क्वाओ हुमे़ल्ले़ खे़ङ्हाॽरे़ खे़ने़ॽ के़दॽयान् फे़म्मो लाप्के़म्भुसे़रो!’
खे़न् ये़न्नो मनाहाॽरे़ खिनिॽ के़म्येःत्तिरो, खे़ङ्हाॽरे़ मे़रिङ् साम्लोन् साम्मे़मे़त्तुर लासाक् के़म्मे़त्तिरो— ‘आनिगे़ग साॽरिक्के खाप्पुथ्यःङ् पोःक्खिगे़रो! आनिगे मनाहाॽरे़ खुन्छिॽ याङ्साकुन्धेन् पःक्खे़आङ् ने़रो॥ खुने़ॽ खे़न् याङ्साकुन्धेन् आनिगे नाप्तिगे़रो, खुने़ॽ आनिॽ लाजेॽ सिङ्बुङ्हाॽ आनिॽ इङ्ले़क्को के़धाबाहाॽ फःक्खु पिरुसिरो॥’”
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
Piblisite