कन् ताक्के़भे़ॽबा मनाहाॽरे़ आङ्गाॽ आइङ्जाङ्ङिन् इःप्मा नाःप्मा मे़नाॽरुआङ् मे़वाॽ॥ खे़ङ्हाॽ आभे़ल्ले़साङ् कुॽइगे़भे़म्बा मे़बोःक्खे़आङ् मे़वाॽ हे़क्क्याङ् कुसिङ्मे़न्निःत्ते़बा साम्माङ्हाॽ माङ्से़वा मे़मे़त्तुसि खे़ब्याङ् माङ्मे़घयुसिॽ॥ खे़ल्ले़चोगुल्ले़ आल्ल खे़ङ्हाॽ कन् फॽइःन् हे़क्के कुसुम्मे़न्दम्मना हने़बा मे़बोङ्॥
यर्मिया 7:6 - लिम्बु6 लाम्दिःप्पाङ्, ये़त्छाबा ये़त्छामा हे़क्क्याङ् मेमेदुमाहाॽलाम् यरिक् याङ्साकुन्धे थक्मालाम् मे़जोगे़म्मिन्ने़ॽ॥ कन् लाजेॽओ फोत्या मे़ःन्नेबाहाॽरे़ खुन्छिॽ माक्खिॽ मे़से़से़म्मिन्ने़ॽ॥ कुसिङ् मे़न्निःत्तेबा साम्माङ्हाॽओ से़वा चोःक्मा ले़रे़म्मे़ॽ, खे़ङ्हाॽरे़ खिनिॽ के़म्मे़क्खि के़म्से़रिरक्॥ Gade chapit la |
यर्मिया 7:6
37 Referans Kwoze
हे़क्क्याङ् यहवे दाङ्बा खिनिॽ निङ्वाॽफुमाङ्ङिल्ले़ कुइङ्जाङ्हाॽ के़न्इःत्तुम् के़न्नाःत्तुम्मिन्नाङ् खिनिॽ कुसिङ् के़न्निःत्तुम्सिम्मे़न्बा माङ्हाॽ के़दिम्दुम्सिम्ॽ हे़क्क्याङ् आङ्गाॽ आइन् इङ्जाङ् पिनिङ्बा लाम्मिन् के़ले़रुम्ने़भग्र माङ्दे साङ्ग्राःल्ले़ खिनिॽ के़दे़त्तिॽ॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
“‘थेआङ्भे़ल्ले़ कन् मनाहाॽरे़ आङ्गाॽ लाप्मे़भुसाङ्ङाङ् मे़वाॽ हे़क्क्याङ् आप्फेक् नु आबाङे खुन्छिॽ पाधे़बाहाॽरे़ इग्र याम्मो यहुदाबा हाङ्हाॽरे़ कुसिङ् मे़न्निःत्तुन्छिन्बा साम्माङ्हाॽओ सिदुङ्जभा मे़दोन्दुआङ् कन् ते़न्निन् एयाङ्बा साम्माङ्हाॽरे़ खुन्छिॽ माङ्धाःन् मे़जोगुआङ् ने़॥ खे़ङ्हाॽरे़ कन् ते़न्निन् आप्तिक् मेःन्नेबा माक्खिॽइल्ले़ हे़ःत्ताङ्बा मे़जोगुआङ् ने़॥
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
Piblisite