खे़ङ्हाॽ खुन्छिॽ नुबा वाःत्ति सामाहाॽओ आङ्दिङ् मे़लॽरे़आङ् मे़वाॽरो हे़क्क्याङ् कन् याम्गे़सिङ्बा नावाइत्लाहाॽ नु ताप्फे़ःम्बा चइःत्हाॽ चोःक्मारे़ लागि ओगप् मे़जोगुरो॥ खे़ल्ले़चोगुल्ले़, खे़ङ्हाॽरे़ खुन्छिॽ याङ्साकुन्धेहाॽ आङ्गाॽ खुन्छिॽ लागि याम्गे़सिङ्बा चोगुङ् पिरुङ्सिङ्लो॥
यर्मिया 7:30 - लिम्बु30 “यहवे दाङ्बे़ल्ले़ अक्खे पाःत्तुॽ, ‘यहुदाओ के़युङ्बाहाॽरे़ आमिक्साओ ताप्फे़ःम्बा याःम्बक् मे़जोगुआङ् मे़वाॽ॥ आङ्गाॽ चिःत्तुङ्सिङ्बा नावाइत्लाहाॽ खे़ङ्हाॽरे़ आमिङ्ङिन् मिङ्सो इङ्धाङ् पिमा के़बोङ्बा आहिम्मो मे़युक्खुसिआङ् युङ् हे़क्क्याङ् माङ्हिम्मिन् आसुत्थो मे़जोगुआङ् ने़ःॽ॥ Gade chapit la |
यर्मिया 7:30
20 Referans Kwoze
लत्छा ‘नुसि’ रे़ लागि यरिक् मनाहाॽनु खे़ल्ले़ माङ्हुप् थिक् निःन्धो चोगुॽ॥ ‘नुसि’ लुम्मो खे़ल्ले़ सिदुङ्जभा नु हुक्वाहाॽ नुप्सुॽ॥ हे़क्क्याङ् कुमे़क्मा निःन्धो के़बोङ्बा इङ्जाङ्ङिन् खे़ल्ले़ कुसम्धाङ् मे़न्धाए थारिक् खे़ल्ले़ माङ्हिम्मोबा लत्छा कुलक्को आमे़ङ्मे़ङ्बा याम्गे़सिङ्बा नावाइत्ला थिक् ये़प्सुरो॥”
खुने़ॽ चोःक्मा पाङ्घुसिबा नावाइत्लान् निङ्वाॽफुमाङ्ङिल्ले़ कुहिम्मो युक्खु, खे़न् माङ्हिम्मिल्ले़ कुयाःम्बेओ यहवे दाङ्बे़ल्ले़ दाउदे़न् नु खुने़ॽ कुस्सा सोलोमने़न् अक्खे मे़त्तुसिआङ् वये़, “आङ्गाॽ इस्राइलबा के़रे़क् थाःक्हाॽलाम् सेगुङ्बा कन् माङ्हिम्मो नु यरुसले़ःम्मो आभे़ल्ले़साङ् सदादिङ्ले़ लागि आङ्गाॽ आमिङ् युक्खुङ्ॽ॥
खुने़ॽ लक्तु खोःन्दुआङ् चोगुबा असेरा माङ् नावाइत्लान् खुने़ॽ खे़न् माङ्हिम्मो युक्खु, खे़ल्ले़ कुयाःम्बेओ यहवे दाङ्बे़ल्ले़ दाउदे़न् नु कुस्सा सोलोमने़न् अक्खे मे़त्तुसिआङ् वये़, “कन् माङ्हिम्मो नु इस्राइलबा के़रे़क् थाःक्हाॽओलाम् सेगुङ्बा यरुसले़ःम्मो सदादिङ् आङ्गाॽ आमिङ् युक्खुङ्ॽ॥
खुने़ॽ वेॽ लाजेॽबा माङ्हाॽ नु मे़लक्तु मे़घोःन्दुआङ् मे़जोगुबा नावाइत्लान् यहवे दाङ्बे़ल्ले़ कुहिम्मोलाम् लःत्तुदेसु, हे़क्क्याङ् माङ्हिम्मोबा कोःक्माओ नु यरुसले़ःम्मो खुने़ॽ आप्फेक् चोगुबा के़रे़क् ले़त्ति तोःम्मादे़न्हाॽआङ् इःक्खुदेसु हे़क्क्याङ् खुने़ॽ खे़ङ्हाॽ के़रे़क् ये़क्यक्लाम् लाःक्कात् लाप्पुङ्देसु॥
आहाजरे़ थाःङ्समा कुयाक्फाङ्ङोबा निःत्ताङ्बा कुगौसिओ यहुदाबा हाङ्हाॽरे़ मे़ये़प्सुबा ले़त्ति तोःम्मादे़न्हाॽ नु यहवे दाङ्बे़ल्ले़ कुहिम्मोबा ने़प्माङ् लक्खुम्मो मनस्सेःल्ले़ चोगुबा ले़त्ति तोःम्मादे़न्हाॽ योसियाहःल्ले़ यन्छुदेसु॥ खुने़ॽ खे़ङ्हाॽ खे़प्मोलाम् इःक्खुआङ् लुङ् मुजिक्हाॽ किद्रोन ने़ने़बादे़न्नो लाप्फुसु॥
खुने़ॽ कुम्बा हिजकियाःल्ले़ खाप्पुथ्यःङ् चोगुबा केःम्ब केःम्बादे़न्नोबा माङ्धाःङ्हाॽ खुने़ॽ याम्मो चोगु॥ इस्राइलबा हाङ् आहाबरे़ चोगुबा कुइसिक् खुने़ॽ बाल माङ्ङिल्ले़ कुलागि ले़त्ति तोःम्मादे़न्हाॽ चोगु, हे़क्क्याङ् असेरा माङ् सित्लाङ् थिक्काङ् चोगु॥ खुने़ॽ साबन् हबत् फन्छिङ्ङाङ् ताङ्साङ्बोबा खेःम्सिक्पाहाॽ से़वा मे़त्तुसि॥
खुने़ॽ कुम्बा हिजकियाःल्ले़ लुःन्दुदेसुबा थुप्सुदेसुबा थे़गुहाॽओबा माङ्धाःन्हाॽ खुने़ॽ याम्मो चोगु॥ खुने़ॽ बाल माङ्हाॽरे़ लागि ले़त्ति तोःम्मादे़न्हाॽ चोगु हे़क्क्याङ् असेरा माङ्सित्लाङ्हाॽ ये़प्सु॥ खुने़ॽ ताङ्साङ्बोबा के़रे़क् खेसेबाहाॽ तगि साम्बोन् फन्छिङ्ङाङ् खे़ङ्हाॽ से़वा मे़त्तुसि॥
कल्ले़चोगुल्ले़ आत्तिन् पाःन्ने़न्नु खे़ङ्हाॽ मे़गि, हाबा खे़न् तुक्खे लाक्खेहाॽए खे़ङ्हाॽरे़ मे़दुमुर याःन्दुङ्सिङ्लो॥ थेआङ्भे़ल्ले़ आङ्गाॽ पाःन्छाःत्तुङ्सिङ्ङिल्ले़ आत्तिन्हाॽरे़आङ् नुगप् मे़म्बिराङ्ङे़न्लो॥ आङ्गाॽ पाराङ्ङिल्ले़ हाःत्ले़आङ् खे़म्घे़म् मे़ल्लाप्तुन्लो, आत्तिन् पाःन्निन् आङ्गाॽ ताप्फे़ःम्बा निसुङ्, खे़ङ्हाॽरे़ हाबा खे़न्ने मे़जोगुरो, खे़ब्याङ् आत्तिन् पाःन्निन् आङ्गाॽ आसिराॽ मे़धाङ्ने़न्, आम्भा खे़न् खे़ङ्हाॽरे़ मे़सेगुरो॥”
खे़ङ्हाॽरे़ आबाङे खुन्छिॽ साहाॽ मोलोख साम्माङ्ङिल्ले़ कुदगि वयागे़न् सिदुङ्जभा तोःम्मासि फाॽआङ् बेन-हिन्नोमबा ने़ने़बादे़न्नो बाल साम्माङ्ङिल्ले़ कुलागि से़वा चोःक्मादे़न्हाॽ मे़जोगुआङ् युङ्॥ खे़ङ्हाॽ खे़न् चोःक्मा इङ्जाङ् मे़बिरुङ्सिङ्ङिन्॥ खे़ङ्हाॽरे़ हे़क्तङ्बा ताप्फे़ःम्बा याःम्बक् मे़जोगु हे़क्क्याङ् यहुदाबा मनाहाॽ लायो चोःक्मा मे़बाङ्घुसि के़लॽबा पाःन्निन् आङ्गाॽ आनिङ्वाॽओ आभे़ल्ले़आङ् त्ये़बा होःप्ते़रो॥”
खे़ल्ले़ हुक् हे़क्तङ्बाधिक् सन्छुआङ् आङ्गाॽ आध्गेक् इओ ते़म्साङ्ङाङ् तेॽराङ्॥ खे़न् एगाङ् सुफोओ निङ्वाॽफुमाङ्ङिल्ले़ कुयाम्साम्मिल्ले़ आङ्गाॽ ताङ्साङ्बो थाःङ् पक्खाङ् हे़क्क्याङ् निङ्वाॽफुमाङ्लाम्बाबा सुफोओ यरुसले़म के़त्ताङ्॥ माङ्हिम् सिगाङ् के़ने़बा लक्खुम्मो लाःप्मा थाङ्गे़त् ले़प्माङ्बा यम्बा लाम्धेःत्तो के़त्ताङ्, खे़प्मो यम्बा नावाइत्ला थिक् युङ् खे़ल्ले़ यहवे दाङ्बे़न् साॽरिक् कुनागे़हे़म्बा चोगुआङ् वाॽ॥
Piblisite