यर्मिया 7:31 - लिम्बु31 खे़ङ्हाॽरे़ हिन्नोमबा ने़ने़बादे़न्नो आबाङे साएहाॽ मिधिङ्मनादेमनाबा सिदुङ्जभा चोःक्मारे़ लागि तोपेत मे़प्मनाबा ले़त्ति तोःम्मादे़न्हाॽ मे़जोगुआङ् ने़ःॽ॥ आङ्गाॽ खे़न् चोःक्मा इङ्जाङ् पिरुङ्सिङ्बा मेःन्, हे़क्तङ्बा पाःन्ग आङ्गाॽ इःत्तुङ्बाआङ् होःप्ताङ्॥ Gade chapit la |
यर्मिया 7:31
23 Referans Kwoze
खे़ङ्हाॽरे़ आबाङे खुन्छिॽ साहाॽ मोलोख साम्माङ्ङिल्ले़ कुदगि वयागे़न् सिदुङ्जभा तोःम्मासि फाॽआङ् बेन-हिन्नोमबा ने़ने़बादे़न्नो बाल साम्माङ्ङिल्ले़ कुलागि से़वा चोःक्मादे़न्हाॽ मे़जोगुआङ् युङ्॥ खे़ङ्हाॽ खे़न् चोःक्मा इङ्जाङ् मे़बिरुङ्सिङ्ङिन्॥ खे़ङ्हाॽरे़ हे़क्तङ्बा ताप्फे़ःम्बा याःम्बक् मे़जोगु हे़क्क्याङ् यहुदाबा मनाहाॽ लायो चोःक्मा मे़बाङ्घुसि के़लॽबा पाःन्निन् आङ्गाॽ आनिङ्वाॽओ आभे़ल्ले़आङ् त्ये़बा होःप्ते़रो॥”
खे़ङ्हाॽरे़ खुन्छिॽ ये़म्बित्छा नु मे़न्छुमा साहाॽ मिओ मिधिङ्मनादेमनाबा सिदुङ्जभा मे़जोगुसि॥ खे़ङ्हाॽरे़ थुम्म्या मे़इसु, हे़क्क्याङ् कित्चाक् मे़जोगु, खम्भ्याङ् यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोगे़ खे़न् चोःक्मारे़ लागि खुन्छिॽ आप्फेक् मे़सङ्सिङ्ङाङ् खुने़ॽ कुसिक् मे़भोःक्खु॥
खुने़ॽ कुस्सा ये़म्बित्छा मे़न्छुमाहाॽ बेन-हिन्नोमबा ने़ने़बादे़न्नो मिओ सिदुङ्जभा चोगुसि॥ खुने़ॽ कित्चाक् चोगुआङ् थुम्या इसु हे़क्क्याङ् खागे़इक्पाहाॽ नु साम्माङ् च्याःङ्हाॽ मुरा के़मे़प्पाहाॽ सुजा नाःक्तुसि॥ खुने़ॽ यहवे दाङ्बे़ल्ले़ कुनिमो साॽरिक् ताप्फे़ःम्बा चोगुआङ् खुने़ॽ कुसाक्के़न् फोःक्खु॥
खुने़ॽ बेन-हिन्नोमबा ने़ने़बादे़न्नो सिदुङ्जभाहाॽआङ् तोःन्दु॥ इस्राइलिहाॽरे़ खुन्छिॽ तगिलाम् यहवे दाङ्बे़ल्ले़ आत्तिन् मे़न्छाम् सुवाङ्हाॽ लाजेॽलाम् लःत्तुदेसुसिआङ् वये़, खे़ङ्हाॽरे़ए खुन्छिॽ याम्गे़सिङ्बा ये़प्ले़क्किन् नाःत्तुआङ् खुने़ॽ कुस्साहाॽ मिओ मिधिक्खुसिआङ् सिदुङ्जभा चोगुसि॥
खे़ङ्हाॽरे़ मे़जोगुबा हे़क्के यहवे दाङ्बा खिनिॽ निङ्वाॽफुमाङ्ङिन् माङ्से़वा मे़मे़त्ते़म्मिन्ने़ॽ, थेआङ्भे़ल्ले़ खे़ङ्हाॽरे़ खुन्छिॽ माङ्साम्माङ्हाॽ से़वा मे़मे़त्तुसिल्ले़ खे़ङ्हाॽरे़ के़रे़क् परिक्पा सिक्के़ले़ःङ्बा पाःन्हाॽ मे़जोगुॽ, यहवे दाङ्बे़ल्ले़ खे़न् चिःत्तुॽ॥ खे़ङ्हाॽरे़ खुन्छिॽ माङ्हाॽरे़ लागि खुन्छिॽ साहाॽआङ् मिओ सिदुङ्जभा मे़जोगुसिॽ॥
याम्मो हाबा खे़न् इःन्दोन् बेनहिन्नोमबा ने़ने़बादे़न्नो पोःक्खे़र यबुसि इग्र, यरुसले़म लाङ्गे़त् ले़प्माङ् थाम्माङ् पेआङ् ने़स्से़॥ हे़क्क्याङ् खे़न् इःन्दोन् हिन्नोमबा ने़ने़बादे़न् नाम्धा ले़प्माङ् के़ने़बा नु रपाइहाॽरे़ खुन्छिॽ ने़ने़बादे़न्निल्ले़ नासमा कुया ले़प्माङ् थाङ्गे़त् ले़प्माङ्बा कोःक्माल्ले़ कुजङ्ङो थारिक्के के़रे़आङ् ने़स्से़॥
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
कर खे़ने़ॽ के़बाःत्तु, ‘आङ्गाॽ आबाङे आसुत्थो होःप्पाआरो, बाल साम्माङ्ङिन् से़वा मे़मे़त्तुङ्ङिन्लो’ लॽरिक् खे़ने़ॽ आक्खेलॽरिक् पाःप्मा के़सुक्तुबे? खे़ने़ॽ सेःङ्घा ने़ने़बादे़न्नो लायो के़जोगुआङ् के़वये़रो हे़क्क्याङ् हे़न्हाॽ हे़न्हाॽ के़जोगुआङ् के़वये़, खे़न् ओमे़त्ते़ॽओ॥ कुम्बाबा के़गोःप्मा उमे हे़क्तङ्मा पान् मे़ङ्घे़म्मनाबा के़बोक्खे़आङ् के़वये़रो हे़क्क्याङ् खे़ने़ॽ याङ्ना कत्ना के़लोःक्ल के़वाॽरो॥
आङ्गाॽ खे़ङ्हाॽ पिरुङ्सिङ्ङाङ् वये़बा मिक्तोक् पर्धाःम्हाॽरे़ए खुन्छिॽ आबाङे आसुत्थो पोङ्मा फाःक्तुङ्सिङ्, हे़क्केलॽरिक् खे़ङ्हाॽ मे़ङ्मासि नु आङ्गाॽए यहवे दाङ्बाआ के़लॽबा पाःन्निन् निङ्वाॽसुम् तारुङ् पिरुङ्सिङ्ल फाॽआङ् खे़ङ्हाॽरे़ खुन्छिॽ तुम्बा साहाॽ वयागे़न् सिदुङ्जभा कुइसिक् खुन्छिॽ माङ्हाॽओ तोःम्मा फाःक्तुङ्सिङ्॥
थेआङ्भे़ल्ले़ खिनिॽ खे़ङ्हाॽ हुक्वा के़बिरुम्सिम्ॽ हे़क्क्याङ् खिनिॽ अङे़ःक्वा साहाॽ मिधिङ्मासिरे़ लागि सिदुङ्जभा के़दोःन्दुम्सिम्मिल्ले़ खिनिॽ आप्फेक् चक्मे़ल्लॽए नावाइत्लाहाॽनु आइन् थारिक् आसुत्थो के़जोःक्कासिर के़वयिॽ॥ इस्राइलबा मनासे, थे आङ्गाॽलाम् लत्छा इङ्घङ्धिक् खिनिॽ सेःन्दोमा फाःक्निङ्बाबि? आङ्गाॽ से़क्खाए कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, आङ्गाॽ खिनिॽ थे़माआङ् मे़मे़त्निङ्ङिन्ॽ॥
Piblisite