यर्मिया 7:29 - लिम्बु29 “यरुसले़ःम्मो के़युङ्बासे आल्ल आबाङे थे़गेःक्इःन् खक्ते़म्मे़ॽआङ् लाप्फुसे़म्मे़ॽओ॥ मे़रिङ् थक्ते़म्मे़ॽर थेआङ् के़होप्पा मुरे़क् खारे़क्पा कोःक्मा फाङ्जङ् सम्मो हाबे़म्मे़ॽओ थेआङ्भे़ल्ले़ आङ्गाॽ यहवे दाङ्बान् आसिक् पोगे़आङ् वाॽरो हे़क्क्याङ् आङ्गाॽ आमनाहाॽ लाप्फुसुङ्सिङ्ङाङ् वाॽरो॥ Gade chapit la |
“नासिगे़न् थक्ला के़गप्पा मे़न्छाम् याप्मिए, तुरोसबा हाङ्ङिल्ले़ कुलागि खे़ने़ॽ कन् मे़रिङ् साम्लोन् साम्मे़त्ते़ॽ॥ मुक्साम्दाङ्बा यहवे दाङ्बे़ल्ले़ अक्खे पाःत्तुरो— “खे़ने़ॽग सिक्कुम्दिङ् निङ्वाॽरे़ कुधिम् नु साॽरिक् पनुनुबा के़जोःक्पा के़घे़म्सिङ्मो कुलिङ्दो के़गे़प्पा खे़ने़ॽ लत्छा कुबिने़रो॥
मुरे़क् खारे़क्पा कोःक्मा फाङ्जङ् थे़गु माङ्वाहाॽओ ओमे़त्ते़ॽओ॥ खे़ने़ॽ के़धाङ्बे़न्हाॽनु के़इप्से़म्बादे़न्निन् आत्ति ने़बे? लत्छा फाःन्दान् मुरे़क् खारे़क्पा ये़ःङ्घादे़न्नो मनाहाॽ नाप्मासि फाॽआङ् मना सुक्पा हे़क्केए खे़ने़ॽ लाम्बेसाङ् के़ये़प्पाङ् के़धाङ्बे़न्हाॽरे़ खुन्छिॽ लाम्मिन् ओगे़मे़त्तुरो॥ खे़ने़ॽग ताप्फे़ःम्बा फे़न्याःम्बक् के़जोःक्लो के़त्निमा के़जोःक्मारे़ लाजेन् के़जिःन्दुरो॥
कोःक्मा थे़गुहाॽरे़ लागि मे़रिङ् थक्कारो हे़क्क्याङ् पित् चाराम्मादे़न्निल्ले़ लागि आङ्गाॽ हाःप्पारो थेआङ्भे़ल्ले़ खे़न् हेरे़ चबे़आङ् ने़रो खे़ब्याङ् हाःत्ताङ् खे़न् ते़न्नोलाम्बा मे़बोङ्ने़न्नाङ् मे़बेःक्ने़न्लो॥ खे़प्मो पित् मे़माःङ्बा इक्लाआङ् खे़म्मे़दे़त्ने़ल्लो, थक्सा पुसाहाॽआङ् मे़घे़त्छिङ् मे़बेआङ् मे़वाॽरो॥
यहवे दाङ्बाए, थे खे़ने़ॽ यहुदान् से़क्खाए के़नाॽरुबि? थे खे़ने़ॽ सियोनबा यक्युङ्बाहाॽ हिलाप्फु के़इःत्तुसिबि? थेआङ् वेःप्मा मे़न्छुक्के थारिक् खे़ने़ॽ आनिगे याप्मि के़घाःन्दे़बाबे? आनिगे सनारुङ् कोःत्तुम्बे़आङ् वयिगे़रो कर नुबा पान् थेआङ् मे़घोसुम्बे़न्लो॥ वेःप्मा ये़म्मिन् निङ्साङ् चोगुम्बे़आङ् वयिगे़रो कर किमा यङ्मारक् आनिगे तक्क्रुम्बो इरे़द्ये़रो॥