लाम्दिःप्पाङ्, ये़त्छाबा ये़त्छामा हे़क्क्याङ् मेमेदुमाहाॽलाम् यरिक् याङ्साकुन्धे थक्मालाम् मे़जोगे़म्मिन्ने़ॽ॥ कन् लाजेॽओ फोत्या मे़ःन्नेबाहाॽरे़ खुन्छिॽ माक्खिॽ मे़से़से़म्मिन्ने़ॽ॥ कुसिङ् मे़न्निःत्तेबा साम्माङ्हाॽओ से़वा चोःक्मा ले़रे़म्मे़ॽ, खे़ङ्हाॽरे़ खिनिॽ के़म्मे़क्खि के़म्से़रिरक्॥
यर्मिया 7:9 - लिम्बु9 खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥ Gade chapit la |
यर्मिया 7:9
46 Referans Kwoze
“आङ्गाॽ मुक्साम्दाङ्बा यहवे दाङ्बे़ल्ले़ इस्राइल नु यहुदान् लेःत्तुङ्सिङ्ङाङ् वयाङ्, कर आल्ल आङ्गाॽ खे़ङ्हाॽ सम्धाङ् ये़त्तुक्खेन् ताःप्मा खारा चोगुङ्ङाङ् वाॽ॥ ताप्फे़ःम्बा याःम्बक् मे़जोगुआङ् कन् ये़त्तुक्खेन् खे़ङ्हाॽरे़ आबाङे खुन्छिॽ सम्धाङ् मे़दारु॥ बाल साम्माङ्ङो सुक्पा मे़हाःन्दुआङ् खे़ङ्हाॽरे़ आङ्गाॽ आसिक् मे़भोक्खुआङ् वाॽरो॥”
यहुदाओ आक्ख्यारिक् ये़क्यक्हाॽ ने़ःॽ, खे़प्मोबा यक्युङ्बाहाॽरे़ खे़म्म्याक्के यरिक् साम्माङ्हाॽ मे़गत्तुसिॽ॥ यरुसले़ःम्मो आक्खे़म्म्याक् लाम्हाॽ ने़ःॽ, खे़प्मोबा मनाहाॽरे़ खे़म्म्याक्के यरिक् खे़न् आनुःन्नुःम्बा याम्गे़सिङ्बा बाल साम्माङ्ङो सिदुङ्जभा तोःम्मारे़ लागि सुक्पा हाःम्मा ले़त्ति तोःम्मादे़न्हाॽ मे़जोगुआङ् ने़ःॽ॥
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
हे़क्क्याङ् बेबिलोन्बाहाॽ लुङ्धाक् लाःक्कात् कब्रिङ् मे़ये़प्, खे़ङ्हाॽ मे़लाःत्ताङ् कन् ये़क्यक्किन् खा मि फुल्लुम् मे़याक्तुॽ॥ मनाहाॽरे़ खुन्छिॽ हिम्मोबा आःम्भोॽओ बाल साम्माङ्हाॽओ ससिङ् सुक्पा मे़हाःन्दु हे़क्क्याङ् वेॽ साम्माङ्हाॽओ सेजःङ्वा सिदुङ्जभा मे़दोन्दुआङ् आङ्गाॽ आसिक् मे़भोक्खुआङ् वये़॥ खे़ल्ले़चोगुल्ले़ खे़न् हिम्हाॽआङ् कन् ये़क्यक्किन्नु सोरिक् बेबिलोनबा थक्सुबाहाॽरे़ मिमे़धिक्खुआङ् खाप्पुथ्यःङ् मे़जोगु॥
कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
थेआङ्भे़ल्ले़ खे़ङ्हाॽरे़ आङ्गाॽ थिक्याःन्धक् मे़गोःत्तारो, आत्तिन् पाःन्निन् नुबा चोक् खे़न् के़जोःक्पा नु आबाङे निङ्वाॽफुमाङ्ङिल्ले़ कुइङ्जाङ्ङिन् मे़म्भेःम्मनाबा कर आङ्गाॽ आलाम्मिन् नाःप्मा कुसिङ् निःप्मा निङ्वाॽ के़जोःक्पा सुवाङ् हे़क्तङ्बाए खे़ङ्हाॽ निमे़दे़त्लो॥ खे़ङ्हाॽरे़ कुदोःप्मा निङ्वाॽ निःन्धोरे़ पाःन्हाॽ मे़नाःक्कारो, हे़क्क्याङ् निङ्वाॽफुमाङ्ङिन् खे़ङ्हाॽरे़ खुन्छिॽ निःत्ताङ् तार फाॽआङ् खुन्छिॽ निङ्वाॽ इगेःक् लॽबा निदे़त्लो॥
आङ्गाॽ आबाङे आमनाहाॽ खुम्दिङ् पिरुङ्सिङ्लो थेआङ्भे़ल्ले़ खे़ङ्हाॽरे़ लायो मे़जोगुआङ् वाॽरो, आङ्गाॽ खे़ङ्हाॽरे़ लाप्मे़भुसाङ्लो हे़क्क्याङ् वेॽ माङ् साम्माङ्हाॽओ साङ्सिङ् सुक्पा मे़हाःन्दुआङ् मे़वाॽरो नावाइत्लाहाॽ मे़जोगुसि खे़ब्याङ् खे़ङ्हाॽ माङ्से़वा मे़मे़त्तुसिआङ् मे़वाॽरो॥”
यहवे दाङ्बान् पाःन्सेःन्दोरो, “थेआङ् आङ्गाॽ खिनिॽ ले़प्मि पिनिङ्बाबे? खिनिॽ साहाॽरे़ आङ्गाॽ लाप्मे़भुसाङ्ङाङ् वाॽरो हे़क्क्याङ् खे़ङ्हाॽ इङ्ले़क्पा माङ्हाॽओ माङ्मे़हे़क्सिङ्ङाङ् वाॽरो॥ खे़ङ्हाॽ मे़ङ्घाए थारिक् चाःत्तुङ्सिङ्लो, कर खे़ङ्हाॽरे़ याम्बोःप्मा याःम्बक् मे़जोगुआङ् मे़वये़रो हे़क्क्याङ् खे़ङ्हाॽ ये़म्बा हङ्जेना के़त्निमान्नु यरिक् ये़म् मे़देसुरो॥
कर आमनाहाॽरे़ निङ्वाॽ मे़भेःत्छाङ्ङाङ् वाॽरो, खे़ङ्हाॽरे़ हने़बा नावाइत्लाहाॽओ सुक्पा मे़हाःन्दुआङ् मे़वाॽरो हे़क्क्याङ् आप्फेक् लाङ्मे़घेःक्पा लाम्मो मे़घसिङ्ङाङ् मे़वाॽरो॥ खे़ङ्हाॽरे़ आबाङे खुन्छिॽ तगिबा लाम्मिन् निङ्वाॽ मे़मुःत्छुआङ् मे़वाॽरो हे़क्क्याङ् खे़ङ्हाॽ चिहुॽहुॽबा लाम्मो मे़धासिङ्ङाङ् मे़वाॽरो॥
“‘थेआङ्भे़ल्ले़ कन् मनाहाॽरे़ आङ्गाॽ लाप्मे़भुसाङ्ङाङ् मे़वाॽ हे़क्क्याङ् आप्फेक् नु आबाङे खुन्छिॽ पाधे़बाहाॽरे़ इग्र याम्मो यहुदाबा हाङ्हाॽरे़ कुसिङ् मे़न्निःत्तुन्छिन्बा साम्माङ्हाॽओ सिदुङ्जभा मे़दोन्दुआङ् कन् ते़न्निन् एयाङ्बा साम्माङ्हाॽरे़ खुन्छिॽ माङ्धाःन् मे़जोगुआङ् ने़॥ खे़ङ्हाॽरे़ कन् ते़न्निन् आप्तिक् मेःन्नेबा माक्खिॽइल्ले़ हे़ःत्ताङ्बा मे़जोगुआङ् ने़॥
कन् मिस्र लाजेॽओ खिनिॽ हुक्किल्ले़ के़जोगुम्सिम्बा नावाइत्लाहाॽओ सुक्पा के़हाःन्दुम्माङ् थेआङ् आङ्गाॽ आसिक् के़भोःक्खुम्बाबे? खिनिॽ आबाङेरक् के़मे़ङ्ङासिॽ हे़क्क्याङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ लागि साक्मुरा माङ्दे नु किनाःन्दि चाहाक् के़जोःक्कासिॽ॥
“आङ्गाॽ कुहिङ्वे़त् वाॽआबा कुइसिक्, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुॽ, आङ्गाॽ वरे़ङ्ले़ङ् खिनिॽ मिङ् मासुङ् पिनिङ्ॽ॥ सिक्के़ले़ःङ्बा खिनिॽ लायोहाॽ नु सिक् वयाक् के़मे़प्पा खिनिॽ चइःत्हाॽरे़ आङ्गाॽ आहिम्मिन् के़जिःन्दुम्बाल्ले़ चोगुल्ले़ चबे़ःत्छिक्काङ् आलुङ्माॽ स्याःत् के़ल्लॽरिन्ॽ॥
के़भङ्बा सिदाॽ याक्मनाबा खरे़ःङ्ङिन् नुगे़न् सिदुङ्जभा तोःन्दे़म्मे़ॽओ, हे़क्क्याङ् आप्फेक् खिनिॽ निङ्वाःल्ले़ के़दोःन्दुम्बा सिदुङ्जभाहाॽरे़ लागि अःक्ते़म्मे़ॽओ यम्बा हे़न्नासिम्मे़ॽर लाङ्घेगे़म्मे़ॽओ, थेआङ्भे़ल्ले़ खिनिॽग इस्राइलिनिङ्लो, हे़क्केए चोःक्मा खिनिॽ सिराॽथाङ्लो,” मुक्साम्दाङ्बा यहवे दाङ्बे़ल्ले़ उवा चोगुरो॥
“खे़ल्ले़चोगुल्ले़ खे़ने़ॽ इस्राइलबा मनाहाॽ मे़त्ते़ॽसे़ॽ—‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ थाःक्थे़बाहाॽरे़ मे़जोगुबा कुइसिक् खिनिॽ आप्फेक् आसुत्थो चोःक्सिङ्मा निङ्सेक् के़जोगुम्बि? चिःन्जिःन्गे़घुबा चइःत्हाॽ से़वा के़मे़त्तुम्सिम्माङ् खिनिॽ आप्फेक् चक्मे़ल्लॽए के़त्निमा याःम्बक् चोःक्मा निङ्वाॽ के़जोगुम्बि?
Piblisite